 |
 |
Ureyim.az |  |
 |
Mark Giu Paz (4 yanvar 2006, İspaniya) — İngiltərə Premyer Liqası təmsilçilərindən olan "Çelsi" klubunda hücumçu kimi çıxış edən peşəkar İspaniya futbolçusu.
| Mark Giu | ||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| isp. Marc Guiu | ||||||||||||||||||||||||||||||||||
| Ümumi məlumatlar | ||||||||||||||||||||||||||||||||||
| Tam adı | Mark Giu Paz[1] | |||||||||||||||||||||||||||||||||
| Doğum tarixi | ||||||||||||||||||||||||||||||||||
| Doğum yeri | Qranollers, İspaniya[2] | |||||||||||||||||||||||||||||||||
| Vətəndaşlığı | ||||||||||||||||||||||||||||||||||
| Boyu | 187 sm[2] | |||||||||||||||||||||||||||||||||
| Mövqeyi | Hücumçu | |||||||||||||||||||||||||||||||||
| Klub haqqında məlumat | ||||||||||||||||||||||||||||||||||
| Klub |
 Çelsi |
|||||||||||||||||||||||||||||||||
| Nömrəsi | 38 | |||||||||||||||||||||||||||||||||
| Karyerası | ||||||||||||||||||||||||||||||||||
|
||||||||||||||||||||||||||||||||||
|
|
||||||||||||||||||||||||||||||||||
 Vikianbarda əlaqəli mediafayllar | ||||||||||||||||||||||||||||||||||
Giu Barselona bölgəsinin Qranollers şəhərində anadan olmuşdur. O, karyerasına La Liqa təmsilçilərindən olan "Barselona" komandasının fan-klubu hesab edilən Penya Barselonista Sant Seloni klubunda başlamışdır.[3] 2013-14 mövsümündə Barselona klubuna qoşulan oyunçu özünü illər ərzində "La Masia" akademiyasında inkişaf etdirmişdir. Giu 2023-cü ilin iyun ayında mövsüm öncəsi "Selta de Viqo" klubu və Yaponiya təmsilçisi "Vissel Kobe" klubuna qarşı hazırlıq görüşləri üçün əsas komandaya dəvət edilmişdir.[4] O, komandada qeyri-rəsmi debütünü sonuncu oyunda etmiş və Robert Levandovskini əvəzləyərək meydana daxil olmuşdur.[5][6]
11 oktyabr 2023-cü ildə Giu La Liqa təmsilçilərindən olan "Qranada" klubu ilə görüş üçün yenidən əsas komandaya çağırılmışdır. Buna baxmayaraq, həmin görüşdə o, meydana daxil olmamışdır.[7] Həmin ay onun adı The Guardian nəşri tərəfindən dərc edilən dünyanın ən yaxşı 2006-cı il təvəllüdlü futbolçuları siyahısına əlavə edilmişdir.[8] 22 oktyabr tarixində Giu "Atletik Bilbao" klubuna qarşı liqa görüşündə karyerasında rəsmi debütünü reallaşdırmışdır. 79-cu dəqiqədə meydana daxil olan futbolçu 23 saniyə sonra topa ikinci toxunuşunda qolla yadda qalmış və komandasına 1-0 hesabı ilə qələbə qazandırmışdır.[9][10][11] 17 yaş 291 günlüyündə fərqlənən Giu "Barselona" klubunun La Liqa tarixində ən gənc və ən sürətli qol vuran debütantı olmuşdur.[12][13][14]
Üç gün sonra Giu UEFA Çempionlar Liqasında debütünü "Şaxtyor Donetsk" klubuna qarşı oyunda etmiş və komandası rəqibinə 2-1 hesabı ilə qalib gəlmişdir.[15] O, turnirdə ilk qolunu 13 dekabr tarixində "Antverpen" klubuna qarşı oyunda vurmuş və komanda 3-2 hesabı ilə qələbə qazanmışdır.[16][17]
1 iyul 2024-cü ildə Giu İngiltərə Premyer Liqası təmsilçilərindən olan "Çelsi" klubu ilə 6 milyon avro qarşılığında[18] beş illik müqavilə imzalamışdır.[18][19] O, klub ilə debütünü 18 avqust tarixində "Mançester Siti" klubuna qarşı oyunda etmiş və komanda rəqibinə 0-2 hesabı ilə məğlub olmuşdur.[20]
Giu İspaniya millisinin U-17 və U-19 yaş qruplarında çıxış etmişdir.
2023-cü ilin may ayında Giu 2023 Avropa U-17 Çempionatında iştirak etmək üçün İspaniya U-17 millisinə dəvət edilmişdir.[21] O, Paris Brunner, Robert Ramsak və komanda yoldaşı Lamin Yamal ilə birlikdə turnirdə 4 qol vuraraq, turnirin şərikli bombardiri olmuşdur.[22] 2023-cü ilin noyabr ayında Giu 2023 U-17 Dünya Çempionatında milliyə yenidən dəvət almış[23] və turniri iki qolla başa vurmuşdur.[24][25]
Barselonanın gənc məşqçisi İvan Karrasko Giunu "klassik '9' nömrə, meydanda fiziki gücündən əla istifadə edən mütəxəssis" kimi təsvir etmişdir. Bəziləri onu Samuel Eto'o ilə müqayisə edirlər.[3] O, top ilə davranışı əla bacarır, tempi, gücü və verimliliyi ilə digərlərindən fərqlənir. İspan futbol mütəxəssisi Gillem Balage Giunu "qutudakı daha effektiv hücumçu" kimi təsvir etmişdir.[26]
| Klub | Mövsüm | Liqa | Ölkə Kuboku[a] | Avropa | Digər | Ümumi | ||||||
|---|---|---|---|---|---|---|---|---|---|---|---|---|
| Diviziya | Oyun | Qol | Oyun | Qol | Oyun | Qol | Oyun | Qol | Oyun | Qol | ||
| Barselona Atletik | 2023–24 | Primera Federasiyası | 13 | 4 | — | — | 4[b] | 2 | 17 | 6 | ||
| Barselona | 2023–24 | La Liqa | 3 | 1 | 2 | 0 | 2[c] | 1 | 0 | 0 | 7 | 2 |
| Çelsi | 2024–25 | Premyer Liqa | 1 | 0 | 0 | 0 | 2[d] | 0 | 0 | 0 | 3 | 0 |
| Ümumi karyera | 17 | 5 | 2 | 0 | 4 | 1 | 4 | 2 | 27 | 8 | ||
Fərdi
 |
 |
UREYIM.AZ |  |
 |
|
