 |
 |
Ureyim.az |  |
 |
Nəsirəddin Şah Yəhya (1343 – 1393) — Müzəffəri sülaləsindən hökmdar[1] və Şah Şücanın qardaşı oğlu.[2]
| Şah Yəhya | |
|---|---|
| Nəsirəddin Şah Yəhya | |
| 1387 – 1393 | |
| Əvvəlki | Mücahiddin Zeynalabidin |
| Sonrakı | Şücaəddin Şah Mənsur |
| Şəxsi məlumatlar | |
| Doğum tarixi | |
| Vəfat tarixi | |
| Fəaliyyəti | monarx |
| Atası | II Şərafəddin Müzəffər |
| Dini | İslam |
Şah Yəhya 29 may 1343-cü ildə anadan olmuşdur.[mənbə göstərilməlidir] Şah Şücanın hakimiyyəti dövründə bir müddət həbsdə qaldıqdan sonra Yəzd valisi təyin edildi.
Şah Şüca dövründə Şah Yəhya bir neçə dəfə əmisinə qarşı üsyan qaldırsa da, hər dəfə məğlub edilmişdir. Şah Şücanın ölümündən sonra onun vəsiyyətinə görə Yəzd Şah Yəhyanın əlində qaldı. Bu dövrdə Şah Yəhya Farsı ələ keçirmək üçün yürüş təşkil etsə də, burada Şah Şücanın oğlu, Müzəffəri hökmdarı, Zeynalabidin ilə sülh bağladı və İsfahan valisi təyin edildi. Lakin o, Yəzd şəhərinin inkişafına daha çox meyilli olduğu üçün isfahanlılar onun davranışından razı qalmadılar və şəhərdən qovuldu.[mənbə göstərilməlidir]
Bundan sonra Şah Yəhya 1390-cı ildə Kirmana yürüş təşkil etdi. Lakin əmisi İmadəddin Əhmədə məğlub olaraq Yəzdə qayıtdı.[3] Həmin ərəfədə Əmir Teymur Farsı ələ keçirdi və üsyan qaldırmış Zeynalabidinin yerinə Şah Yəhyanı 1387-ci ildə Şirazda Müzəffəri hökmdarı elan etdi.[2][1] O, Teymurilərə hər il 300 tümən vergi ödəməli idi.[mənbə göstərilməlidir] Lakin Şuştər hakimi Şah Mənsurun hakimiyyəti ələ keçirmək üçün Şiraza hərəkəti haqqında xəbər aldıqdan sonra müqavimət göstərməyərək şəhəri tərk etdi.[3] Daha sonra tərəflər arasında Şah Mənsurun Şah Yəhyanın əlindəki Yəzdə hücum etməyəcəyi təminatı ilə sülh müqaviləsi imzalandı.[4]
Şah Yəhya 1393-cü ildə Əmir Teymurun əmri ilə Müzəffəri sülaləsinin digər üzvləri ilə birlikdə öldürüldü.[2]
 |
 |
UREYIM.AZ |  |
 |
|