 |
 |
Ureyim.az |  |
 |
Kevin Cozef Farrell (2 sentyabr 1947, Dublin) — irland əsilli amerikalı katolik din xadimi və kardinal.
Əlahəzrət Kevin Cozef Farrell Qüdsün Müqəddəs Qəbirinin ordeni | |
|---|---|
 | |
| Orijinal adı | ing. Kevin Joseph Farrell |
| Kilsə | Katolik |
| Arxiyepiskopluq | Vaşinqton (yardımçı) |
| Vilayət | Texas (keçmiş Dallas yepiskopu) |
| Şəhər | Vatikan |
| Sələf | Jan-Lui Tauran (kamerlenqo kimi) |
| Digər postlar |
|
| Təyinatlar | |
| Təyinat | 15 avqust 2016 by Fransisk |
| Təqdis | 14 fevral 2019 (kamerlenqo kimi) Fransisk tərəfindən |
| Kardinal yaradılıb | 19 noyabr 2016 |
| Rütbə | Kardinal |
| Şəxsi məlumatlar | |
| Doğum | 2 sentyabr 1947 (77 yaş) |
| Milliyət |
|
| Məzhəb | Roma-Katolik kilsəsi |
| Yaşadığı yer | Vatikan |
| Vəzifəsi | Kilsə lideri |
| Peşəsi | |
| Təhsili | Roma və Meksikada teoloji təhsil |
| Şüar |
|
.svg) | |
O, 2016-cı ildən Laiklər, Ailə və Həyat üzrə Dikasteriyanın prefekti, 2019-cu ildən Müqəddəs Roma Kilsəsinin kamerlenqosu, 2024-cü ildən isə Vatikan Şəhər Dövlətinin Ali Məhkəməsinin prezidenti vəzifələrində çalışır. Papa Fransiskin 2025-ci ilin aprelində vəfatından sonra Vatikanın regenti təyin olunmuşdur.
Kevin Cozef Farrell 2 sentyabr 1947-ci ildə İrlandiyanın Dublin şəhərində anadan olub [2]. Ailədə dörd qardaşdan ikincisidir. Böyük qardaşı Breyn Farrell 2002-ci ildə Roma Kuryasında Xristian Birliyinin Təşviqi üzrə Pontifik Şuranın katibi təyin olunmuşdur.
Farrell, bakalavr təhsilini İspaniyanın Salamanka Universitetində alıb. Daha sonra Roma şəhərində yerləşən Papalıq Qriqorian Universitetində fəlsəfə üzrə magistr və teologiya üzrə lisenziya (Müqəddəs İlahiyyat Lisenziyası - ilahiyyatda üç kilsə dərəcəsindən ikincisi) dərəcələri qazanıb. O, eyni zamanda Müqəddəs Akvinalı Foma Universitetində (Angelicum) dogmatik teologiya üzrə magistr (1976) və pastoral teologiya üzrə müqəddəs teologiya lisenziyası (1977) almışdır [3]. Həmçinin ABŞ-da Notr Dam Universitetində Biznesin idarə edilməsi üzrə magistr dərəcəsinə sahibdir [4]. 2017-ci ildə həmin universitet tərəfindən ona fəxri hüquq doktoru adı verilmişdir [5].
Farrell 24 dekabr 1978-ci il tarixində Kardinal Eduardo Pironio tərəfindən Romada yerləşən Guadalupe Bazilikasında keşiş təyin olunmuşdur [6]. İlk illərində Meksikanın Monterrey şəhərində Universitetdə kapellan və bioetika, sosial etika üzrə seminarlar aparan müəllim kimi çalışmışdır.
1980-ci illərin əvvəlində Legionerlər Cəmiyyətindən ayrılaraq ABŞ-ın Vaşinqton Baş Yeparxiyasına (Roma Katolik Kilsəsi) keçmişdir. 1984-cü ildə Merilend ştatının Olney şəhərində Müqəddəs Pyotr kilsəsində köməkçi keşiş təyin olunub. Daha sonra Betesda və Vaşinqtondakı digər icmalarda keşiş kimi xidmət etmişdir. 1985-ci ildə İspan dilli Katolik Mərkəzinin direktoru təyin olunmuşdur [7].
1988-ci ildə Vaşinqton Baş Yeparxiyasında Katolik Yardım Xidmətinin müvəqqəti direktoru, 1989–2001-ci illərdə isə maliyyə katibi vəzifəsində çalışıb. 1995-ci ildə Vatikan tərəfindən monsenyor tituluna layiq görülüb. 2001-ci ildə arxiyepiskopluğun ümumi vikarı (yepiskop) və Vaşinqtondakı Müjdələmə kilsəsinin keşişi təyin olunmuşdur [7].
28 dekabr 2001-ci ildə Papa II İohann Pavel onu Vaşinqton arxiyepiskopluğunun köməkçi yepiskopu təyin etdi.
