 |
 |
Ureyim.az |  |
 |
Kambizin itmiş ordusu — e.ə. 524-cü ildə Qərb səhrasında baş verən qum fırtınasında yoxa çıxan 50,000 nəfərlik əfsanəvi İran ordusu.
Herodotun yazdıqlarına görə, II Kambiz Sivə vahəsində yerləşən Amon məbədini təhdid etmək üçün ora bir ordu göndərmişdi. 50,000 nəfərlik ordu səhranın yarı yolunda idi ki, böyük bir qum fırtınası onların hamısını məhv etdi. Ordudan heç bir qalıq və ya iz tapılmamışdı.[1][2]
Bir çox misirşünas bu hekayəni apokrif hesab etsə də, insanlar illərdir əsgərlərin qalıqlarını axtarırlar. Onlara qraf Laslo Almaşi ("İngilis pasiyent" romanının ona əsaslanmışdır) və müasir geoloq Tom Braun daxildir. 1933-cü ilin yanvarında Ord Çarlz Vinqeyt Misirin o vaxtlar Liviya səhrası kimi tanınan Qərb səhrasında uğursuz axtarışlar aparmışdır.[3]
Assassin's Creed Origins oyununda Kambizin ordusunun itkin düşmüş hissəsi bir alim tərəfindən Karanisin şimalında tapılır. Lakin Kleopatra ilə Ptolemey arasında baş verən vətəndaş müharibəsi səbəbilə arxeoloji qazıntılar dayandırılır və onun yeri yenidən unudulur.
V.E. Cons bu hadisədən Biqls cənuba uçur adlı romanında istifadə etmişdir.[4] Biqls və onun yoldaşları ordunun qalıqlarını axtarırlar və bir neçə mumiyalanmış döyüşçü tapırlar. Həmçinin Liviya səhrasındakı bir oazisdə hələ də yaşayan fars əsgərlərinin nəslindən olan insanlarla qarşılaşırlar.
 |
 |
UREYIM.AZ |  |
 |
|