Oskar Mukafati 2011 - Wikipedia - Ureyim.az

Amerika Kino Akademiyası 83-cü “Oskar” mükafatların verilməsi mərasimində 12 Oskara namizəd olan “Kral danışır!” filmi 2010-cu ilin ən yaxşı filmi mükafatını, baş rol aktyoru Kolin Fört ilin ən yaxşı aktyoru, bu filmin rejissoru Tom Xuper isə ən yaxşı rejissor nominasiyasında qalib oldular. Film ən original ssenari nominasiyasında da qalib oldu və Devid Saydler Oskarı apardı. Ən yaxşı aktrisa nominasiyasında isə “Qara qu quşu” (“Qara Qu”) filmindəki roluna görə Natali Portman qalib oldu. Ən yaxşı animasiya filmi nominasiyasında isə “Toy Story, the big escape” (“Oyuncaq əfsanəsi: Böyük Qaçış”) mükafata sahib oldu. Bu animasiya həm də ən yaxşı mahnı nominasiyasında“We belong together” mahnısına Oskara layiq görüldü. “Oyuncaqların hekayəsi-3: The big escape” animasiyası ilə bir sırada mübarizə aparan animasyon filmlərdən biri “Alisa möcüzələr diyarında” filmi quruluşçu-rəssam və ən yaxşı kostyum dizaynı nominasiyalarında qalib gəldi.

Ətrafında çox söz-söhbətlər gəzən “Social Network” (Facebook) filmi ilin ən yaxşı filmi nominasiyasında qalib olmasa da ən uyğun ssenariyə görə Aaron Sorkin, ən yaxşı bəstəkar nominasiyasında Trent Reznor və Attikus Ross Oskar mükafatını qazandı. Bundan başqa ən yaxşı montaj nominasiyasında da bu film qalib gəldi. Favoritlərdən olan baş rolunu Leonardo Di Kaprionun oynadığı “Başlanğıc” (“Başlanğıc”) ən yaxşı operator işinə görə Uolli Pfister, ən yaxşı səs (sound editing), ən yaxşı səs çaları (sound mixing) və yaxşı vizual effektlər nominasiyasında qalib gəldi.