 |
 |
Ureyim.az |  |
 |
Budapeşt Metropolitan Universiteti (azərb. Budapeşt Metropolitan Universiteti", mac. "Budapesti Metropolitan Egyetem", ing. "Budapest Metropolitan University") və ya qısaca Metropolitan Universiteti Macarıstanın ən böyük özəl ali məktəbidir. Tələbələrin sayı 6000 yaxındır. Unversitet, 2005-ci ilin yazında Erasmus Universitet nizamnaməsi ilə təltif olunub. Universitetdə biznes, marketinq, incəsənət, media, kommunikasiya və turizm sahələri üzrə geniş bakalavr və magistratura proqramları var. Metropolitan Universiteti UNESCO-nun Dünya İrsi departamenti ilə rəsmi qaydada əməkdaşlıq edir.Universitetin dörd kampusu var: üç kampus Budapeştdə, biri isə Macarıstanən cənubundə yerləşən Hödmezörveşerhey (Hódmezővásárhely) bölgəsindədir.[3]
| Budapeşt Metropolitan Universiteti | |
|---|---|
 | |
| Şüar | Kreativlikdən ilhamlanaraq |
| Əsası qoyulub | 2000 |
| Tip | Özəl |
| Rektor | Dr habil. László Vass CSc |
| Tələbə sayı | təxminən 6 min[1] |
| Şəhər | Budapeşt |
| Ölkə | |
| Ünvan | Nagy Lajos király útja 1-9., 1148 Budapest, Hungary |
| Sayt |
metropolitan.hu metubudapest.hu |
| 47°30′23″ şm. e. 19°08′06″ ş. u.HGYO | |
 |
|
 Vikianbarda əlaqəli mediafayllar | |
2010-cu ilin yayında Metropolitan Universiteti və Tiszacipő şirkəti arasında aparılan danışıqlardan sonra 2010-cu ilin avqustunda Metropolitan Universitetinin Tələbə Birliyi yaradıldı. Bu təşkilatın məqsədi universitetin tələbələri üçün iş tapılmasında, onların peşəkar karyerasının qurulmasında yardımçı olmaq və tələbələri işə cəlb etməyi istəyən şirkətlərə yüksək səviyyədə xidmət göstərmək.[12]
Ali məktəbin sadə qəbul proseduru siyasəti yürütməsi səbəbindən burada 100-lərlə xarici tələbə təhsil alır.[13]
Universitetin mərkəzi kompleksi öz müasir dairəvi binası ilə 2006-cı ildə açılıb. Bu bina Macarıstanın digər ali təhsil institutlarının binaları arasında ən unikal binalardan hesab edilir. Mərkəzi kampusun iki binası yaşıllıq ərazisində yerləşir. Mühazirələr dairəvi binanın iki geniş mühazirə zallarında aparılır. Hər zal 360 tələbə tutumuna malikdir. Bundan əlavə binada iki kiçik mühazirə zalları da var. Binada həmçinin 21 kiçik və orta seminar otaqları da mövcuddur. Bütün zallar və otaqlar müasir təhsil texnologiyaları ilə təchiz edilib. IT dərsləri və kursları üçün də 9 otaq istifadəyə verilib.Dairəvi binada universitetin mərkəzi kitabxanası yerləşir. Kitabxana təkcə kitabları deyil, həmçinin oxu zalını, internetə çıxışı, fotokopiya, printer və skayner xidmətlərini də tələbələrin ixtiyarına verib. Tələbələr təhsil alqdıqları zaman universitetdə WiFi şəbəkəsindən istifadə edə bilərlər və bu şəbəkə bütün kampusu əhatə edir. Həmçinin, bir neçə yerdə kompüter stansiyaları da yerləşdirilib. Binanın yeməkxanası 350 nəfəri qəbul edə bilər. Yeməkxana soyuq və isti yeməkləri hazırlayır, içki və qəlyanaltı maşınlarından da istifadə etmək olar. Havadan asılı olaraq tələbələr bağda da yerləşə bilərlər və ya kantində stolüstü tennis oynaya bilərlər.[14]
Bu küçədəki bina Tədbiqi İncəsənət institutuna aiddir. Şəhərin mərkəzinə yaxın yerləşən binada üç böyük mühazirə zalı, bir neçə seminar otaqları və IT otaqları yerləşir. Kompüter otaqlarında tələbələr ödənişsiz internetə daxil ola bilərlər, lakin binanın çox hissəsi WiFi ilə təchiz olunub. Bu binada həmçinin Turizm kitabxanası da yerləşir. Kitabxana kitabları icarəyə verə bilər, orada oxu zalı da yerləşir və fotokopiya, printer və skayner xidmətləti də tələbələrə göstərilir. Binanın yeməkxanası da mövcuddur.
Bu bina 2008-ci ildə istifadəyə verildi. Burada əsasən orta təhsil kursları və ali səviyyəli hazırlıq kursları təşkil olunur. Binanın böyük mühazirə zalı var. Bundan başqa tam təchiz edilmiş 10 seminar otaqları, iki dil laboratryası və IT otaqları da mövcuddur. Bütün binada WiFi var. Həmçinin, tələbələr iki idman zalından da istifadə edə bilərlər. Binanın yeməkxanası 60 nəfəri qəbul edə bilər.
Metropolitan Universitetinin kitabxanası, universitetin daxili bir hissəsidir. Kitabxanın əsas məqsədi, tələbələr üçün tam şəkildə lazımi məlumatları təşkil etmək və hər iki kampusda universitetin təhsil proqramlarına əsaslanmaq.
Metropolitan Universitetinin Mərkəzi Kitabxanası, Nad Layoş Kirali küçəsindəki dairəvi binada yerləşir. Kitabxanada nadir tapılan kitablar da var. Təhsillə bağlı kitablardan əlavə, həmçinin bədii ədəbiyyata aid və məşur olan kitablar da tələbələrin istifadəsinə verilib. Həmçinin, ingilis dilində də kitablar mövcuddur.
İncəsənət Kitabxanası, 2010-cu ildə əsası qoyulub. Kitabxanada 12 bakalavr pilləli proqramların kitablarını tapmaq olar. Hər iki kitabxanda jurnallar və qəzetlər də istifadəyə verilib. Bunun üçün xüsusi « jurnal oxu zalı » var. Kitabxanalarda ksreokopiya, skayner, printer və kompüter xidmətləri də göstərilir.[15]
 |
 |
UREYIM.AZ |  |
 |
|
