Istifadeci Yustayevski - Wikipedia - Ureyim.az

Yustayevski — Mən, Yusif Məmmədəli Elçin oğlu, 17 iyun 2005-ci ildə Xaçmaz rayonunda anadan olmuşam. 15 sentyabr 2011-ci ildə Xaçmaz rayon İsmət Qayıbov adına 3 nömrəli tam orta məktəbin I sinfinə başlamışam.26 aprel 2018-ci ildən etibarən Azərbaycan Skautlar Assosiasiyasında skaut kimi fəaliyyət göstərməyə başlamışam. Növbəti illərdə isə Skautinqin qazandırdığı təcrübələr vasitəsilə sosial və liderlik bacarıqlarımı inkişaf etdirmişəm.2020-ci ildə Xaçmaz rayon Abamüslüm Səlimov adına 7 nömrəli tam orta məktəbin VIII sinfinə daxil olmuşam. Həmin ildən etibarən GİKM, ASAN Xidmət, DAİM kimi bir sıra regional təşkilatlarda könüllü kimi fəaliyyət göstərmişəm. COVID-19 pandemiyası dövründə göstərdiyim ictimai fəaliyyətə görə Gənclərin İnkişaf və Karyera Mərkəzi tərəfindən "İlin Gənci" nominasiyasına layiq görülmüşəm.2021-ci ildə Şimal zonasının "Kolizey" adlı intellektual klubunu yaratmış və komandamla birlikdə Respublika birincisi olmuşuq.4 iyun 2022-ci il tarixində Bakı Avrasiya Universitetinin (BAAU) Regionşünaslıq və İqtisadiyyat fakültəsinin ABŞ və Kanada üzrə regionşünaslıq ixtisasına qəbul olmuşam. 1 sentyabr 2022-ci il tarixində isə universitetin Tələbə Gənclər Təşkilatı nəzdində “İntellektual Oyunlar Klubu”nu (İOK) yaratmışam. Bu klub vasitəsilə universitetlərarası yarışlarda müxtəlif uğurlar qazanmışıq.Azərbaycan Gənclər Fondunun maliyyə dəstəyi ilə həyata keçirilən "İdeyanı Reallaşdır – 2022" layihəsi çərçivəsində "CompLandiA" layihəsi ilə qalib olmuş və ilk dəfə layihə rəhbərliyi anlayışı ilə praktiki tanışlıq əldə etmişəm. Həmin il Azərbaycan Skautlar Assosiasiyasının Gənclik Dəstəsində Dəstə Lideri köməkçisi kimi fəaliyyət göstərmişəm.2022-ci il "Şuşa İli" çərçivəsində Şuşada keçirilən ekoloji aksiyalarda aktiv iştirak etmişəm. 2 fevral 2023-cü ildə Xaçmaz Rayon İcra Hakimiyyətinin başçısı Elnur Rzayev tərəfindən “Regionun Fəal Gənci” adına layiq görülmüşəm. Eyni zamanda ümumi ictimai fəaliyyətlərimə görə Bakı şəhəri Nərimanov Rayon Gənclər və İdman İdarəsi tərəfindən "İlin Aktiv Tələbəsi" mükafatı ilə təltif edilmişəm.2023-cü ildən etibarən bir çox gənclər təşkilatlarının üzvü olmuşam. 2022-ci ildən isə ixtisasıma olan marağımdan irəli gələrək diplomatiya sahəsinə yönəlmişəm. Bu istiqamətdə BMT modeli simulyasiyalarında (Model United Nations) iştirak etmiş, NATO-nun baş qərargahında keçirilən Gənclər Sammitində onlayn formada qatılmış və “Ən Yaxşı Nümayəndə”, “Ən Yaxşı Debatçı” nominasiyalarına layiq görülmüşəm.2023-cü ildə altı nəfər gənclə birlikdə "Gənclərin İnkişaf Platforması" adlı təşəbbüs qrupunu yaratmışıq. Bu platforma vasitəsilə 700-dən çox gənci ətrafımıza toplayaraq Azərbaycanın müxtəlif bölgələrində maarifləndirmə tədbirləri həyata keçirmişik.2023-cü ildə Azərbaycan Gənclər Fondunun “İdeyanı Reallaşdır – 2024” qrant müsabiqəsinin qalibi olaraq "Şimal Kuboku" adlı intellektual yarış layihəsinin rəhbəri olmuşam. Layihə çərçivəsində Quba, Qusar, Xaçmaz və Siyəzən rayonlarında 300-dən çox gənci əhatə edən intellektual liqa təşkil etmişik.6 iyun 2024-cü ildə İsveçrənin Bern şəhərinin Kanderşteg bölgəsində yerləşən Kandersteg International Scout Centre-də (KISC) 3 aylıq "short-term staff" (qısamüddətli heyət) proqramı çərçivəsində Campsite Manager (Düşərgə Ərazisi Meneceri) kimi fəaliyyət göstərmiş və ölkəmizi beynəlxalq arenada layiqincə təmsil etmişəm.2025-ci ildən etibarən Qərbi Azərbaycan İcmasının Gənc Qərbi Azərbaycan Səfiri kimi fəaliyyət göstərir, Qərbi Azərbaycan həqiqətlərinin ictimaiyyətə çatdırılması istiqamətində məqalələr yazıram.