Ismayil Ehmedzade - Wikipedia - Ureyim.az

İsmayıl Əhmədzadə 1949-cu il avqustun 16-da Azərbaycan Respublikası Neftçala rayonunun Aşağı Qaraimanlı kəndində fəhlə ailəsində anadan olmuşdur.

1966-cı ildə həmin rayonun Qədimkənd kənd orta məktəbini gümüş medalla bitirmişdir.

1971-ci ildə BDU-nun filologiya fakültəsinin Azərbaycan dili və ədəbiyyat şöbəsini fərqlənmə diplomu ilə bitirmişdir. Adlı təqaüdlə oxumuşdur.

1974-1975-ci illərdə hərbi xidmətdə olmuşdur. Təyinatla Neftçala rayonuna göndərilmiş, 1981-ci ilə qədər həmin rayonun Aşağı Xıllı qəsəbə, Aşağı Qaraimanlı kənd səkkizillik və Qədimkənd kənd orta məktəblərində müəllim, tərbiyə işləri üzrə direktor müavini kimi çalışmışdır.

1981-ci ildə BDU-nun (ovaxtkı ADU-nun) filologiya fakültəsinin ixtisaslaşdırılmış Müdafiə Şurasında «Azərbaycan dilində feli bağlamanın zərflə əlaqəsi» mövzusunda namizədlik dissertasiyası müdafiə etmişdir. 1981-ci ilin iyun ayında müsabiqə yolu ilə BDU-nun Azərbaycan dilçiliyi kafedrasına müəllim seçilmişdir. Azərbaycan müəllimlərinin 6-cı qurultayının nümayəndəsi olmuşdur. Rayon dil-ədəbiyyat müəllimləri bölməsinin sədri olmuşdur.

12 may 1989-cu ildən Azərbaycan dilçiliyi kafedrasının dosentidir. 2011-ci il 18 yanvar tarixində Bakıda vəfat etmişdir. ^[1]

Ailəlidir, 2 övladı var.

• 1971-ci ildən Neftçala rayonunun Xıllı qəsəbə səkkizillik məktəbində (iki il), Aşağı Qaraimanlı kənd səkkizillik məktəbində (1975-1977), Qədimkənd kənd orta məktəbində (1978-1981) dil-ədəbiyyat müəlllimi, sinifdənxaric və məktəbdənkənar işlər üzrə təşkilatçı işləmişdir.
• 1981-ci ildən BDU-nun Azərbaycan dilçiliyi kafedrasında işləyir: müəllim (1 sentyabr 1981-ci ildən), baş müəllim (12 oktyabr 1984-cü ildən), dosent (12 may 1989-cu ildən).
• Filologiya fakültəsində «Müasir Azərbaycan dili» fənnindən mühazirə və təcrübi məşğələlər, ixtisas kursu və seminarlar aparır.
• Tələbə Qəbulu üzrə Dövlət Komissiyasında Azərbaycan dili və ədəbiyyatı üzrə elmi-metodik seminarın rəhbəri, həm də bu fənlər üzrə ekspert şurasının sədri olmuşdur. Filologiya fakültəsi Ümumi Şurasının üzvü olmuşdur.
• 75 elmi və elmi-metodik məqalənin müəllifidir. 10 elmi-metodik kitabçanın müəllifi və ya həmmüəllifidir.
• Azərbaycan dilçiliyində ilk dəfə feli bağlama əsasında yaranmış zərflər (1976), dilin morfosintaktik yarusu (1987), sözün valentliyi (1990), mürəkkəbləşmiş cümlələr (2008) haqqında məlumat vermiş, bu məsələlərin tədqiqi ilə məşğul olmuşdur. ^[1]

• Müasir Azərbaycan dili (morfologiya və sintaksis), Azərbaycan dilinin tarixi, Azərbaycan dilinin tədrisi, test metodikası.
• Beynəlxalq seminar, simpozium və konfranslarda iştirakı
• 1990-cı ildə Türkiyənin Kayseri şəhərində keçirilən Birinci millətlərarası Azərbaycan konqresində «Nominallaşma və onun təzahürləri» mövzusunda məruzə ilə çıxış etmişdir.

• 1981-ci ildə «Azərbaycan dilində feli bağlamanın zərflə əlaqəsi» mövzusunda namizədlik dissertasiyası müdafiə etmişdir.
• Filologiya elmləri namizədi, dosentdir.

