Sakin Cabarov - Wikipedia - Ureyim.az

Sakin Cabarov 30 avqust 1983-cü ildə Xaçmaz rayonunun Dədəli kəndində anadan olmuşdur. 1990–2000-ci illərdə Xaçmaz rayonu Q.Mövlanov adına Dədəli kənd orta məktəbində orta təhsil almış, 2001–2005-ci illərdə Bakı Dövlət Universitetinin Fizika fakültəsindən Fizika ixtisası üzrə fərqlənmə diplomu ilə məzun olmuşdur. 2005–2007-ci illərdə magistr təhsilinə Bakı Dövlət Universitetinin Fizika fakültəsində Kvant elektronikası ixtisası üzrə yiyələnmişdir.^[1] 2007–2008-ci illərdə həqiqi hərbi xidmətdə olmuşdur. 2009–2012-ci illərdə AMEA Fizika İnstitutunun fəlsəfə doktorluğu üzrə 2220.01-Yarımkeçiricilər fizikası ixtisası üzrə doktoranturada təhsil almış, 2012-ci ildə "Yüksək təzyiqlərdə PbTiO3, NaNbO3, BiMnO3 perovskit seqnetoelektriklərdə struktur faza keçidləri" mövzusunda dissertasiya işini müdafiə edərək Azərbaycan Respublikasının Prezidenti yanında Ali Attestasiya Komissiyası tərəfindən fizika üzrə fəlsəfə doktoru elmi dərəcəsini almışdır. 2017-ci ildə Azərbaycan Respublikasının Prezidenti yanında Ali Attestasiya Komissiyası tərəfindən 2220.01-Yarımkeçiricilər fizikası ixtisası üzrə dosent elmi adı almışdır. 2017–2021-ci ildlərdə AMEA Fizika İnstitutunun elmlər doktorluğu üzrə 2223.01-Kristalloqrafiya, kristallar fizikası ixtisası üzrə doktoranturada təhsil almış, 2021-ci ildə "Təzyiq və temperaturun təsiri ilə perovskitlərdə və heksaferritlərdə quruluş və maqnit faza keçidləri" mövzusunda dissertasiya işini müdafiə edərək Azərbaycan Respublikasının Prezidenti yanında Ali Attestasiya Komissiyası tərəfindən fizika elmləri doktoru elmi dərəcəsini almışdır.^[1]

O, 2002-ci ildən Yeni Azərbaycan Partiyasının üzvüdür.

Sakin Cabarov ailəlidir, iki övladı var.

Sakin Cabarov 2005–2018-ci illərdə AMEA Fizika İnstitutunda texnik, kiçik elmi işçi, elmi işçi, böyük elmi işçi, aparıcı elmi işçi vəzifələrində, 2010–2014 və 2017–2018-ci illərdə Rusiyanın Dubna şəhərində yerləşən Birləşmiş Nüvə Araşdırma İnstitutu (Joint Institute for Nuclear Research) İ.M.Frank adına Neytron Fizikası Laboratoriyasında kiçik elmi işçi, elmi işçi, böyük elmi işçi vəzifələrində çalışmışdır.^[2]

2014–2015-ci illərdə Almaniyanın Bayroyt şəhərində yerləşən Bayroyt Universitetində postdokda olmuşdur.^[3]

2018-ci ildən Azərbaycan Respublikasının Prezidenti yanında Ali Attestasiya Komissiyasında çalışan Sakin Cabarov hal-hazırda Elm sahələri üzrə birinci şöbənin müdiridir. Azərbaycan Respublikası Prezidentinin 27 may 2022-ci il tarixli Sərəncamı ilə Azərbaycan Respublikasının Prezidenti yanında Ali Attestasiya Komissiyası sədrinin müavini təyin edilmişdir.^[4]

