Hasim Ibn Huseyn - Wikipedia - Ureyim.az

Haşim ibn Hüseyn (ərəb. هاشم بن الحسين‎; 10 iyun 1981, Amman) — III İordaniya kralı I Hüseynin oğullarından biri, taxt vəliəhdi.^[1]

Haşim ibn Hüseyn
Şəxsi məlumatlar
Doğum tarixi	10 iyun 1981(1981-06-10) (43 yaş)
Doğum yeri	Amman, İordaniya
Təhsili	Dyuk Universiteti, Corctaun Universiteti
Fəaliyyəti	hərbi qulluqçu
Atası	Hüseyn ibn Təlal
Anası	Nur əl-Hüseyn (İordaniya kraliçası)
Ailəsi	Haşimilər
Vikianbarda əlaqəli mediafayllar

1981-ci ildə Ammanda dünyaya gəldi.^[2] Atası İordaniya kralı I Hüseyn, anası isə onun dördüncü xanımı kraliça Nur əl-Hüseyndir. İlk təhsilini Ammanda aldıqdan sonra ABŞ-a göndərildi. 1999-cu ildə məzun oldu və İordaniyaya qayıtdı. Həmin il atasının vəfatıyla böyük ögey qardaşı II Abdullah taxta çıxdı.

İordaniyada hərbi akademiyaya yazıldı. Burdakı təhsilini tamamladıqdan sonra yenidən ABŞ-a qayıtdı və öncə Dyuk Universiteti, ardından Corctaun Universitetlərində təhsilini davam etdirdi.^[3] 2005-ci ilin avqustunda məzun olub İordaniyaya qayıtdı. İordaniya Silahlı Qüvvələrində kapitan rütbəsilə bir çox rəsmi və dövlət vəzifələrində xidmət etdi.

6 yanvar 2006-cı ildə Səudiyyəli Fəhdəh Məhəmməd Əbunəyyanla nişanlandı və cütlük 15 aprel 2006-cı ildə evləndi. Bu nigahdan 5 övladı doğuldu.

• Həalah bint Haşim (6 aprel 2007-)
• Rayətəl-nur bint Haşim (4 iyul 2008-)^[4]
• Fatiməl-aliyə bint Haşim (5 noyabr 2011-)
• Hüseyn Heydər ibn Haşim (15 iyun 2015-)
• Məhəmməd əl-Həsən ibn Haşim (21 oktyabr 2019-)