Ii Karl Parma Hersoqu - Wikipedia - Ureyim.az

1799-cu ildə Madriddə dünyaya gəlib. Atası Parma hersoqu I Ferdinandın oğlu Lüdovik, anası isə İspaniya kralı IV Karlın qızı İnfanta Mariya Luizadır. Atasının 1801-ci ildə yeni yaradılan Etruriya krallığına təyin edilməsiylə, hələ 2 yaşında taxtın varisi oldu. Bu səbəblə ailəsiylə birlikdə İtaliyaya köçdü. Ancaq 1803-cü ildə atası gənc yaşda vəfat etdi və hələ 4 yaşında ikən Etruriya kralı oldu. Bu dövrdə anası naibə olaraq xidmət etdi.

1807-ci ildə Napoleon Bonapart bölgəni işğal etdi və II Karl anasıyla birlikdə İspaniyaya qaçdı. İspaniya sarayı isə daha çətin vəziyyətdə idi. Belə ki, dayısı İnfant Ferdinand babasına qarşı saray çevrilişi tərtibləmişdi və ölkədə vətəndaş müharibəsi başlamışdı. Napoleon Bonapart burada da işə qarışdı və devrilmiş kralla ailəsini məsələni həll etmək üzrə Fransaya dəvət etdi. Ancaq monarx ailəsini burada qarşıladıqdan sonra Bonapart ailəni əsir aldı və qardaşı Jozefi İspaniya kralı təyin etdi. Əsir tutulduğu müddət ərzində anası əsirlikdən gizlicə qaçma planı hazırlasa da, bu planı üzə çıxdı və cəza olaraq oğlundan ayrıldı və qızıyla birlikdə Romada bir monastıra həbs edildi. Bu tarixdən etibarən II Karl babası IV Karlın himayəsində qaldı.

Napoleon Bonapartın 1814-cü ildə devrilməsinin ardından anası Mariya Luiza azadlığa buraxıldı. Ancaq oğlunun taxt haqqını geri qazanmaq üçün Romada qalmağa davam etdi. 1820-ci ildə Savoyya hersoqu I Viktor Emmanuilin qızı Mariya Tereza ilə evləndirildi. Cütlüyün bu nigahdan 2 övladı doğulsa da, bunlardan biri uşaq yaşda vəfat etdi.

• Luiza Françeska (1821-1823)
• III Karl, Parma hersoqu

Bu müddət ərzində Lukka hersoginyası olan anası Mariya Luizanın 1824-cü ildə vəfatından sonra Lukka taxt-tacına sahibləndi. Ancaq dövlət işlərinə maraqlı deyildi. İdarəetməni bir neçə saray əyanına həvalə edib, Avropa şəhərlərinə səyahət etməklə vaxtını keçirirdi. Nəhayət, 1847-ci ilin oktyabrında öz istəyilə Lukka taxt-tacından çəkildi və mülkün pul qarşılığında Böyük Toskana hersoqluğuna ilhaq edilməsinə razı oldu. Ancaq cəmi 2 ay sonra imperatriça Mariya Luiza Habsburqun vəfatıyla boşalan Parma taxt-tacına sahibləndi.

Parma hersoqluğundakı səltənəti qısa oldu. Yeni təbəəsi tərəfindən xoş qarşılanmadı və Avstriya birliklərinin köməyilə hakimiyyətini gücləndirmək istədi. Buna baxmayaraq 14 mart 1849-cu ildə oğlunun adına taxtdan çəkilməyə məcbur oldu. Son illərini Fransada keçirdi və Nitsada vəfat etdi.

•  
  Etruriya kralı olduğu illərdə naibəsi olan anası İnfanta Mariya Luiza ilə birlikdə təsvirinin əks olunduğu sikkə, 1803
•  
  Etruriya taxt-tacının varisi olduğu illərdə, 1802
•  
  Lukka hersoqu olduğu illərdə, 1830
•  
  Son illərində, 1860-cı illər

• Balansó, Juan. La Familia Rival. Barcelona: Planeta, 1994.
• Lucarelli, Giuliano. Lo sconcertante duca di Lucca: Carlo Ludovico di Borbone Parma. Lucca: Fazzi, 1986.
• Mateos Sainz de Medrano. Ricardo. "Changing Thrones: Duke Carlo II of Parma". Royalty History Digest 3, no. 1 (July 1993).
• Trebiliani, M.L. Carlo II di Borbone. Dizionario biografico degli italiani, 20: 251–258. Rome: Istituto della Enciclopedia Italiana. Text also available in the Dizionario biografico degli Parmigiani.

1. ↑ ^{1 2 3 4} Lundy D. R. Carlo Luigi II di Borbone, Duca di Parma // The Peerage (ing.).
2. ↑ ^{1 2} varios autores Carlos María Luis Fernando de Borbón y Borbón // Diccionario biográfico español (isp.). Real Academia de la Historia, 2011.