 |
 |
Ureyim.az |  |
 |
Əli Nizami oğlu Hacızadə (26 fevral 1984, Bakı) — siyasi analitik[1][2], iş adamı.[3][4]
| Əli Hacızadə | |
|---|---|
 | |
| Doğum tarixi | 26 fevral 1984 (41 yaş) |
| Doğum yeri | |
| Milliyyəti | Azərbaycanlı |
| Təhsili | |
| Fəaliyyəti | siyasi analitik, iş adamı |
| Mükafatları |
 |
| alihajizade.com | |
 Vikianbarda əlaqəli mediafayllar | |
Əli Hacızadə 26 fevral 1984-cü ildə Bakı şəhərində anadan olub, 2000-ci ildə Bakı şəhərində 8 saylı orta məktəbi, 2005-ci ildə Azərbaycan Dövlət Rəssamlıq Akademiyasının sənətşünaslıq fakültəsini bitirib. 2005–2006-cı illərdə hərbi xidmətdə olub.
Əli Hacızadə Yaxın Şərq mövzusunda bir çox məqalə, analiz və ekspert rəyinin müəllifidir. Onun yazı, analiz, müsahibə və ekspert rəylərinə, Azərbaycan[5][6][7], Türkiyə[8][9], ABŞ[10], İsrail[11], Çin[12], Rusiya[13], Ərəb[14] və Avropa[15] KİV-lərində rast gəlmək mümkündür. Hacızadənin həmçinin Ermənistan-Azərbaycan münaqişəsinə dair analiz və yazıları mövcuddur.[16][17][18][19] Əli Hacızadənin regiondakı vəziyyət haqqında analitik proqnozlarına Britaniyanın "The Times" və ABŞ-nin "The Wall Street Journal" kimi nüfuzlu dərgiləri istinad edir.[19][20]
Əli Hacızadə yazı və çıxışlarında informasiya müharibəsinə[21][22] və müasir dünyada Hibrid müharibə taktikalarına[23][24] geniş yer verir. Hibrid Müharibələrin və informasiya müharibələrinin, habelə onların taktikalarının təhlili və araşdırılması Hacızadənin yayımladığı bir çox analiz və etdiyi bir çox çıxışlarının əsas mövzusunu təşkil edir.
2015-ci ildə Əli Hacızadə Böyük Yaxın Şərq regionunun tədqiqi və təhlilinə həsr olunmuş “The Greater Middle East” layihəsini işə salıb.[25] Layihəyənin işində bir sıra tanınmış beynəlxalq ekspertlər yer aldılar. Hacızadə 2021-ci ilin sonlarında layihədən ayrıldı.[26]
2018–19 cu illərdə Əli Hacızadə ərəb dünyasının nüfuzlu KİV-lərindən biri olan Al-Arabiyada köşə yazarı kimi öz yazı və analizlərini dərc etdirib. Burada da əsas mövzunu İranın Yaxın Şərq regionunda apardığı Hibrid müharibə təşkil edib.[27]
Əli Hacızadə 2012-ci ildə təsis etdiyi "Hajizade Group" şirkətinin sahibi və rəhbəridir. Qrupa daxil olan şirkətlər ictimaiyyətlə əlaqələr və media sektorlarında fəaliyyət göstərir. Azərbaycanın aparıcı xəbər saytı tərəfindən aparılan bazar araşdırmasına görə, 2023-cü ilin fəaliyyət nəticələrinə əsasən, Hajizade Group ölkənin ən böyük ictimaiyyətlə əlaqələr şirkəti kimi tanınıb.[28] [29] Ümumilikdə Hacızadə iki İctimaiyyətlə əlaqələr sahəsində çalışan şirkətin sahibidr, digər şirkəti ABŞ paytaxtı Vaşinqton şəhərində fəaliyyət göstərən Sawol Communications şirkətidir.[30] Həmçinin Əli Hacızadə Amerika İctimaiyyətlə Əlaqələr Mütəxəssisləri Assosiasiyasının üzvüdür.[31]
2022-ci ilin payızında Əli Hacızadə Vaşinqtonda yerləşən Ramsfeld Fondunun Mərkəzi Asiya-Qafqaz Proqramına Azərbaycanı təmsil edən iştirakçı (fellow) kimi seçilib və iştirak edib.[32][33]
Vikipediyanın Azərbaycan, rus və fransız dilindəki bölmələrində çoxsaylı redaktələri vardır.[34]
Əli Hacızadə "1915 — Osmanlı Dosyesi" (rus. "1915 - Османское досье") tədqiqat əsərinin müəllifidir. Əsər, 20 aprel 2015-ci ildə təqdim edilib. Əsərdə Birinci Dünya müharibəsi zamanı, 1915-ci ildə Osmanlı İmperiyasında baş verən, habelə ondan sonrakı dövrləri əhatə edən hadisə və proseslər, Erməni soyqırımı ilə bağlı mənbələr və səsləndirilən fikirlər tədqiq olunub.[35][36] Ümumilikdə kitab 13 bölmədən ibarətdir.[37]
Əli Hacızadə kütləvi informasiya vasitələrinin inkişafında xidmətlərinə görə 22 iyul 2020-ci ildə Azərbaycan Respublikası Prezidentinin sərəncamı ilə "Azərbaycan Respublikası Prezidentinin fəxri diplomu" ilə təltif edilib.[38]
 |
 |
UREYIM.AZ |  |
 |
|
