 |
 |
Ureyim.az |  |
 |
Katolik kilsəsində cinsi təcavüz qalmaqalı (ing. Catholic Church sexual abuse cases, it. Casi di pedofilia all'interno della Chiesa cattolica, alm. Sexueller Missbrauch in der römisch-katholischen Kirche, fr. Abus sexuels sur mineurs dans l'Église catholique, nid. Seksueel misbruik binnen de Rooms-Katholieke Kerk) — 1990–2000-ci illərdə keşişlər, rahibələr və Roma-Katolik kilsəsinin dini ordenlərinin üzvləri arasında uşaqlara qarşı (3 yaşdan 11–14 yaşa qədər olan oğlan və qızların) bir sıra cinsi zorakılıq hallarının müəyyən edilməsi ilə bağlı yaranmış kilsə qalmaqalıdır.[1][2][3][4]
"The New York Times" qəzetinin araşdırmasına görə, rəsmi Vatikan nəinki azyaşlılarla baş verən hadisələrə səssiz qalıb və törədilən cinayətlər barədə hakimiyyət orqanlarına məlumat verməyib, həm də zorakılıqda şübhəli bilinən şəxslərlə bağlı daxili araşdırmalar aparmayıb. Öz növbəsində Katolik kilsəsi amerikalı jurnalistlərin ittihamlarını təkzib edib.
Tarixçi və din alimi (ing. John Philip Jenkins) qeyd edir ki, çoxsaylı araşdırmalar nəticəsində sübut olunub ki, katolik keşişlərinin təxminən 0,2%-i uşaqlara qarşı zorakılıq hallarında iştirak edir.[5] Arxiyepiskop (it. Silvano Maria Tomasi)nin sözlərinə görə, bu rəqəm 5%-ə çata bilər.[6]
Psixoloq və tarixçi (ing. Lloyd deMauseun) fikrincə, 13-cü əsrə qədər monastırlarda uşaqları cinsi məqsədlər üçün istifadə etmək adəti məlum idi.[7]
Avstraliyada 1993–2010-cu illərdə 100 katolik keşiş azyaşlılara qarşı alşaldıcı hərəkətlərinə görə məhkum edilib.[8]
Fransa Katolik Kilsəsində 1950-ci ildən bəri əksəriyyəti oğlanlar olmaqla 216 min uşağa cinsi təcavüz edilib. Təhqiqatın nəticələrinə görə, Fransada kilsələrdə təcavüzə məruz qalanların sayı 330 minə yüksələ bilər. Təcavüz törədənlər əsasən kilsələrin işçiləri və katolik məktəblərin müəllimləri olub. İki il yarım davam edən bu təhqiqat zamanı minlərlə məhkəmə, kilsə və polis sənədləri öyrənilib, şahidlər dinlənilib. Fransa qanunlarına görə, zaman müddəti keçmiş çox köhnə işlər üzrə cinayət təqibi tətbiq olunmur. 2500 səhifəlik hesabatda deyilir ki, qurbanların əksəriyyəti 10–13 yaş arası oğlanlar olub.[9]
Almaniyada yayımlanan rəsmi hesabatda Regensburger şəhərindəki katolik kilsənin şagird xorunda yüzlərlə uşağın fiziki və cinsi təcavüzə məruz qaldığı iddiası irəli sürülüb. Hesabatda Regensburger Domspatzen adlı xorunun 547 üzvünün 60 il ərzində fiziki və cinsi təcavüzə məruz qaldıqları iddia edilib. Hesabatda xorda işləyənlər hadisələrə müdaxilə etməməkdə ittiham olunub. Katolik kilsənin 49 üzvü 1945 və 1990-cı illər arasında bu cinayəti törətməkdə şübhəli hesab olunurlar.[10]