2005-ci ildən elmi fəaliyyətlə məşğul olan Sakin Cabbarov bu müddət ərzində: 2005–2021-ci illərdə AMEA Fizika İnstitutu, 2009–2014, 2017–2018-ci illərdə Rusiyanın Dubna şəhərindəki Birləşmiş Nüvə Araşdırma İnstitutu,^[5] 2010-2011-ci illərdə Almaniyanın Hamburq şəhərindəki "DESY" tədqiqat mərkəzi, 2017-ci ildə Belarusun Minsk şəhərindəki BMEA Materialların elmi-praktiki tədqiqi mərkəzində, 2016-2017-ci illərdə Azərbaycan Texniki Universitetində, 2017-ci ildə Belarusiyanın Minsk şəhərindəki BMEA Materialların elmi-praktiki tədqiqi mərkəzi, 2017-2022-ci illərdə Azərbaycan Dövlət Pedaqoji Universitetində, 2020-ci ildə Polşanın Poznan şəhərindəki Adam Miçkeviç Universitetində, 2019-2022-ci illərdə Azərbaycan Milli Elmlər Akademiyasının Radiasiya Problemləri İnstitutunda elmi tədqiqatlar aparmışdır. O, Vyetnamın Duy Tan Universiteti, Özbəkistanın Karşi Dövlət Universiteti, Türkiyənin Yedditəpə Universiteti, Amerika Birləşmiş Ştatlarının Şimali Karolina Dövlət Universiteti, Belarusun Yeni Materialların Kimyası İnstitutunda çalışan alimlərlə birgə tədqiqatlar aparmaqdadır.

Seqnetoelektrik, ferromaqnit və yarımkeçirici xassələrə malik kristalların quruluşunun və fiziki xassələrinin tədqiqi istiqamətində araşdırmalar aparan alimin əsas elmi nailiyyətləri yüksək təzyiqlərdə və yüksək temperaturlarda quruluş və maqnit faza keçidlərinin öyrənilməsi istiqamətindədir. Yüksək təzyiqlər fizikası sahəsində görkəmli alimlər: professor Denis Kozlenko və professor Leonid Dubrovinskinin tələbəsi olmuşdur. Müxtəlif funksiyalara malik kristalların termik və elektrik xassələrinin tədqiqi istiqamətində də əsərləri vardır. Rentgen Difraksiyası, Neytron Difraksiyası, Raman Spektroskopiyası metodları ilə 10 ildən çox çalışmış və həm təcrübələrin aparılması, həm də alınmış spektrlərin analizi istiqamətində geniş təcrübəyə malikdir. Pozitron Spektroskopiyası, Diferensial Termik Analiz, Diferensial Skanedici Kalorimetriya, Skanedici Elektron Mikroskop, Atom Qüvvə Mikroskopu ilə aparılmış tədqiqatlara aid bir çox elmi əsərləri vardır. "Web of Science" bazasında 134 məqaləsi, 2162 istinadı vardır. Hirş indeksi 28-dir.^[6] "Scopus" bazasında 142 məqaləsi, 2446 istinadı vardır. Hirş indeksi 30-dur.^[7]

O, Scopus bazasında indekslənən Advanced Physical Research jurnalının baş redaktorudur. Birləşmiş Nüvə Tədqiqatları İnstitutunda "Proqram Məsləhət Komitəsi"nin üzvüdür.

Sakin Cabarov uğurlu elmi fəaliyyətinə görə 2011-ci ildə Fizika İnstitutunun gənclər mükafatına, 2013-cü və 2015-ci ildə Rusiya Fundamental Tədqiqatlar Fondunun gənc alimlər üçün ayrılmış qrant layihəsi və 2014-cü ildə İslam İnkişaf Bankının gənc tədqiqatçılar üçün ayrılmış təqaüdünə,^[3] 2017-ci ildə SOCAR-ın Elm Fondunun mükafatına layiq görülmüşdür.

Sakin Cabarov həmçinin, Azərbaycan Dövlət Pedaqoji Universitetinin 100 illiyi (1921-2021)yubiley medalı ilə təltif edilmişdir.

