Natali Imbrulya - Wikipedia - Ureyim.az

İmbruliya, 4 fevral 1975-ci ildə Avstraliyanın Sidney şəhərində Maksin və Elliot Imbruglia'nın dörd qızından ikincisi olaraq anadan olmuşdur. Atası İtalyan əsilli (beş yaşında ailəsi ilə birlikdə Avstraliyaya köçən, əslən Liparidən olan Siciliyalı), anası isə İrlandiyalı və İngilis əsillidir.^[2] Imbruliya Müqəddəs Peters Katolik Kolleci (əvvəllər Mater Dei olaraq adlandırıldı) məktəbdə təhsil alıb. 15 yaşında özünə karyera qurmaq ümidi ilə balet və bir sıra digər rəqslərlə məşğul olub.

Imbrulya, Coca-Cola və Avstraliya qəlyanaltı şirkəti Twisties televiziya reklamlarında yer aldı. 16 yaşında olanda aktrisalıq arzusu ilə məktəbi yarımçıq qoyur. Avstraliyanın "Qonşular" serialında Beth Brennan rolunun ifaçısı olur və həmin serialda. Cameron Hudson rolunu ifa edən Ben Mitchell ilə birlikdə yaşayır.^[3][4] Serialın ikinci sezonunun sonunda — 1994-cü ildə Londona köçməyi qərara alır və serialı tərk etdi. Burada o, sonradan meneceri olan Anne Barretlə tanış olur və onu dörd mahnının ibarət demo versiyasını yazdırmağa inandırır.^[5] Beləliklə, "Torn" mahnısının demo versiyası RCA Records tərəfindən bəyənildikdən sonra BMG şirkəti ilə müqavilə imzalanır.

Imbrulyanın ilk beynəlxalq sinqlı "Torn", Ednaswap qrupunun oxuduğu mahnısının kaver versiyası idi. 1997-ci ilin noyabrında İngiltərənin Singles çartında ikinci, dünyanın dörd bir tərəfində radioların efirində birinci, Billboard Airplay çartında 14 həftə birinci yerə çatdı. Sinql təkcə Birləşmiş Krallıqda bir milyondan çox nüsxə satıldı. 2011-ci ilin məlumatına etibarən 'Torn', 1990-cı ildən bəri Avstraliya radiosunda ən çox çalınan mahnıdır, Avstraliya İcraedici Hüquqlar Dərnəyi (APRA) tərəfindən tərtib edilmiş məlumatlar əsasında məlum olub ki, 1997-ci ildən bəri mahnı 300 500 dəfə səsləndi.

Rick Dees özünün Top 40 Çart şousunda, Yeni il ərəfəsində KIIS-FM-dən yayımlanan "2000 — Minilliyin Geriyə doğru" şousunda "Torn" mahnısına "1990'ların bir nömrəli radio sinqlı" adını verdi.

Imbruliyanın ilk albomu Left of the Middle, 24 noyabr 1997-ci ildə satışa çıxarıldı. Albom üç həftə sonra İngiltərədə 350.000 nüsxə satıldı və platinium sertifikatına layiq görüldü. Ümumilikdə 7 milyon nüsxə satıldı və ilk həftədən etibarən Billboard'un qiymətləndirməsinə görə Alanis Morissette, Fiona Apple və Meredith Brooks kimi sənətçilərdən daha çox pop / rok / alternativ üslubda satılan ilk qadın sənətçinin albomudur. İngiltərədə "Torn" dan sonra satışa çıxarılan ikinci sinql "Big Mistake" oldu və çartlarda 2-ci yerə qədər çıxdı. "Wishing I Was There" sinqlı ilk iki sinqla nisbətən daha az uğurlu oldu və 19-uncu yerdə qərarlaşdı. UK radiosundakı "Wishing I Was" 1998-ci ilin yayında 2-ci yerə, ABŞ-də isə Top 40 Show-sunda 14-cü yerə çatdı. Albomun son sinqli "Smoke" oldu və mahnı barədə rəylər müxtəlif oldu. Bu mahnı İngiltərədə hit oldu və ilk 5-liyə çıxdı, Avstraliyada isə ilk 40-a çata bilmədi. Ümumilikdə isə albom bir çox ölkədə satış üzrə yaxşı nəticə göstərərək, ABŞ və İngiltərədə 1 milyon nüsxə ilə satılaraq ilk 10-luğa daxil oldu.