O, 11 fevral 2002-ci ildə Vaşinqtondakı Milli Müqəddəs Məryəm bazilikasında Kardinal McCarrick tərəfindən yepiskop təqdi aldı. Birgə təqdis edənlər Kardinal Ceyms Hikki və Yepiskop Leonard Olivier olmuşdur [6].
Farrell 2007-ci ilə qədər Vaşinqton kuryasının koordinatoru və arxiyepiskopluğun baş vikarı olaraq fəaliyyət göstərmişdir [8].
6 mart 2007-ci il tarixində Papa XVI Benedikt Farrelli Dallas yeparxiyasının yepiskopu təyin etdi. O, 1 may 2007-ci ildə rəsmi olaraq vəzifəsinin icrasına başladı [9].
ABŞ Katolik Yepiskoplar Konfransında (USCCB) Miqrasiya Komitəsinin müşaviri və 2009-cu ildə Milli Toplama Komitəsinin sədri olub [10].
Qardaşı Breyn Farrell də Vatikanda vəzifə daşıdığı üçün, Kevin Farrell bir müsahibəsində zarafatla qeyd etmişdi: “Mən yaşca kiçiyəm, amma ondan bir il əvvəl yepiskop olmuşam. Hələ də bir az qardaş rəqabətimiz qalır.” [11].
17 avqust 2016-cı ildə Papa Fransisk onu yeni yaradılmış Laiklər, Ailə və Həyat üzrə Dikasteriyanın prefekti təyin etdi [12].
9 oktyabr 2016-cı ildə isə onu kardinal elan edəcəyini açıqladı [13].
19 noyabr 2016-cı ildə keçirilən konsistoriyada San Giuliano Martire kilsəsinə kardinal-diakon təyin edildi [14].
10 iyun 2017-ci ildə Apostol Taxtının Əmlak İdarəçiliyi üzrə Şuraya [15], 23 dekabrda isə Vatikan Şəhər Dövlətinə dair Pontifik Komissiyaya üzv təyin olundu [16]. 2018-ci ilin iyulunda Dallas Universiteti, onun əvvəlki rektorluq fəaliyyətinə görə bir inzibati binaya onun adını verdi [17][18].
14 fevral 2019-cu ildə Papa Fransisk onu Müqəddəs Roma Kilsəsinin Kamerlenqosu təyin etdi[19][8].
2019-cu ilin iyununda Farrell qəbul etdiyi 29,000 dollarlıq hədiyyə ilə bağlı açıqlama verdi. Məlum olmuşdu ki, həmin vəsaiti onun Vatikandakı mənzilinin təmirinə görə Yepiskop Bransfild vermişdi. Bransfildin xərcləri dieosdan qanunsuz şəkildə istifadə etməklə qarşıladığı ortaya çıxmış, o vəzifədən azad edilmişdi. Farrell həmin vəsaiti geri qaytarmışdı [20].
20 aprel 2020-ci il tarixində Farrell, COVID-19 pandemiyası səbəbilə Ailələrin Dünya Görüşü (2021) və Gənclər Günü (2022) tədbirlərinin müvafiq olaraq 2022 və 2023-cü illərə keçirilməsinə nail oldu [21][22][23].
29 sentyabr 2020-ci ildə Papa Fransisk onu yeni yaradılmış Məxfi Məsələlər üzrə Komissiyanın prezidenti təyin etdi [24]. Bu qurum Vatikanın məxfi hüquqi və maliyyə qərarlarına nəzarət edir [25].
7 iyun 2022-ci ildə o, İnvestisiyalar üzrə Papalıq Komitəsinin sədri təyin edildi [26]. Komitənin vəzifəsi Kilsənin sərmayələrinin həm etik, həm də iqtisadi baxımdan uyğunluğunu təmin etməkdir [27].
1 yanvar 2024-cü ildə Farrell Vatikan Şəhər Dövlətinin Ali Məhkəməsinin prezidenti təyin olunmuşdur [28].
20 mayda isə Papa onu LIII Beynəlxalq Eucharist Konqresinə xüsusi nümayəndə təyin etdi [29].
2024-cü ilin noyabrında Fransisk, Farrelli Vatikanın təqaüd fondunun yeganə rəhbəri təyin etdi [30].
21 aprel 2025-ci il tarixində Kevin Farrell Vatikan televiziyasında yayımlanan bəyanatla Papa Fransiskin vəfat etdiyini açıqladı [31]. Həmin axşam ölümünün rəsmi təsdiqi mərasiminə rəhbərlik etdiyi bildirildi [32].
Cardinal Farrell (...) is a naturalized U.S. citizen born in Ireland and served as auxiliary bishop of the Archdiocese of Washington from 2002 to 2007 and bishop of Dallas from 2007 to 2016.
Vikianbarda Kevin Cozef Farrell ilə əlaqəli mediafayllar var. |
 |
UREYIM.AZ |  |
 |
|
