 |
 |
Ureyim.az |  |
 |
Bu məqalənin giriş hissəsi çox qısadır. |
Hüseyn Abbasov (11 oktyabr 2007) — azərbaycanlı batut gimnastı.[1]
| Hüseyn Abbasov | |
|---|---|
| Şəxsi məlumatlar | |
| Vətəndaşlığı |
 Azərbaycan |
| Doğum tarixi | |
| Təhsili | orta |
| İdman növü | Batut gimnastikası və Tamblinq |
| Məşqçisi | Vladimir Şulikin |
| İdman dərəcəsi | İdman ustalığına namizəd |
| Komandası | Azərbaycan milli batut gimnastikası və tamblinq komandası |
| Rəsmi saytı | |
| 31 avqust 2024 tarixində yenilənib. | |
Hüseyn Abbasov 2007-ci ildə anadan olub.
Hazırda Batut gimnastikası və tamblinq üzrə Azərbaycan milli komandasının üzvüdür.[2][3]
Hüseyn Abbasov 2015, 2016, 2017-ci illərdə keçirilmiş Azərbaycan birinciliyi və Bakı çempionatı yarışlarında batut növü üzrə kiçik yaş qruplu kişi idmançılar arasında birinci yeri tutmuşdur.[4][5][6]
2018-ci ildə Yaroslavl şəhərində batut gimnastikası üzrə Rusiya kuboku və “Rusiyanın ümidi – 1” ümumrusiya yarışlarında 11–12 yaşlılar arasında finalda 5-ci yeri tutmuşdur.[7] Həmin il Batumidə keçirilən beynəlxalq turnirdə fərdi hərəkətlər üzrə birinci yeri qazanmışdır.[8]
2019-cu ildə Yaponiyanın paytaxtı Tokioda keçirilmiş Dünya Yaş Qrupları Yarışında sinxron hərəkətlər üzrə ikinci yeri tutaraq Azərbaycanın batut gimnastikası tarixində dünya çempionatlarının ilk gümüş medalını qazanmışdır.[9][10][11] Türkiyənin Antalya şəhərində baş tutmuş beynəlxalq turnirin 11–12 yaşlılar arasında fərdi proqramda bürünc,[12][13] Belarusun Vitebsk şəhərində təşkil olunmuş Belarus Açıq Çempionatının fərdi proqramda qızıl medalçısı olmuşdur.[14] Həmçinin Rusiyanın Krasnodar şəhərində keçirilmiş yarışda 8-ci yerdə qərarlaşmışdır.[15]
2020-ci ilin 19–23 noyabr tarixlərində Niderlandda təşkil edilmiş batut gimnastikası üzrə onlayn "Dutch Trampoline Open" yarışında 13–14 yaşlılar arasında fərdi proqramda gümüş medal qazanıb.[16][17]
2021-ci ildə Soçidə keçirilmiş batut gimnastikası, tamblinq və ikili mini-batut üzrə 27-ci Avropa çempionatında sinxron çıxışlar üzrə ikinci yeri tutmuşdur.[18][19][20] Həmin il 24–27 martda Vitebsk şəhərində baş tutmuş Belarus Kubokunda sinxron çıxışlar üzrə böyüklər arasında bürünc,[21][22] 5–12 aprel tarixlərində isə onlayn keçirilmiş "Trampoline Hopes Cup" adlı beynəlxalq turnirin gümüş medalın sahibi olmuşdur.[23][24] O, həmin ilin oktyabr ayında keçirilmiş batut gimnastikası üzrə açıq Türkiyə çempionatında ikinci yeri tutmuşdur.[25]
2022-ci ildə Bolqarıstanın paytaxtı Sofiyada keçirilmiş batut gimnastikası üzrə 29-cu Dünya Yaş Qrupları Yarışında sinxron çıxışlar üzrə qızıl medal qazanmışdır.[26] Həmin il Çexiyada təşkil olunmuş "Friendship – 2022" turnirində sinxron çıxışlar üzrə birinci,[27] Birminhemdə keçirilmiş Böyük Britaniya çempionatında fərdi hərəkətlər üzrə üçüncü,[28] İtaliyanın Rimini şəhərində baş tutmuş Avropa çempionatında və "Aere Trampoline Cup" beynəlxalq turnirində sinxron çıxışlarda birinci yeri tutmuşdur.[1][29][30]
2023-cü ildə Çexiyada təşkil olunmuş "Friendship – 2023" turnirində sinxron çıxışlar və fərdi proqramda ikinci,[31] Portuqaliyanın Santarem şəhərində baş tutmuş "ScalabisCup" beynəlxalq turnirində komanda hesabı və fərdi proqramda ikinci yeri tutmuşdur.[1][32][33] Həmin il Latviyanın paytaxtı Riqada keçirilmiş beynəlxalq yarışda isə 15–16 yaş qrupu üzrə qızıl medal qazanıb.[34][35] 2023-cü ilin may ayında Tbilisidə keçirilmiş "Golden Jump" beynəlxalq turnirində fərdi proqramda gümüş medal qazanmışdır.[36]
2024-cü ildə Niderlandın Alkmaar şəhərində keçirilmiş "Dutch Trampoline Open" beynəlxalq turnirinin sinxron proqramda gümüş medalçısı olmuşdur.[1] Hüseyn Abbasov həmin ilin iyul ayında Santaremdə keçirilmiş "Scalabis Cup" beynəlxalq turnirində batut və ikili mini-batut gimnastikası üzrə, ümumilikdə, iki qızıl medal qazanmışdır.[37][38]
 |
 |
UREYIM.AZ |  |
 |
|