"Torn" sinqlı və Left of the Middle albomu 1998-ci ildə Imbruliyaya altı ARIA Mükafatı qazandırdı, "Wishing I Was Var" adlı və albom satışı üzrə dünyadakı uğurları ona 1999-cu ildə daha iki ARIA mükafatı qazandırdı. 1998-ci ildə Ən yaxşı yeni aənətçi üzrə MTV Mükafatı və 1999-cu ildə ard arda üç Grammy nominasiyasına namizəd göstərildi. Eyni ildə Natali həm də Ən yaxşı beynəlxalq yeni müğənni və Ən yaxşı beynəlxalq qadın müğənni nominasiyasında iki Britaniya musiqi mükafatını qazandı.

Imbruliyanın 2001-ci ildəki növbəti albomu White Lilies Island onun Windsor'da, Temza çayının yanında yaşadığı yerin şərəfinə adlandırıldı. Imbruliya üç il ərzində hazırlanan bu alboma daxil olan hər bir mahnı üzərində özü də işləyib. Albomun ilk sinqlı "That day", onun əvvəlki sinqllərindən üslub baxımından fərqlənsə də, İngiltərədə musiqi çartlarında ilk 10-luğuna düşə bilmədi. "Beauty on the Fire" sinqlı dünya miqyasında musiqi çartlarında uğur qazaba bilmədi. Ümumilikdə, albom,

1 milyon nüsxə satılsa da, Left of the Muddle albomunun uğurunu təkrarlaya bilmədi. 2003-cü ildə "Johnny English" filmində Rowan Atkinsonun sevgilisi rolunu canlandırdı.

2005-ci ilin aprelində Imbruliya'nın üçüncü albomu Counting Down The Days'in ilk sinqli "Shiver" satışa buraxıldı. "Shiver" İngiltərədə "Torn" dan sonra ən uzun müddət çartlarda qalan sinql oldu. Bir neçə həftə ərzində İngiltərədəki radioçartlar siyahısında birinci oldu və ümumilkdə İngiltərə musiqi çartlarında səkkizinci yerə qədər yüksəldi. Mahnı 2005-ci ilin ən çox səslənən mahnısı oldu. Counting Down The Days albomu da albomlar siyahısında yüksək yerlərə çıxdı.

"Sanctuary" bu albomdan radiolara göndərilən

ikinci sinql idi. Amma bu mahnı "Shiver" kimi radio və çartlarda çox uğur qazana bilmədi.

Imbruliya oktyabrın və noyabr ayının sonunda pərəstişkarları üçün kiçik Avropa turundan ibarət jonsert turuna çıxdı. Albomun UK Top 40'a daxil ola bilməməsinə baxmayaraq, turne uğurku ildu, xüsusilə Londonda bir neçə konsertin biletləri xeyli əvvəldən satıldı.

Albom 2005-ci ildə İngiltərədə 204.877 nüsxə satılaraq ən çox satılan 100-cü albom oldu.

Imbruglia dördüncü albomunun hazırlıqlarına 2005-ci ilin sonlarında başladı. 2007-ci ilin ortalarında isə onun planları dəyişdi və səsyazma şirkəti Imbruliya'nın 10 illik musiqi yaradıcılığına həsr edilən mahnılar toplusunu çıxardı. Albomdan yeganə sinql "Glorious"un premyerası Chris Moyles Şousunda BBC Radio 1-də baş tutdu. Singles Collection toplusu İngiltərədə 5-ci yerə çıxdı, alboma "Glorious" sinqli, həmçinin Imbruliyanın kliplərindən ibarət DVD də daxil idi. Albom ümumilikdə 600.000 nüsxə satıldı.

2008-ci ilin sonları — 2009-cu ildə Natali nəhayət növbəti albomu üzərində işləməyə başladı, bu zaman o, Brightside / Sony BMG şirkəti ilə müqaviləsinə xitam vetdi. Alboma daxil olan mahnılar Ben Hillier, Dave McCracken, ozamankı həyat yoldaşı Daniel Johns, Gary Clark, Jamie Hartman, Paul Harris, Shep Solomon və Coldplay qrupunun solisti Chris Martin ilə birlikdə yazılmışdır. Bəzi mahnıların prodüserliyi Hillier'ә aiddir və Danton Supple tərəfindən miks olunub.

Albom Amazon Music vasitəsilə onlayn olaraq təqdim edildi.

