Park Cinema - Wikipedia - Ureyim.az

Park Cinema 26 oktyabr 2010-cu ildə fəaliyyət göstərməyə başlamışdır. 2020-ci ildə başlamış COVİD-19 pandemiyası səbəbilə kinoteatr 2021-ci ilin oktybarına qədər fəaliyyətinə dayandırmalı olmuşdu.^[2]

Şəbəkənin kinoteatrları Park Bulvar, Metro Park, Zagulba Ticarət Mərkəzi, Alov qüllələrinin ticarət mərkəzi, dənizqırağı Amburan əyləncə kompleksi, Masallı, Şahdağ və Aygün Mall-da yerləşir.^[3]

Hər il Park Cinema şəbəkəsində kinofestivallar keçirilir, bəzi filmlər və fanatları üçün kospleyli tədbirlər,^[4][5][6] müntəzəm olaraq qala-premyeralar və press-nümayişlər,^[7] sadiq tamaşaçılar üçün geniş aksiyalar, özəl günlərə aid kampaniyalar^[8][9] və filmlərin xeyriyyə nümayişi təşkil olunur. Bədii və cizgi filmlərlə yanaşı BTS kimi K-pop qruplarının film-konsertləri nümayiş etdirilir.^[10][11] Socialbakers-ə görə Park Cinema səhifəsi istifadəçilərin sorğularının 98%-ni cavablandırdığına görə sertifikat alıb və Azərbaycanın ən müzakirə olunan və populyar kinoman qrupu statusunu alıb.^[3] 2016-cı ildə "Warner Bros." və "Universal Pictures" tərəfindən aparılmış film icarəsi hesabatında kassa gəliri və tamaşaçı sayı baxımından "Park Cinema" Azərbaycanda birinci yerdə göstərilmişdir.

Digər kinoteatrlar şəbəkəsi olan "CinemaPlus" ilə^[12], eləcə də, Azərbaycan Mədəniyyət və Turizm Nazirliyi ilə əməkdaşlıq edir.^[13]

• Park Bulvar – şəbəkənin birinci ən məşhur kinoteatrı hesab olunur. Bir çox distribüsiya şirkətlərinin rəsmi məlumatlarına görə Azərbaycanın ən ziyarət edilən kinoteatrı kimi tanınır. Park Bulvar TM-nin 4-cü mərtəbəsində yerləşir, VİP ilə birlikdə 6 kinozalı, 789 oturacaq yeri, VİP bar ilə birlikdə 3 barı var. Kinoteatr Dolby Digital səs sistemi, ən yaxşı 3D texnologiyası kimi qəbul edilmiş RealD 3D (Azərbaycanda yeganə) və gümüş örtüklü, filmləri daha yaxşı əks etdirən, 3D effektinin dərinliyinə təsir edən çökük ekran ilə təchiz olunub.^[3]
• Metro Park – şəbəkənin ən tutumlu, rahat mühitli kinoteatrı hesab olunur. Nərimanov metrostansiyasının yaxınlığında yerləşir. Metro Park TM-nin 6-cı mərtəbəsində yerləşir, 6 zalı, 1034 oturacağı var. Kinoteatrın üstünlüyü ondan ibarətdir ki, TM-dən ayrıca yerləşir, və bunun sayəsində TM-nin səs-küyü qonaqlara mane olmur.^[3]
• Alov qüllələri kompleksi – kinoteatr Alov qüllələrində yerləşir. 282 tamaşaçını yerləşdirən Azərbaycanda ilk IMAX formatlı zal daxil olmaqla, kinoteatr 6 zal, 800 oturacaqdan ibarətdir. Standart zallar RealD 3D texnologiyası, gümüş örtüklü ekranlar və Couple Seats oturacaqları ilə təchiz olunub.^[3]
• Amburan – kinoteatr dənizqırağı Amburan əyləncə kompleksində yerləşir. Azərbaycanda açıq havada yeganə olan kinoteatrdır.^[3][14]
• Zagulba – kinoteatr Zagulba Ticarət Mərkəzində yerləşir. 2D və 3D formatlı 4 zal, 576 oturacaq yer və zəngin barlı geniş foyeyə malikdir.^[3]
• Şahdağ — Şahdağ Turizm Mərkəzində yerləşən kinoteatrdır.^[15]
• Aygün Mall – eyniadlı ticarət mərkəzində yerləşir, 5 zaldan ibarətdir.^[16]

2015-ci ildə 20 Yanvar günü zamanı kinoteatrın komediya filmi nümayiş etdirməsi tənqidə səbəb olmuşdur.^[17][18]

• parkcinema.az — rəsmi saytı