 |
 |
Ureyim.az |  |
 |
I Feel (azərb. Mən hiss edirəm) – Cənubi Koreya qız qrupu "(G)I-dle" tərəfindən buraxılmış altıncı Koreya minialbomu. 15 may 2023-cü ildə rəqəmsal olaraq, 16 may 2023-cü ildə fiziki olaraq buraxılmışdır. Fiziki buraxılış üç versiyadan ibarətdir: "Cat", "Butterfly" və "Queen". Əsas sinqlı "Queencard" olan alboma 6 trek daxildir.
| I Feel | ||||
|---|---|---|---|---|
I-dle_-_I_Feel_digital.png) Rəqəmsal üzlük. | ||||
| (G)I-dle tərəfindən ifa olunmuş minialbom | ||||
| Növü | minialbom | |||
| Yayımlanma tarixi | 15 may 2023 | |||
| Müddət | 17:03 | |||
| Dil |
|
|||
| Leybl | ||||
| Prodüser | ||||
| (G)I-dle albomlarının xronologiyası | ||||
|
||||
Albom özünü sevmək, özünəinam, yetkin insan kimi özünü tanıma mövzularına toxunur. Qrupun əvvəlki albomlarına nisbətən komik üslubdadır. "I Feel" tənqidçilər tərəfindən müsbət rəylər almışdır. Albom "Circle" hit-paradında birinci yerdə debüt etmişdir.
18 aprel 2023-cü ildə "Cube Entertainment" qrupun 15 mayda geri dönüş edəcəyini açıqlamışdır. Agentliyin buraxdığı mahnıda yeni mahnıların adları məlum olmuşdur.[1] 24 apreldə qrup trek siyahısını və əsas sinqlın "Queencard" olacağını açıqlamışdır.[2] Növbəti gün albom üçün 5 tizer şəkli paylaşılmışdır.[3] 9 mayda alboma daxil olan "Allergy" mahnısı öncədən buraxılmışdır.[4] 11 mayda albom üçün müsahibə videosu yayımlanmışdır. Albom 15 mayda buraxılmışdır.[5]
Albomun fiziki buraxılışı üç versiyaya malikdir: "Cat", "Butterfly" və "Queen". "Queen" versiyasında qrup üzvləri "təkəbbürlü baxışlar və zərif ifadələr" ilə çıxış edirlər. Qrup üzvləri çəhrayı paltarlarda və tacla təsvir olunublar. "Butterfly" versiyasında qrup üzvləri ağ paltarlar və kəpənək qanadları geyiniblər. "Cat" versiyasında qrup üzvləri arasındakı güclü əlaqələr təsvir olunub.
Albomun adı 2018-ci ildə buraxılmış "Mən gözəl hiss edirəm" (ing. I Feel Pretty) filminin adından gəlir.[6][7] Altı trekdən ibarət olan albomun mahnıları pop-rok, elektro-pop, pop-ballada, drim-pop janrlarındadır. Albom özünəhörmət və özünəinam mövzularına toxunsa da, qrupun əvvəlki albomlarından fərqli olaraq, bu mövzunu qaranlıq yox, komik üslubda dinləyicilərə çatdırır.[8][9] Soyona görə albom "20 yaşlarında olan şəxslərin gündəlik həyatı və narahatlıqları" barəsindədir.[10]
Alboma daxil olan mahnılar əsasən qrup üzvləri Soyon, Minni və Uqi tərəfindən hazırlanmış və yazılmışdır. Açılış treki "Queencard" nyutro əhval ruhiyyəsində olan mahnı kimi xarakterizə olunur.[11] İkinci trek "Allergy" pop-pank mahnısı olub həm özünü sevmək, həm də özünü başqaları ilə müqayisə etməyin mənası haqqındadır.[12][13] Üçüncü trek "Lucid" drim-pop mahnısı olub bass-orqan harmoniyası ilə xarakterizə olunur.[6] Pop mahnısı olan "All Night" ətrafındakı insanları görməzdən gələrək gecəni əylənərək keçirmək istəyən qız haqqındadır.[14] Beşinci trek "Paradise" emosional mahnı olub gündəlik həyatdan bezmək və cəmiyyətin müəyyən etdiyi standartlara əsasən yetkin biri olmaq haqqındadır.[15] Minimalistik mahnı olan[14] "Peter Pan" albomun sonuncu trekidir və 20 yaşlarında olan birinin yetkin olmaq barədə düşüncələrindən bəhs edir.[15]
"I Feel" "Billboard" tərəfindən 2023-cü ilin ən yaxşı K-pop albomlarından biri seçilmişdir.[16] Albom 14 mayda öncədən satışlarda 1 milyon nüsxəni keçmişdir.[17] Buraxıldığı ilk həftədə bir milyondan çox nüsxəsi satılmış və "Circle" hit-paradına birinci yerdə daxil olmuşdur.[18] ABŞ-də "Dünya albomları" hit-paradında birinci yerdə debüt etmişdir.[19] Beynəlxalq Fonoqrafika Sənayesi Federasiyasının hesabatına görə "I Feel" 2023-cü ildə ən çox satılan 14-cü albom olmuşdur.[20]
| № | Başlıq | Sözlər | Musiqi | Aranjiman | Müddət |
|---|---|---|---|---|---|
| 1. | "Queencard" (kor. 퀸카) | Soyon |
|
| 2:41 |
| 2. | "Allergy" | Soyon |
|
| 2:42 |
| 3. | "Lucid" |
|
|
| 2:55 |
| 4. | "All Night" |
| Siixk Jun | 2:26 | |
| 5. | "Paradise" |
|
| BreadBeat | 3:09 |
| 6. | "Peter Pan" (kor. 어린 어른) |
|
|
| 3:10 |
| Ümumi müddət: | 17:03 | ||||
 |
 |
UREYIM.AZ |  |
 |
|