 |
 |
Ureyim.az |  |
 |
Nərimankənd (əvvəlki adı: Nərimanovka) — Azərbaycan Respublikasının Biləsuvar rayonunun Nərimankənd kənd inzibati ərazi dairəsində kənd.[2][3] Azərbaycan Respublikası Ali Sovetinin 25 may 1991-ci il tarixli, 123-XII saylı Qərarı ilə Biləsuvar rayonunun Nəsimi kənd Sovetinin Nərimanovka kəndi Nərimankənd kəndi adlandırılmışdır. Nərimankənd kəndi Nəsimi kənd Sovetindən ayrılaraq, bu kənd mərkəz olmaqla Nərimankənd kənd Soveti yaradılmışdır.[4]
| Nərimankənd | |
|---|---|
| 39°32′00″ şm. e. 48°23′32″ ş. u.HGYO | |
| Ölkə | |
| Tarixi və coğrafiyası | |
| Saat qurşağı | |
| Əhalisi | |
| Əhalisi |
|
  Nərimankənd | |
Kəndin keçmiş adı Üçməzar olmuşdur. Sovet dövründə kənd Nəriman Nərimanovun şərəfinə Nərimanovka adlandırılmış, 1991-ci ildən isə indiki adla rəsmiləşdirilmişdir.[5]
Nərimankənd kəndində aşağıdakı daşınmaz tarix və mədəniyyət abidəsi qeydə alınmışdır:
| İnventar № | Abidənin adı | Tarixi | Yerləşdiyi ünvan | Növü | Əhəmiyyət dərəcəsi |
|---|---|---|---|---|---|
| 5789 | Şəhriyartəpə yaşayış yeri[6] | Orta əsrlər | Nərimankənd kəndi | Arxeoloji | Yerli |
Kənd Muğan düzündə yerləşir. Nəsimi, Səmədabad kəndləri ilə sərhəddir.
| İl | Daimi əhali | Kişilər | Qadınlar |
|---|---|---|---|
| 1999[7] | 3015 | 1496 | 1519 |
| 2009[8] | ↗3542 | ↗1775 | ↗1767 |
Kənddə 831 təsərrüfat var.
2015-ci ilin iyun ayının 25-də kəndə ilk dəfə olaraq təbii qaz verilmişdir.[9]
Kənddə Nərimankənd kitabxana filialı,[10] Nərimankənd kənd klubu,[11] Nərimankənd Poçt Agentliyi və Nərimankənd EATS[12] fəaliyyət göstərir.
Kənddə Nərimankənd tam orta məktəbi və Nərimankənd ümumi orta məktəbi fəaliyyət göstərir.[13][14]
Kənddə 21 dekabr 2009-cu ildə qeydiyyatdan keçən, şəhadətnamə nömrəsi 100109 A3-118 olan Nərimankənd kəndi "İmam Hüseyn" məscidi dini icması fəaliyyət göstərir.[15]
Kənddə Nərimankənd həkim məntəqəsi yerləşir.[16]
 |
 |
UREYIM.AZ |  |
 |
|
