 |
 |
Ureyim.az |  |
 |
Saya Hayakava[1] (早川 沙世?, 23 may 1983, Fukuoka prefekturası) – Yaponiya modeli.[2] "Koakuma Ageha" kyabare-qyaru dəb jurnalının əsas modeli olması ilə tanınır.[3]
| Sayo Hayakava | |
|---|---|
| yap. 早川 沙世 | |
| Doğum tarixi | 23 may 1983 (42 yaş) |
| Doğum yeri | |
| Fəaliyyəti | fotomodel[d], model[d], dəb dizayneri |
Hayakava keçmişdə kyabare hostessi kimi məşhurlaşmışdır.[4] 2010-cu ildə gecə işlərindən ayrılandan sonra "Koakuma Ageha" jurnalında işləməyə davam etmiş və dəb dizayneri kimi işləməyə başlamışdır.[5]
2011-ci ildə "Koakuma Ageha" jurnalındakı işini tərk etmiş, bacı jurnal olan "Ane Ageha" jurnalının əsas modeli olmuşdur.[6] 2011-ci ildə "SDN48" qız musiqi qrupunun üzvü olmuşdur, lakin qrupdakı fəaliyyəti çox qısa çəkmişdir.[7]
23 may 1983-cü ildə Yaponiyanın Fukuoka şəhərində anadan olmuşdur.[8] Valideynləri boşanmış və anası tərəfindən böyüdülmüşdür.[9] Fukuokada yerləşən bir hostess barda model kimi işləməyə başlamışdır. 2004-cü ildə Tokioya köçmüş və burada model kimi işləməyə davam etmişdir. Daha sonra gecə işlərinə qayıtmışdır.[10] Ropponqidə yerləşən "R" hostess klubunun əsas hostessi olmuş və maaş baxımından bütün Yaponiyada ən gəlirli hostess kimi tanınmışdır.[11]
"Koakuma Ageha" jurnalında model kimi debüt etdikdən sonra tez-tez jurnalın səhifələrində peyda olmuşdur. 2010-cu ildə isə gecə işlərindən ayrıldığını açıqlamışdır.[12] 2011-ci ildə "SDN48" qız musiqi qrupuna qatılmış və əl sıxma tədbirləri kimi müxtəlif qrup fəaliyyətlərində iştirak etmişdir. Lakin əsas biznesinə diqqət ayırmaq istədiyi üçün 2 ay sonra qrupdan ayrılmışdır. Tokionun Şincuku bölgəsində hosteslər üçün öz salonunu açmışdır.[13]
2011-ci ilin iyulunda "Koakuma Ageha" jurnalı üçün işləməyi dayandırmış[14] və "Ane Ageha" jurnalının əsas modeli olmuşdur.[15]
Hayakava "Ageha" modeli Sumirenin ölümünün xatirəsinə qurulmuş H=and Project xeyriyyə təşkilatının aktiv üzvüdür.[16] Təşkilata maddi yardımlar edir.[17] Hayakava hazırda Tokioda yaşayır və subaydır.[18]
 |
 |
UREYIM.AZ |  |
 |
|