. Ureyim.az

Elxan Memmedli - Wikipedia - Ureyim.az

Ana Səhifə - Elxan Memmedli
Bu məqalə silinməyə namizəddir
Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin.
Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 14 gün əvvəl Yousiphh (müzakirə | töhfələr) tərəfindən redaktə olunub. (Yenilə)
Bu məqalənin ensiklopedik tələblərə cavab vermədiyinə dair şübhələr var.
Lütfən, ensiklopedikliyi təsdiq etmək üçün məqalənin mövzusuna uyğun tərəfsiz, etibarlı mənbələr əlavə edin. Əgər belə mənbələr göstərilməzsə, məqalə birləşdirilə, köçürülə, yönləndirilə və ya silinə bilər.

Elxan Hüseynqulu oğlu Məmmədli (1 yanvar 1946, Faxralı, Bolnisi rayonu – 21 mart 2025, Bakı) — filologiya elmləri namizədi, "Əməkdar mədəniyyət işçisi" (2008), Azərbaycan Aşıqlar Birliyi İdarə heyətinin və Azərbaycan Jurnalistlər Birliyinin üzvü.

Elxan Məmmədli
Doğum tarixi 1 yanvar 1946(1946-01-01)
Doğum yeri
  • Faxralı, Bolnisi rayonu, Gürcüstan SSR, SSRİ
Vəfat tarixi 21 mart 2025(2025-03-21) (79 yaşında)
Vəfat yeri
  • Bakı, Azərbaycan
Dəfn yeri
  • Bakıxanov
Elmi dərəcəsi
  • filologiya elmləri namizədi[d]
İş yeri
  • AMEA Folklor İnstitutu
Təhsili
  • Azərbaycan Dövlət Universitetinin Filologiya fakültəsi (–1971)
Üzvlüyü
  • Azərbaycan Aşıqlar Birliyi,
  • Azərbaycan Jurnalistlər Birliyi
Mükafatları Azərbaycan Respublikasının əməkdar mədəniyyət işçisi

Həyatı

redaktə

Elxan Məmmədli 1 yanvar 1946-cı ildə Borçalı mahalının Bolnisi rayonunun Faxralı kəndində anadan olmuşdur.[1]

1971-ci ildə Azərbaycan Dövlət Universitetinin filologiya fakültəsini bitirmişdir.

Əmək fəaliyyətinə fəhləlikdən başlayan Elxan Məmmədli bir müddət pedaqoji fəaliyyətlə məşğul olduqdan sonra,

1976–1979-cu illərdə Pedaqoji Elmlər İnstitutunda elmi işçi işləmişdir.

1979-cu ildən etibarən müsabiqə yolu ilə Nizami adına Ədəbiyyat İnstitutunun Folklor şöbəsinə kiçik elmi işçi vəzifəsinə qəbul edilmişdir.

1994-cü ilə kimi Ədəbiyyat İnstitutunun Folklor şöbəsində çalışan E. Məmmədli böyük elmi işçi kimi həmin ildən Folklor Elmi-Mədəni Mərkəzinə köçürülmüşdür.

1998-ci ildə "Azərbaycan aşıq yaradıcılığında təcnis" mövzusunda namizədlik dissertasiyasını müdafiə etmiş və filolodiya elmləri namizədi alimlik dərəcəsi almışdır.[2]

1999-cu ildən AMEA-nın Folklor İnstitutunda "Aşıq yaradıcılığı" şöbəsinin müdiridir.

1969–2009-cu illər ərzində Azərbaycan radio və televiziyasında "Bulaq", "Ustadnamə", "Sazın-sözün sehrində", "Gözəlləmə" və "Sarıtel" verilişlərinin müəllifi və aparıcısı olmuşdur.

O, 1 monoqrafiya, 10-dan çox toplama-tərtib kitabını nəşr etdirmiş, 30-dan çox kitabın redaktoru, rəyçisi olmuşdur.

2008-ci ildə "Əməkdar mədəniyyət işçisi" fəxri adına layiq görülmüşdür.

Azərbaycan Aşıqlar Birliyi İdarə heyətinin və Azərbaycan Jurnalistlər birliyinin üzvüdür.

Elxan Məmmədlinin anadan olmasının 60 illiyi ilə əlaqədar Vüsal Abiyev "Elxan Məmmədli — 60" kitabını yazmışdır.

Kitabları

redaktə
  • "Azərbaycan aşıq yaradıcılığında təcnis" (namizədlik dissertasiyası), 1998.
  • "Təcnis sənətkarlığı" (monoqrafiya), Bakı, "NaftA-Press", 1998. 150 səh.
  • "Bir dənəm" (şeirlər), Bakı-2006.
  • Məmmədli E. Şair Nəbi Borçalı: həyatı, mühiti, sənəti. Bakı, Nurlan, 2014, 144 s.

İstinadlar

redaktə
  1. ↑ Vüsal Abiyev, "Elxan Məmmədli — 60", Bakı, Nurlan, 2006.
  2. ↑ Mahmud Allahmanlı. "FOLKLORLAŞAN FOLKLORŞÜNAS" (PDF). "Ozan dünyası" (az.). azab.az. 2015. İstifadə tarixi: 2016-02-04.[ölü keçid]
Mənbə — "https://az.wikipedia.org/wiki/?q=Elxan_Məmmədli&oldid=8126530"
UREYIM.AZ