Sakin Cabarov 280 elmi əsərin müəllifidir. Onlardan 142-i Web of Science və Scopus bazalarında indekslənir. Əsas elmi əsərləri aşağıdakılardır:

• S.H. Jabarov, A.Kh. Nabiyeva, S.F.Samadov, A.S. Abiyev, A.A.Sidorin, N.V.M. Trung, O.S.Orlov, B. Mauyey, S.V.Trukhanov, A.V.Trukhanov, M.N.Mirzayev, Study defects formation mechanism in La_1-xBa_xMnO₃ perovskite manganite by positron annihilation lifetime and Doppler broadening spectroscopy, Solid State Ionics, 414, p.116640, 2024.^[8]
• S.H. Jabarov, R.E. Huseynov, G.Sh.Ayyubova, S.V.Trukhanov, A.V.Trukhanov, Y.I.Aliyev, T.T.Thabethe, B.Mauyey, K.A.Kuterbekov, G.Kaminski, M.N.Mirzayev, Evaluation of structural characteristics BaFe_12-xIn_xO₁₉ hexaferrite compounds at high temperatures, Solid State Communications, 386, P.115529, 2024.^[9]
• S. H. Jabarov, S. I. Ibrahimova, F. V. Hajiyeva, E. M. Huseynov, Y. I. Aliyev, Structural, vibrational, and dielectric properties of CuInZnSe₃ chalcogenide compound, Journal Arabian Journal for Science and Engineering, 3, p.1–7, 2022.
• F. G. Agayev, S. H. Jabarov, G. Sh. Ayyubova, A. V. Trukhanov, S. V. Trukhanov, M. N. Mirzayev, T. G. Naghiyev, N. T. Dang, Ferrimagnetic-paramagnetic phase transition in BaFe11.7In0.3O19 compound, Journal of Superconductivity and Novel Magnetism, 33, p.2867–2873, 2020.
• S. H. Jabarov, High pressure effect on the crystal structure of the BaTiO₃, International Journal of Modern Physics B, 33, 30, p.1950357, 2019.^[10]
• M. N. Mirzayev, S. H. Jabarov, E. B. Asgerov, R. N. Mehdiyeva, T. T. Thabethe, S. Biira, N. V. Tiep, Crystal structure changes and weight kinetics of silicon-hexaboride under gamma irradiation dose, Results in Physics, 10, p.541–545, 2018.
• N. T. Dan, V. S. Zakhvalinskii, D. P. Kozlenko, The-Long Phan, S. E. Kichanov, S. V. Trukhanov, A. V. Trukhanov, Yu. S. Nekrasova, S. V. Taran, S. V. Ovsyannikov, S. H. Jabarov, E. L. Trukhanova, Effect of Fe doping on structure, magnetic and electrical properties La0.7Ca0.3Mn0.5Fe0.5O₃ manganite, Ceramics International, 44, 13, p.14974–14979, 2018.

O, dünyanın bir çox ölkələrində keçirilmiş 70-dən çox konfransın iştirakçısı olmuşdur:

• XVIII Всероссийская школа-семинар по проблемам физики конденсированного состояния вещества, Екатеринбург, Россия, с. 46, 16–23 ноября 2017.
• Конференция "Молодежь в науке — 2.0'17", Минск, Беларусь, с. 209. 30 октября – 2 ноября 2017 г.
• International Conference Condensed Matter Research at the IBR-2, Dubna, Russia, p.115. 9–12 October 2017.
• "LI Зимняя школа ПИЯФ по физике конденсированного состояния", ПИЯФ, Гатчина, с. 179, 11–16 марта 2017.
• IV Международная конференция Многомасштабное моделирование структур, Строение вещества, Наноматериалы и Нанотехнологии, 18–21 сентября 2017, Тула, Россия.

Həmçinin, 2 elmi konfransın təşkilat komitəsinin üzvü olmuşdur:

• "N. N. Bogolyubovun 105 illiyinə həsr edilmiş Gənc Alimlərin və Mütəxəssislərin XVIII Beynəlxalq konfransı"nın təşkilat komitəsinin üzvü. Dubna, Rusiya, 24–28 fevral 2014.
• "Bərk cisimlər fizikasının aktual problemləri IX Beynəlxalq Elmi Konfrans"ının təşkilat komitəsinin üzvü. Minsk, Belarusiya, 22–26 noyabr 2021.