Edirnənin mərkəzində yerləşən Yancıkçı Şahin məhəlləsində bir binada tək yaşayan 66 yaşlı Levent Özülküdən xəbər ala bilməyən yaxınlarının müraciəti əsasında ünvana gələn polis əməkdaşları onun cansız cəsədi ilə qarşılaşıblar. Sonxeber.az türk mediasına istinadən xəbər verir ki, hadisə yerində aparılan ilkin araşdırmadan sonra cəsədin daşınması zamanı bir sıra çətinliklər yaşanıb.
Cənazənin daşınmasında yaranan problemlər səbəbindən əraziyə avtokran çağırılıb. Tabut avtokrana bağlanaraq binanın 5-ci mərtəbəsinə qaldırılıb. Cəsəd tabuta yerləşdirildikdən sonra tabut yenidən avtokranla yerə endirilib və cənazə maşınına qoyulub.
Polis Levent Özülkünün ölümü ilə bağlı araşdırmalara başlayıb.