 |
 |
Ureyim.az |  |
 |
Liman — Azərbaycan Respublikasının Lənkəran rayonunun inzibati ərazi vahidində şəhər. 5 oktyabr 1999-cu il tarixli 708-IQ saylı Azərbaycan Respublikasının Qanunu ilə Lənkəran rayonunun Port İliç şəhər inzibati-ərazi vahidi tərkibindəki Port İliç şəhəri Liman şəhəri, Port İliç şəhər inzibati-ərazi vahidi Liman şəhər inzibati-ərazi vahidi adlandırılmışdır.[1]
| Liman | |
|---|---|
 | |
| 38°52′24″ şm. e. 48°48′50″ ş. u.HGYO | |
| Ölkə | |
| Rayon | Lənkəran rayonu |
| Bələdiyyə sədri | Əli İbadov |
| Tarixi və coğrafiyası | |
| Əsası qoyulub | 1921 |
| Sahəsi | 11,2459 km² |
| Saat qurşağı | |
| Əhalisi | |
| Əhalisi | 11.100 nəfər (2024) |
| Milli tərkibi | azərbaycanlılar, talışlar |
| Rəsmi dili | Azərbaycan dili |
  Liman | |
Cümhuriyyət dövrü (1918–1920)
1918-ci ildə Azərbaycan Xalq Cümhuriyyəti qurulanda indiki Liman şəhəri Balıqçılar kəndinin bir hissəsi idi. Kənd Xəzər dənizi sahilində yerləşən balıqçılıq və duz istehsalı ilə məğul olan əhalisi ilə tanınırdı. Cümhuriyyət dövründə bölgə strateji cəhətdən əhəmiyyətli idi. Burada ilk illər dövlət hakimiyyəti tam oturuşmasa da, Azərbaycan milli ordusunun cənub əməliyyatı zamanı kənd Azərbaycan hökumətinin nəzarətinə keçmişdi. Lakin hələ də bölgədə Denikin qüvvələrinin və İran sərhədinə yaxınlığın təsiri də hiss olunurdu.
Sovet dövrü (1920–1991)
1920-ci ildə Sovet hakimiyyəti qurulduqdan sonra 1921-ci ildə Liman Balıqçılar kəndindən ayrılaraq Port-İliç adlandırıldı və yeni yaşayış məntəqəsinə ayrıca kənd statusu verildi. 1930-cu illərdə burada kolxozlaşma həyata keçirildi. Əsasən kənd ərazisində balıqçılıq kolxozları yaradıldı. Böyük Vətən Müharibəsi dövründə (1941–1945) Port-İliç bölgəsinin balıqçılıq təsərrüfatları ordunun ərzaq təminatında mühüm rol oynadı. 1949-cu ildə isə Port-İliçə qəsəbə statusu verildi. 1950-1980-ci illərdə burada balıq emalı zavodu, balıq kombinatı və duz emalı müəssisələri fəaliyyətə başladı. Bu dövrdə Port-İliç Lənkəran rayonunun ən iri sənaye bölgələrindən birinə çevrildi.
Respublika dövrü (1991–indiyədək)
1991-ci ildə Azərbaycan müstəqilliyini bərpa etdikdən sonra Limanda sovet dövrünün sənaye müəssisələrinin bir qismi fəaliyyətini dayandırdı, bir qismi isə xüsusi mülkiyyətə keçdi. 1999-cu ildə Port-İliç qəsəbəsinə şəhər statusu verildi və adı dəyişdirilərək Liman şəhəri adlandırıldı. 2000-ci illərdə regional inkişaf proqramları çərçivəsində şəhərin infrastrukturu təmir edildi və yenidən quruldu. 2020-ci illərdə Liman şəhəri balıqçılıq, kiçik sahibkarlıq və kənd təsərrüfatı (çay, sitrus meyvələri) sahələrində fəaliyyətini davam etdirir.
Liman şəhər İcra Nümayəndəliyi
Liman şəhər İcra Nümayəndəliyi Azərbaycan Respublikası Prezidentinin təyin etdiyi Lənkəran şəhər İcra Hakimiyyəti başçısının tabeliyində fəaliyyət göstərən yerli icra strukturlarından biridir. Bu nümayəndəlik Liman şəhərində dövlət siyasətinin yerinə yetirilməsinə nəzarət edən icraedici orqandır. Əsas vəzifələri prezident fərman və sərəncamlarının, Nazirlər Kabineti qərarlarının yerinə yetirilməsinə nəzarət, şəhərdə ictimai asayişin qorunması və hüquq-mühafizə orqanları ilə əlaqələndirmə, sosial problemlərin həlli (məsələn, su, qaz, elektrik təchizatı məsələləri), şikayət və müraciətlərin qəbulu, ictimai tədbirlərin təşkili və idarə olunması və icra hakimiyyətinin Lənkəran üzrə baş planlarına uyğun şəhərin idarəçiliyini təmin etməkdir. İcra nümayəndəsi Lənkəran şəhər İcra Hakimiyyəti başçısı tərəfindən təyin olunur. Adətən yerli əhali ilə daimi təmasda olur və rəsmi qəbul günləri var.
Liman şəhər Bələdiyyəsi
Liman şəhər Bələdiyyəsi isə birbaşa xalq tərəfindən seçilən nümayəndələrdən ibarət olan yerli özünüidarəetmə orqanıdır. Bələdiyyə müstəqil qərarvermə səlahiyyətinə malikdir, lakin qanunvericilik çərçivəsində fəaliyyət göstərir. Əsas səlahiyyətləri yerli büdcənin hazırlanması və idarə olunması, yerli vergi və rüsumların (məsələn, torpaq vergisi) yığılması, torpaq sahələrinin və bələdiyyə əmlakının idarə olunması, şəhərin abadlaşdırılması və infrastruktur layihələrinin icrası, sosial yardım ilə yerli əhəmiyyət layihələrinin dəstəklənməsi və bələdiyyə aktlarının qəbul edilməsidir. Bələdiyyə üzvləri 5 ildən bir seçki yolu ilə formalaşır. Hər bir üzv şəhər əhalisinin nümayəndəsi sayılır və şəhərin idarə edilməsində iştirak edir. Bələdiyyə sədri üzvlər arasında keçirilən ilk iclasda seçilir.
Liman şəhəri Lənkəran şəhərindən 12 km şimalda, Xəzər dənizi sahilində yerləşir.
1989-cu ildə SSRİ-də həyata keçirilmiş siyahıyaalmanın nəticələrinə görə burada 14056 nəfər əhali yaşayırdı[2].
Texniki problemlərə görə qrafiklər müvəqqəti olaraq söndürülüb. |
| ||||||||||||||||||||||||||||||||||||||||
13 sentyabr 2013-cü ildə Azərbaycan Respublikasının Prezidentinin Sərəncamı ilə Liman-Nərimanabad-Balıqçılar avtomobil yolunun tikintisi məqsədilə Azərbaycan Respublikasının 2013-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Lənkəran Şəhər İcra Hakimiyyətinə ilkin olaraq 2 milyon manat ayrılmışdır[11].
Lənkəran rayonu haqqında olan bu məqalə bu məqalə qaralama halındadır. Məqaləni redaktə edərək Vikipediyanı zənginləşdirin. |
 |
 |
UREYIM.AZ |  |
 |
|