ABŞ mətbuatı Pensilvaniya ştatında katolik keşişlərinin azyaşlı uşaqlara qarşı seksual zorakılığı barədə məruzə yayıb. 1300 səhifəlik sənəddə 1000-dən artıq uşağın 300-dən çox rahibin təcavüzünə məruz qaldığı göstərilib. Bunların içində zorlamadan tutmuş, aborta məcbur etmə, uşaq pornovideolarının hazırlanmasına qədər hər şey var.[11]
1950-ci illərdə, (nid. NRC Handelsblad — "NRK — ticarət qəzeti")nə görə, Katolik Kilsəsi pedofil keşişlər tərəfindən zorlanan ən azı 11 oğlan uşağını "homoseksuallıqdan sağaltmaq üçün" kastrasiya etmişdir. Qəzetin dərcindən sonra ölkə parlamenti hərtərəfli araşdırma aparmağa çağırıb. Yoxlama 1945-ci ildən bəri Niderland katolik təşkilatlarında minlərlə uşağın cinsi təcavüz faktlarını üzə çıxarıb.[12]
2000-ci ildə İrlandiya Katolik kilsəsi 8 yaşından (1979) mütəmadi olaraq katolik keşiş tərəfindən zorlanan və onu bu barədə susmağa məcbur edilən qıza 12 min funt sterlinq ödəyib. "The Guardian" yazır ki, razılaşmanı yepiskop ing. Séamus Hegarty, onun sələfi yepiskop ing. Edward Kevin Daly və zərərçəkmişin özü bağlayıb. Bu xəbər yalnız 10 ildən sonra beynəlxalq qalmaqalla bağlı məlum olub.[14][15]
2009-cu ildə İrlandiyada dərc edilmiş hesabata əsasən 46 keşiş pedofiliyada ittiham olunurdu. Epizodlar 1975-ci ildən 2004-cü ilə qədər olan dövrü əhatə edirdi, oğlanlar qızlardan iki dəfə çox təcavüzə məruz qalırdı. Ümumilikdə bu müddət ərzində İrlandiyada 2000-ə qədər uşağın kilsə pedofillərinin qurbanı olması mümkündür. İstintaqın məlumatına görə, arxiyepiskoplar Con Çarlz Makkueyd, Dermot Rayan, Kevin Mak-Namara və kardinal Desmond Konnell azyaşlıların cinsi istismar hallarını bilsələr də, bu barədə hüquq-mühafizə orqanlarına məlumat verməyiblər. İstintaq öz hesabatında qeyd edib ki, "kilsə öz nüfuzunu uşaqların müdafiəsindən üstün tutub. Dövlət isə əslində keşişlərin qanunsuz hərəkətlərini ört-basdır edib". Qalmaqal kardinal Şon Bredinin etirafı ilə daha da kəskinləşdi. 1975-ci ildə Brendan Smitin əməlləri ilə bağlı kilsədaxili araşdırma zamanı, Bredi iki zərərçəkmişlə (10 və 14 yaşlı oğlanlar) görüşdə sübut toplayan zaman "mümkün sövdələşmədən qaçmaq" üçün onları cinsi təcavüzün təfərrüatlarını açıqlamamağa söz verdikləri barədə yazılı and verməyə inandırıb. Kardinal Bredi etdiyi hərəkətə görə səmimi qəlbdən üzr istəyib və qeyd edib ki, "keçmişin ağrılı epizodundan" utanc hissi keçirir.[16][17][18] Papa XVI Benedikt qalmaqalı etiraf edib və qurbanlardan üzr istəyib.[19]
2012-ci ilin martında 87 qıza qarşı cinsi təcavüzdə ittiham olunan irlandiyalı rahibəyə qarşı məhkəmə prosesi başladı.[4]
2010-cu ildə katolik uşaq evində 10 uşağı yoldan çıxartmaqda günahlandırılan üç pedofil keşiş haqqında məlumat yayıldı.[20]
Attorney Jeff Anderson said the Howard brothers were repeatedly molested between 1978 and 1991, from age 3 to 13.
 |
 |
UREYIM.AZ |  |
 |
|