Coel Kinnaman - Wikipedia - Ureyim.az

Kinnaman İsveçin Stokholm şəhərində anadan olub və orada böyüyüb.^[3] Onun anası, psixoterapevt Bitte (Nordström), İsveçli^[4][3] atası isə Amerikalı Stiv Kinnaman (əsl adı Devid Kinnaman), Vyetnam müharibəsi zamanı ABŞ ordusuna çağırılıb, lakin Banqkokdakı hərbi bazadan qaçaraq ordunu tərk edib.^[5][6][7]

Kinnaman həm İsveç, həm də Birləşmiş Ştatlar vətəndaşıdır.^[2][4] Onun atasının ailəsi ABŞ-ın Orta Qərb bölgəsindəndir və irland, həmçinin şotland mənşəlidir. Anasının nənəsi isə ukrayna yəhudisi əsillidir.^[8][9][10]

Onun beş bacısı var, onlardan biri — Melinda Kinnaman — aktrisadır (ata tərəfdən ögey bacı).^[11] Uşaqlığı dövründə Kinnaman iki dili öyrənib, çünki atası ilə ingilis, anası ilə isə isveçcə danışırdı”.^[3]

O, aktyor Aleksander Skarsqord və aktrisa Numi Rapas ilə birgə böyüyüb.^[12] Kinnaman bir il ABŞ-ın Texas ştatının Del Val şəhərində mübadilə proqramı çərçivəsində orta məktəbdə təhsil alıb.^[13] Orta məktəbi bitirdikdən sonra dünyanı gəzməyə qərar verib. Səyahətlərini maliyyələşdirmək üçün müxtəlif işlərdə çalışıb — Norveçdə pivə zavodunda xətt işçisi və dam təmizləyicisi, Fransız Alp dağlarında isə bar meneceri kimi işləyib.^[14][15]

Daha sonra o, iki il ərzində Cənub-Şərqi Asiya və Cənubi Amerikaya səyahət edib^[16][17] — hər dəfə dörd-beş aylıq. Cənubi Amerikaya isə skandinaviyalı aktyor David Densiklə birgə yollanıb.^[18]

Kinnaman “pektus ekskavatum” adlı vəziyyətlə — sinə sümüyünün içəri doğru batıq görünüşü ilə — böyüyüb. Bu qüsurun aradan qaldırılması üçün o, Altered karbon serialının çəkilişlərindən əvvəl cərrahi əməliyyat keçirib. Əməliyyat zamanı döş sümüyünü önə itələmək məqsədilə bədəninə iki metal çubuq yerləşdirilib.^[19][20]

Kinnaman kiçik yaşlarından bəri doğma şəhərinin futbol klubu olan Hammarbü İF-in azarkeşidir.^[21]

Daimi səyahətləri səbəbindən Kinnamanın aksenti nəzərəçarpacaq dərəcədə qarışıqdı. O, aksentini amerikan aksenti kimi tanıtsa da, “melodiyasının” düzgün olmadığını bildirib və o vaxtdan bəri onu mükəmməlləşdirmək üzərində işləyir.^[22]

Kinnaman 2015–2018-ci illər arasında isveçli tatu sənətçisi Kleo Vattenström ilə evli olub.^{[23][24][25][26]} Daha sonra, 2019-cu ilin əvvəllərində isveç-avstraliyalı model Kelli Qale ilə münasibətə başlayıb.^[27] Cütlük 2021-ci ilin yanvarında nişanlandıqlarını elan ediblər.^[28] Qale Instagram vasitəsilə cütlüyün 2024-cü ildə Burninq Men festivalı zamanı evləndiyini təsdiqləyib.

2021-ci ilin 6 avqust tarixində Kinnaman qısamüddətli romantik münasibət yaşadığı Gabriella Magnussona qarşı məhkəmədən müvəqqəti qadağa orderi alıb. O, Magnusson-un onu təhdid edərək pul tələb etmək istədiyini iddia edib.^[29][29] Magnusson isə Kinnaman-a qarşı təzyiq göstərmək cəhdini rədd edib.^[30]

2021-ci ilin 11 avqustunda İsveç Prokurorluğu Kinnamana qarşı davam edən araşdırma çərçivəsində zorlamada ittiham irəli sürüldüyünü təsdiqləyib.^[30] Lakin 2022-ci ilin oktyabrında araşdırma tamamlanaraq işə xitam verilib, cinayət işi qaldırılmayıb.^[31]

• Coel Kinnaman — IMDb səhifəsi
• Coel Kinnaman — Facebook səhifəsi
• Coel Kinnaman — Twitter səhifəsi
• Coel Kinnaman — Instagram səhifəsi