Pilləkənlərdən qızını itələyən atadan şok etiraf

İstanbulun Eyüpsultan rayonunda yaşayan Turgay T. adlı şəxs, binanın pilləkənlərində hərəkətdə olan azyaşlı qızını itələyib.

Sonxeber.az xəbər verir ki, balaca qız pilləkənlərdən yıxılaraq ağır xəsarət alıb. Uşağın fəryadını eşidən qonşular hadisəyə müdaxilə edib və ata ilə mübahisə yaşanıb.

İstanbul Təhlükəsizlik Müdirliyinin əməkdaşları sosial şəbəkələrdə və bəzi xəbər saytlarında yayımlanan görüntülərlə bağlı dərhal araşdırma aparıb. Şəxsiyyəti müəyyən edilən Turgay T. saxlanılaraq "qəsdən xəsarət yetirmə" maddəsi ilə Çağlayan məhkəməsinə göndərilib. Məlum olub ki, o, oğurluq, qarət kimi cinayətlərdən 51 dəfə polis qeydiyyatına düşüb.

Turgay T. polisə verdiyi ifadəsində 3 yaşlı qızı M.T.-nin xəbərdarlığa baxmayaraq əlini elektrik panosuna salmağa çalışdığını, bu səbəblə onu itələdiyini bildirib.

Ailə və Sosial Xidmətlər Nazirliyi sosial media hesabında məsələ ilə bağlı açıqlama yayıb. Açıqlamada qeyd olunur:

"Hadisənin hüquq-mühafizə orqanlarına çatması ilə dərhal İl Sosial Müdafiə İdarəsinin əməkdaşları hərəkətə keçmişdir. Araşdırmalar nəticəsində şiddətə məruz qalan uşağın daha 7 bacı-qardaşı olduğu müəyyən olunmuş, zəruri prosedurlar tamamlandıqdan sonra həmin uşaq və bacı-qardaşları dövlət qorumasına götürülmüşdür. Nazirlik olaraq şiddət göstərən ata barədə hüquqi proseduru başladaraq, onun ən ağır şəkildə cəzalandırılması üçün prosesi yaxından izləyəcəyik".

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş