Istifadeci Nemohey - Wikipedia - Ureyim.az

1957-ci ildə Balakən rayonu Qabaqçöl qəsəbəsində anadan olmuşdur. 1975-ci ildə Balakən rayonu Ü.Hacıbəyov adına Qabaqçöl Qəsəbə orta məktəbini bitirib. 1976-1981-ci illərdə - Azərbaycan Kənd Təsərrüfatı Akademiyasında təhsil alıb. 1988-1993-cü illərdə - Beynəlxalq İdarəetmə İnstitutunun Mahaçqala filialının İqtisadiyyat fakültəsini (qiyabi) bitirib.

Ailəlidir, 3 övladı var.

1981-1982-ci illərdə kənd təsərrüfatının ayrı-ayrı sahələrində müxtəlif vəzifələrdə işləyib. 1982-1988-ci illərdə Balakən konserv zavodunda müxtəlif vəzifələrdə çalışıb. 1988-1993-cü illərdə - Azərittifaqın Balakən Aqrar-Kooperativ-Tədarük Sənaye-Ticarəti Birliyinin baş direktoru işləyib. 1993-1995-ci illərdə Azərittifaqın mərkəzi aparatında şöbə müdiri, idarə rəisi işləyib. 1995-1996-cı illərdɔ Taxıl Məhsulları Dövlət Şirkətində şöbə müdiri, 1996-1999-ci illərdə Taxıl Məhsulları Dövlət Şirkəti Prezidentinin köməkçisi vəzifəsində işləyib. 1999-2000-ci illərdə Bakı Fındıq Emalı müəssisəsinin baş direktorunun birinci müavini, 2000-2007-ci illərdə Azərittifaqın Çörəkbişirmə Müəssisələri İstehsalat Birliyinin baş direktorunun birinci müavini işləyib. 2007-ci ildən İqtisadiyyat Nazirliyində məsul vəzifədə işləyir.

2013-cü ildən Azərbaycan - Avar İctimai Birliyinin sədri kimi fəaliyyət göstərir.^{[1] [2]}2019-cu ildə YAP- Səbail rayon Ərazi ilk partiya təşkilatının sədri seçilib. 1993-1998-ci illərdə Ulu öndəri Heydər Əliyevin, 2003, 2008, 2013-cü illərdə İlham Əliyevin seçki kompaniyasında Yeni Azərbaycan Partiyasının təbliğat-təşviqat qrupunun üzvü kimi Balakən-Zaqatala rayonlarında fəal iştirak edib. 2024-cü ildə Azərbaycan Respublikasının Prezidenti İlham Əliyevin Sərəncamına əsasən “Heydər Əliyevin 100 illiyi” (1923-2023) yubiley medalı ilə təltif olunub.^[3] Bundan əlavə, YAP-ın, Bakı Beynəlxalq Multikulturalizm Mərkəzinin^[4] , İqtisadiyyat Nazirliyinin fəxri fərman və təşəkkürnamələri ilə təltif edilib. 2010-cu ildə Azərbaycan  Milli Məclisinin 4-cü çağırış seçkilərində deputatlığa namizəd olub.

1. ↑ agentliyi, NUH Informasiya. "Azərbaycan-Avar İctimai Birliyi Balakəndə tədbir keçirdi » NUH informasiya agentliyi". www.nuh.az (ingilis). İstifadə tarixi: 2024-08-08.
2. ↑ "Avar icması adından » Azərbaycan Prezidentinin Rəsmi internet səhifəsi". president.az (az.). İstifadə tarixi: 2024-08-08.
3. ↑ "Prezident avar xalqının nümayəndəsini Heydər Əliyevin 100 illiyi yubiley medalı ilə təltif etdi". Gunpress.az (rus). İstifadə tarixi: 2024-08-08.
4. ↑ "Azərbaycan Multikulturalizmi". multiculturalism.preslib.az. İstifadə tarixi: 2024-08-08.