Muzakire Mirzebeyovun Medaxil Evi - Wikipedia - Ureyim.az

Ərazi Mirzəbəyovlar tərəfindən alınsa da 1911-ci ildə burada bina tikintisinə onlar başlasalar da bina hələ bitməmiş onu yarımçıq halda 1915-ci ildə Musa Nağıyevə satıblar. Binanın tikintisini Musa Nağıyev yekunlaşdırır və sovet işğalına qədər də mülkün sahibi olur. Mənbə kimi Manaf Süleymanovun "Eşitdiklərim, oxuduqlarım, gördüklərim" kitabının 13-cü səhifəsinə və Şamil Fətullayevin "Bakının memarlıq ensiklopediyası" kitabının 145-146-cı səhifələrinə baxa bilərsiniz.

Məsələn Meylamovların evini də vaxtilə Musa Nağıyev tikdirsə də o mülkü sonradan Əsədullayevə satıb o isə öz qızına bu evi hədiyyə edib. Yəni mülkün sahibləri Meylamovlar olublar.

Və ya Tağıyev pasajını H.Z.Tağıyev Şagidanovdan alıb və ona müəyyən əlavələr edib. O pasajı da Şagidanov tikdirib ancaq sonradan Tağıyevə satıb. Və binanın sahibi də o olub. — Rəcəb Həsənbəyov (müzakirə) 07:13, 12 may 2022 (UTC)Cavabla

Atakhanli, Lavici buyurun. — Bu imzasız yazı Rəcəb Həsənbəyov (m • t) adlı istifadəçi tərəfindən əlavə edilib;

Fikrimcə bu mövzuda daha çox məlumatlı olan Sefer azerinin də fikri maraqlı olardı. — Araz Yaquboglu (müzakirə) 06:12, 13 may 2022 (UTC)Cavabla

Rəcəb Həsənbəyov maraqlıdır, siz məqalənin "Tarixi" başlığını oxumusuz? Qeyd etdiyiniz bütün məsələlər detallı şəkildə orda qeyd edilib. Düşünmürəm ki, Nağıyevin inşaatı yekunlaşdırması onun ilkin sahibinin adının unudulması üçün əsas olmalıdır. Bina bir çox mənbələrdə Mirzəbəyovların evi kimi qeyd edilir, ona görə bu adın saxlanmasına tərəfdaram. — sefer azeri 18:33, 14 may 2022 (UTC)Cavabla

sefer azeri ))) əlbəttə oxumuşam. Bəs onda biz niyə Seyid Mirbabayevin sarayına Aramyanın sarayı, Tağıyevin pasajına Şagidanovun pasajı demirik? Axı binanın ilk sahibi onlar olub. Nəsə bir qanunauyğunluq olmalıdır. Əgər sahiblərə görə adlandırılmalıdırsa bu binanın adı dəyişdirilməlidir. — Rəcəb Həsənbəyov (müzakirə) 05:24, 16 may 2022 (UTC)Cavabla

sefer azeri və Araz Yaquboglu nə qərara gəldiniz?— Rəcəb Həsənbəyov (müzakirə) 05:17, 20 may 2022 (UTC)Cavabla

Bu mövzuda məlumatsız olduğumdan Səfərin fikri ilə razıyam. Çünki o daha çox məlumatlıdı. Bir dəki eyniləşdirmə deyəcək bir şey yoxdu burada. Çünki mənbələr və məhşurluq nəyi deyirsə o olmalıdı. — Araz Yaquboglu (müzakirə) 05:41, 20 may 2022 (UTC)Cavabla

Olduğu kimi qalsın. Rəcəb Yaxşı çaşqınlığa səbəb də elə odur ki, belə mövzularda hər-hansı qanunauyğunluq yoxdur. Normalda hər hansı obyekt və ya toponim tarix boyu necə yadda qalıbsa, gümüzə də elə gəlib çatır. Binaya gəldikdə isə, məqalədə də qeyd edilib: "Evin birinci sahibinə hörmət əlaməti olaraq Nağıyev binanın fasadında Mirzəbəyovların venzelinin saxlanılmasına qərar vermişdir." Görünür Nağıyev özü də irsə sahiblənməmiş, buna görə də bina yenə də "Mirzəbəyovun mədaxil evi" olaraq tanınmağa davam etmişdir. Bundan əlavə, məqalədə oxuduğum üzrə Nağıyev binadan öz mülkü olaraq əhəmiyyətli dərəcədə istifadə etməyib, sadəcə tikintisini başa çatdırıb. Odur ki, bu da binanın belə tanınmasının səbəbdir. — Surə ^🗯 17:55, 24 iyun 2022 (UTC)Cavabla