Bəyə misli görünməmiş "işgəncə"! Başına gəlməyən qalmadı - VİDEO

Bursanın Mudanya rayonunun Yörükali kəndində Onur və Sude Naz Sayar cütlüyü toyla ailə həyatı qurdu.

Sonxeber.az türk mediasına istinadən xəbər verir ki, toydan əvvəl kəndin yüz illərdir davam edən adət-ənənələri tam şəkildə həyata keçirildi.

Bəy Onur Sayarın əvvəlcə geyimləri kəsildi, sonra ağzına əmzik taxılıb əl arabasında gəlin evinə aparıldı. Orada bəy gəlin evinin qarşısında dibçək sındırdı və saçılan torpağı süpürərək təmizlədi. Daha sonra adətə uyğun olaraq, ona tavada yumurta qırdırıldı. Ancaq bununla da kifayətlənilmədi – bəyin dostları onun başında yumurta qırdı, una buladı.

Toyun qəhrəmanı olan Onur Sayar dedi:
"Bu bizim yüz illərdir davam edən ənənəmizdir. Hər toyda bu adətləri yerinə yetiririk. Allah dostlarımdan razı olsun, bu xoş günümüzdə bizi tək buraxmadılar. Yumurtadır, undur, torpaq süpürməkdir – hamısı bizim köhnə qaydalarımızdır. Biz də kəndin gəncləri olaraq bu adətləri yaşadırıq. Subay dostlarım evlənsələr, mən onlara daha betərini edəcəyəm", – deyə zarafatla bildirdi.

Bütün adətlərin yerinə yetirilməsindən sonra bəy Onur Sayar dərindən nəfəs alaraq bəyliyini geyindi və gəlinini evindən aldı. Ona edilən bu "şirin əziyyət" dolu anlar isə izləyənləri güldürdü.

Sonxeber.az
Telegramda izləyin
Şikayətiniz varsa Whatsapp: 077 7125666

Facebookda Paylaş