 |
 |
Ureyim.az |  |
 |
Bu məqalə və ya bölmə reklam xarakteri daşıyır. |
Bu məqalənin ensiklopedik tələblərə cavab vermədiyinə dair şübhələr var. |
Bu məqalə avtobioqrafiyadır, və ya məqalə subyekt yaxud mövzu ilə əlaqəli şəxslər tərəfindən geniş şəkildə redaktə edilmişdir. |
Elçin Məhəmməd oğlu Cavadov (3 iyun 1969, Böyük Qaramurad, Gədəbəy rayonu) — Gəncə Dövlət Universitetinin "Ümumi texniki fənnlər və texnologiya" kafedrasının müdiri, texnika üzrə fəlsəfə doktoru, dosent.
| Elçin Cavadov | |
|---|---|
 | |
| Doğum tarixi | 3 iyun 1969 (55 yaş) |
| Doğum yeri | |
| Elm sahələri | riyaziyyat, texniki elmlər, fizika |
| Elmi dərəcəsi | |
| İş yeri | |
| Təhsili | |
| Mükafatları |
 |
Elçin Cavadov 3 iyun 1969-cu ildə Gədəbəy rayonunun Böyük Qaramurad kəndində ziyalı ailəsində anadan olmuşdur. 1986-cı ildə orta məktəbi qızıl medalla bitirmiş və Azərbaycan Kənd Təsərrüfatı Akademiyasının kənd təsərrüfatının mexanikləşdirilməsi və elektrikləşdirilməsi fakültəsinə daxil olmuşdur.[1]
Ali məktəb tələbələri arasında riyaziyyat fənnindən keçirilən respublika olimpiadasında 1-ci yeri tutmuşdur. 1993-cü ildə Azərbaycan Kənd Təsərrüfatı Akademiyasını Lenin təqaüdü və fərqlənmə diplomu ilə bitirmişdir. Həmin il, E.M.Cavadov Azərbaycan Dövlət Universitetinin "Tətbiqi riyaziyyat" fakültəsinə daxil olmuş və həmin fakültəni də fərqlənmə diplomu ilə bitirmişdir. Elmi yaradıcıllıqla tələbə vaxtlarından məşğul olmuş, hələ tələbə ikən 10-a qədər elmi məqaləsi dərc olunmuşdur.
1993-cü ildən Gəncə Dövlət Universitetinin müəllimidir.
2008-ci ildə Azərbaycan Respublikasının Prezidenti yanında Ali Attestasiya Komissiyasının qərarı ilə ona dosent elmi adı verilmişdir. 2016-cı ildə Gəncə Dövlət Universitetinin "ÜTF və texnologiya" kafedrasının müdiri vəzifəsinə seçilmişdir.
2002-ci ildə Azərbaycan Elmi-Tədqiqat Aqromexanika İnstitutunun dissertantı olmuş, 2005-ci ildə "Üzümlüklərdə filloksera zərərvericisinə qarşı mübarizə texnologiyasının və maşınının təkmilləşdirilməsi" mövzusunda dissertasiya[2] işi müdafiə etmişdir və ona Azərbaycan Respublikasının Prezidenti yanında Ali Attestasiya Komissiyasının qərarı ilə Texnika elmləri üzrə fəlsəfə doktoru alimlik dərəcəsi verilmişdir. E.M.Cavadovun apardığı tədqiqat işinin nəticələri AKTA – nın Elmi – Texniki şurasında müzakirə edilərək bəyənilmiş, respublikanın fermer və müəssisə təsərrüfatlarının üzüm bağlarında tətbiqi və buna aid təkliflərin tövsiyə formasında nəşr olunması məqsədəuyğun hesab edilmişdir. "Torpağa fumiqantları verən maşın" adlı ixtirası Gəncə Üzümçülük və Şərabçılıq Təcrübə stansiyasının "Bağmanlar" qəsəbəsində olan üzüm bağında tətbiq edilmiş, respublika üzrə kənd təsərrüfatı işləri sərgisində 1-ci yer tutmuşdur.
E.M.Cavadovun 100-dən artıq elmi əsəri, bir neçə ixtirası və 10-dan artıq dərs vəsaitləri var. Bundan başqa E.M.Cavadov ali məktəblərə qəbul imtahanlarına hazırlaşanlar üçün "Riyaziyyat" adlı dərs vəsaitinin, habelə STEAM- a aid azərbaycan dilində ilk dərs vəsaitinin müəllifidir. E.M.Cavadovun müəllifi olduğu 6 adda dərs vəsaiti Azərbaycan Respublikasının Prezident Kitabxanasına yerləşdirilmişdir:
2000-ci ildən Yeni Azərbaycan Partiyasının üzvüdür. Gəncə Dövlət Universitetinin Fizika və texniki fənlər fakültəsi Tələbə Elmi Cəmiyyətinin sədri,[3] Fizika və texniki fənlər fakültəsinin Elmi Şurasının, Gəncə Dövlət Universiteti Elmi Şurasının, Gəncə Dövlət Universitetinin Metodiki Şurasının üzvüdür.
 |
 |
UREYIM.AZ |  |
 |
|