 |
 |
Ureyim.az |  |
 |
Myaku-Myaku (ミャクミャク, Myakumyaku?) – Expo 2025 tədbirinin rəsmi talismanı və yuru-çarası. 2022-ci ildə şəkilli kitab illüstratoru Kohey Yamaşita tərəfindən dizayn olunmuşdur. Talisman üçün keçirilmiş ad müsabiqəsində Miyuu Kavakatsu və Hinata Sakuda tərəfindən təqdim olunmuş versiya qalib seçilmişdir.[1]
.jpg)
Myaku-Myaku "sirli varlıq" kimi təsvir olunur. Onun bədəni hüceyrələrdən (qırmızı) və sudan (göy) ibarətdir. O, adətən dik və ikiayaqlı vəziyyətdədir, insanı yamsılamağa çalışır, bədəni amorfdur və müxtəlif formalara girə bilir. Onun göy gövdəsi iki ayağa, iki qola malikdir. Qırmızı və dairəvi halqa onun "başı" hesab olunur. Başında bir çox gözbəbəyi və ortasında gülümsəyən ağız yerləşir.[1] Yamaşitanın dizaynı 2000-ə yaxın namizəd arasından seçilmişdir. O, dizaynı haqqında danışarkən demişdir: "Ağıllı və ya yaxşı görünən dizayndansa, insanların yöndəmsiz personaj sevəcəyini düşündüm". Yamaşita Myaku-Myakunun necə gəzdiyi, danışdığı və reaksiya verdiyi haqqında da məsləhətlər vermişdir.[2]
Yapon dilində "myaku myaku" onomatopeyası "davamlı nəbz" mənasını bildirir.[3] Dizaynın açıqlanmasından bir ay sonra Expo 2025 üçün nəzərdə tutulmuş təşkilat komitəsi talismanın adı üçün açıq müsabiqə başlatmışdır.[4][5] Müsabiqəyə 33.197 ad təqdim olunmuşdur.[6] İki iştirakçı eyni adı təqdim etmiş və həmin ad qalib elan olunmuşdur. İştirakçılarından biri Miyuu Kavakatsu ad üçün ilham mənbəyi kimi insan DNT-si, müdriklik, texnologiya, tarix və mədəniyyətin insanlar arasında nəsildən nəsilə ötürülməsini göstərmiş, bunu nəbz atan ritmlə müqayisə etmişdir: "iki ardıcıl səslə myaku-myaku həyatın davam etdiyini göstərir". Digər iştirakçı Hinata Sakuda qırmızı və göy rəngin vena və arteriya damarlarını xatırlatdığını demiş və "nəbz" (myaku) sözünün insan sivilizasiyaları arasındakı əlaqəni əks etdirdiyini bildirmişdir.[1][2]
2024-cü ilin aprelinə qədər 107 şirkət rəsmi lisenziya müqaviləsi imzalamış və Myaku-Myaku haqqında 800-dən çox məhsul hazırlanmışdır. "Sanrio" şirkəti personaj əsasında Hello Kitty məhsulu təqdim etmişdir.[7][8] "JR West" 30 noyabr 2023-cü ildə Osaka xəttində üzərisində Myaku-Myaku dekorasiyası olan qatarlar istifadəyə vermişdir. "Japan Airlines" 2025-ci ilin mayına qədər fəaliyyət göstərəcək Myaku-Myaku reaktv təyyarəsi təqdim etmişdir. Personaj Yaponiyada, eləcə də, Avstraliya və Vyetnamda baş tutmuş bir sıra kostyumlu tədbirlərdə yer almışdır.[7]
Expo 2025 tədbirinin təşkilat komitəsi fərdlərə və təşkilatlara personaj əsasında qeyri-kommersiya məqsədli sənət əsərlərinin yaradılmasına icazə verir.[2] 3–6 mart 2025-ci il tarixlərində Yaponiyada "Ha-i! Myaku Myaku Desu" adlı 8 seriyalıq qısa anime serialı adaptasiyası yayımlanacaq.[9]
Myaku-Myaku "qorxunc, amma şirin" personaj kimi təsvir olunmuş və populyar olmuşdur.[2][7] Rəsmi məhsullar satışa çıxdıqdan bir neçə sonra satılıb bitmişdir. Sosial media platformalarında personaj haqqında fanat sənət işləri hazırlanmışdır.[2] "Comiket" iştirakçıları Myaku-Myakunun kospleyi ilə çıxış etmişdirlər.[10]
 |
 |
UREYIM.AZ |  |
 |
|