• 2003, Azərbaycan dili və ədəbiyyat, «Abituriyent» (xüsusi buraxılış), 2003, № 2, səh.31-36
• 2003, Azərbaycan dili və ədəbiyyatdan tövsiyələr. Ekspert şərhləri. Azərbaycan dili və ədəbiyyat. «Abituriyent» jurnalına əlavə. B., səh.5-58
• 2003, «Leksika» bölməsini necə öyrənməli. Ekspert şərhləri. Azərbaycan dili və ədəbiyyat. «Abituriyent» jurnalına əlavə. B., səh.65-72 (şərikli)
• 2003, «Köməkçi nitq hissələri» bölməsinə dair bəzi tövsiyələr. Ekspert şərhləri. Azərbaycan dili və ədəbiyyat. «Abituriyent» jurnalına əlavə. B., səh.79-84 (şərikli)
• 2003, İlyas Əfəndiyevin «Xurşidbanu Natəvan» pyesi. Ekspert şərhləri. Azərbaycan dili və ədəbiyyat. «Abituriyent» jurnalına əlavə. B., səh.103-111 (şərikli).
• 2003, İşə nabələd olanda (məqaləyə cavab). «Ədalət» qəzeti, 26.08. (şərikli)
• 2004, Müasir Azərbaycan dili. Sintaksis. Bakalavr hazırlığı üçün «Müasir Azərbaycan dili» fənnindən proqram. «Bakı Universiteti», B., (şərikli)
• 2004, «Azərbaycan dili» dərsliklərindəki bəzi ziddiyyətli məqamlar haqqında. Tədqiqlər-4. AMEA-nın Nəsimi adına Dilçilik. İnstitutunun nəşri. B., səh.306-314 (şərikli)
• 2004, Dil və cinslərin qarşılıqlı münasibətləri (linqvistik, fəlsəfi, dini, tibbi-psixoloji yanaşma). Müasir sosial-siyasi dəyişikliklər kontekstində gender təhsilinin inkişafı (elmi-praktik konfransın materialları). 27 mart 2004-cü il. Qərb Universitetinin nəşri. B., səh.58-66 (şərikli)
• 2006, İşarə əvəzliklərinin sintaktik vəzifələri. Prof. T.İ.Hacıyevin 70 illiyinə həsr olunmuş elmi konfransın materialları. «Bakı Universiteti» nəşriyyatı, B., (şərikli )
• 2007, «Azərbaycan dili və ədəbiyyatı tədrisi» jurnalına müsahibə: Azərbaycan dilindən qəbul proqramı. «Azərbaycan dili və ədəbiyyatı tədrisi» curnalı, B., № 1
• 2007, Tərkib və tərkibdaxili qruplar. Language and Literature. Язык и литература. Dil və ədəbiyyat. Beynəlxalq elmi-nəzəri jurnal. 5 (59), B., səh. 41-43
• 2008, Tərkiblər mürəkkəbləşmiş cümlənin komponenti kimi. Azərbaycan filologiyasının aktual problemləri. X kitab. H.Ə.Əliyevin anadan olmasının 85-ci ildönümü münasibətilə respublika elmi-nəzəri konfransının materialları. «Bakı Universiteti» nəşr, səh.19-21
• 2008, Mir Cəlalın hekayə dilində tabeli mürəkkəb cümlələr. («Günün hekayələri» silsiləsi). Yazıçı və zaman. Mir Cəlalın anadan olmasının 100 illik yubileyinə həsr olunmuş elmi konfransın materialları. «Bakı Universiteti» nəşr. səh.270-273 ^[1]

• 1993, Orta ümumtəhsil məktəblərinin V-XI sinifləri üçün türk (Azərbaycan) dili proqramı. Müəlliflərdən biri və elmi redaktor. «Öyrətmən» nəşriyyatı, B.
• 1993, Orta məktəb şagirdləri və abituriyentlər üçün türk (Azərbaycan) dilindən testlər. «Öyrətmən» nəşriyyatı, B.
• 1997, Ana dili və ədəbiyyatdan testlər. 1100 sual. «Kür» nəşr., B.
• 2000, Azərbaycan dilindən testlər. «Kür» nəşr., B.
• 2008, Azərbaycan dilindən test tapşırıqları. V-XI siniflər. «Abituriyent» jurnalının xüsusi buraxılışı. V nəşri. B., (7 kitab – əsas müəllif)
• 2008, Ədəbiyyatdan test tapşırıqları. X-XI siniflər. «Abituriyent» jurnalının xüsusi buraxılışı. V nəşri (2 kitab-əsas müəllif) B.
• 2008, Ədəbiyyat nəzəriyyəsindən test tapşırıqları. X-XI siniflər. «Abituriyent» jurnalının xüsusi buraxılışı. V nəşri. B.

• «Qabaqcıl maarif xadimi» döş nişanına (1977), BDU rektorunun təşəkkürlərinə layiq görülmüşdür.

• Dilçi
• Kamilə Vəliyeva
• Azərbaycan dili

• Dilçi alim İsmayıl Əhmədzadə vəfat edib^{[ölü keçid]}

1. ↑ ^{1 2 3} Kafedranın dosenti^{[ölü keçid]}