Bu albomun ardınca sonra Imbruliyanın yaradıcılığında altı illik fasilə oldu və o, əsas diqqətini yenidən aktrisalığa yönəltdi. Imbruliya Los Ancelesə köçdü və aktyorluq dərsləri almaq üçün Ivana Chubbuck ilə məşğul oldu. Növbəti beş il ərzində o, Closed for Winter (2009), Underdogs (2013) and Among Ravens (2014) filmlərində çəkildi.

2014-cü ilin aprelində İmbruglia İngiltərə istehsalı olan Things We Do For Love və Kral Teatrında Bath pyeslərində çıxış etdi.

3 dekabr 2014-cü ildə Imbruglia Sony Masterworks ilə müqavilə bağladı və bir neçə kişi ifaçının məşhur mahnılarını kaver edərək son beş ildə ilk albomunu çıxardı. Albomun ilk sinqli Daft Punk qrupunun ifasındakı məşhur "Instant Crush" mahnısının kaver versiyası idi. Male, 31 iyul 2015-ci ildə satışa buraxıldı və beləliklə Natalinin beşinci studiya albomu oldu. 2017-ci ilin yazında, Imbruliya albomuna dəstək məqsədilə Avropa üzrə Akustik Turnesinə başladı. 2018-ci ildə İngiltərədə onun daha bir konsert turnesi oldu.

2018-ci il Noyabr ayında İnstaqram hesabı vasitəsilə Imbruliya dinləyicilərinə yeni musiqilərinin 2019-cu ildə hazır olacağını bildirdi. 2019-cu ilin fevralında Strokes üzvü Albert Hammond Jr.-in Strokes prodüseri Gus Oberg ilə birlikdə studiyada Imbruliyanın yeni mahnıları üzərində işlədiyi bəlli oldu.

Imbruliya, 1997–2007-ci illərdə əməkdaşlıq etdiyi səsyazma şirkəti BMG ilə 2019-cu ilin iyulunda yenidən müqavilə bağladı və 2020-ci ildə yepyeni mahnılardan ibarət albom buraxmağı planlaşdırdı. Daha sonra albomun satışa buraxılması 2021-ci ilə dəyişdirildi.

2010-cu ilin may ayında Imbruliya, The X Factor-un Avstraliya versiyasında, ikinci sezonda jüri oldu. 2011-ci ilin iyun ayında İmbruliya, şousun orijinal İngilis versiyasında da jüri oldu, burada yeddinci seriyasında Birmingham dinləmələrində qonaq oldu.

2016-cı ildə Imbruliya SBS TV-nin First Contact serialının ikinci sezonunda rol aldı.

Natalie Imbruliya, müğənni-bəstəkar Laura Imbruliya'nın böyük bacısıdır. Imbruglia 1990-cı illərin sonlarında Amerikalı aktyor David Schwimmer ilə sevgili ifi.

1999-cu ildə Imbruglia, Silverchair qrupunun Londondakı konsertində səhnə arxasında ikən qrupun solisti Daniel Johns ilə tanış oldu. Onlar həmin ilin oktyabr ayında Sidneydəki Gazebo Hoteldə təşkil olunan ARIA mükafat partisində yenidən rastlaşdıqdan sonra görüşməyə başladılar. 2002-ci ildə nişanlanan cütlük, Yeni il ərəfəsində 2003-cü ildə Avstraliyanın Queensland, Port Douglas şəhərində evləndilər. Johns, İmbruliya'nın 2005-ci il Counting Down The Days albomu için "Satisfied" mahnısını bəstələmişdi və 2009-cu ildə onun Come to Life albomundakı "mahnısını yazmışdı.

İmbruglia 2013-cü ildə İngiltərə vətəndaşı statusunu aldı.

Imbruliya, 2004-cü ildə bütün dövrlərin ən təbii gözəl qadınları siyahısında ən gözəl altıncı qadın seçildi. Siyahıya Audrey Hepburn başçılıq edirdi və sorğuda iştirak edənlər moda redaktorları, model agentlər və makiyaj ustaları idi. VH1'in təşkil etdiyi sorğuda Natalie 100 ən seksual sənətçi siyahısında da yer tutdu.

Imbruliya'nın boynunda Sanskritcə "uğurlu" və ya "gözəl" mənasını bildirən "Shreya" yazısı, sol ayağında isə "cəsarət" mənasını bildirən Çin döyməsi var. Heç vaxt plastik əməliyyat etmədiyini deyən Natali, ancaq " bunu istisna etmirəm, çünki gələcəkdə özümü necə hiss edəcəyimi bilmirəm" dedi. Backstreet Boys