 |
 |
Ureyim.az |  |
 |
Vüqar Mənəf oğlu Yusubov (12 dekabr 1965 – 6 yanvar 2024) — Azərbaycan müğənnisi və bəstəkarı. O, 1980-ci illərdən etibarən həm Azərbaycanda, həm də Rusiyada musiqi fəaliyyəti ilə məşğul olmuş, “Təbriz” musiqi qrupunun rəhbəri kimi tanınmışdır.[1]
| Vüqar Yusubov | |
|---|---|
 | |
| Ümumi məlumatlar | |
| Doğum tarixi | |
| Doğum yeri | İmişli, Azərbaycan SSR, SSRİ |
| Vəfat tarixi | (58 yaşında) |
| Vətəndaşlığı |
 SSRİ→ Azərbaycan |
| Atası | Mənəf Yusubov |
| Musiqiçi məlumatları | |
| Fəaliyyəti | Müğənni, bəstəkar |
| Fəaliyyət illəri | 1986–2024 |
| Janr | Estrada musiqisi |
Vüqar Yusubov 1965-ci ildə İmişli rayonunda anadan olmuşdur. Uşaqlıqdan musiqi ilə məşğul olmuş, 13 yaşında ilk dəfə yerli "Röya" ansamblının konsertində səhnəyə çıxmış və ifası dinləyici auditoriyası tərəfindən bəyənilmişdir. Orta məktəbi bitirdikdən sonra İmişli rayon mədəniyyət şöbəsinin nəzdində uşaq-gənclər ansamblının yaradılmasında iştirak etmiş, 1983-cü ildə İmişlidəki Dəmiryolu klubunda çıxış etmişdir.[2]
Vüqar Yusubov 1987-ci ildən etibarən kasetlər vasitəsilə mahnılarını yaymağa başlamış, bu vasitə ilə dinləyici kütləsi formalaşmış və müəyyən müddətdən sonra toylarda və konsert salonlarında çıxış etmişdir. Bu dövrdə Bakıda keçirilən konsertlərdə 20 gün ardıcıl çıxış etmişdir. Səhnə yoldaşları ilə fəaliyyətlərinin ilk illərində musiqilərini “Vesna” maqnitofonu ilə özləri lentə alırdılar. 1989-cu ildə Azərbaycan Televiziyasının "Dalğa" proqramında təqdim olunan və ifa etdiyi "Təbriz" mahnısı musiqi ictimaiyyətində tanınmışdır. Peşəkar studiya imkanlarının olmamasına baxmayaraq bu fəaliyyətləri diqqət cəlb etmiş, eyni ildə azərbaycanlı iş adamı Cənnət Əliyev onları dinlədikdən sonra əməkdaşlıq təklif etmişdir.[1][2]
Bir müddət İmişlinin qabaqcıl mədəniyyət işçisi, bəstəkar Şakir Əliyevin qurduğu "Şəms" ansamblında fəaliyyət göstərir. Ardınca Cənnət Əliyevin Rusiyada yaratdığı "Təbriz" musiqi qrupunda fəaliyyətə başlayır.[2]
1990-cı illərdə Vüqar Yusubov Azərbaycana qayıdaraq solo fəaliyyətini davam etdirmişdir. Bu dövrdə onun ifasında səslənən “Mən səni sevmədim ki”, “Yalanmış” və “Ayrılıqdan yana” adlı mahnılar müstəqil musiqi fəaliyyətinin əsas nümunələrindən biri kimi tanınmağa başlamışdır.
O, Sezən Aksunun da oxuduğu "Gülümsə" mahnısını ifa edib. Sonra isə Vüqarın ifasını çox bəyənən müğənni gülərək "bilsəydim, bu ifanı məndən sonra belə oxuyan olacaq, heç oxumazdım" ifadəsini işlədərək bunu dilə gətirmişdir.[3]
Vüqar Yusubov həmçinin bəstəkar kimi də fəaliyyət göstərmiş, bir çox mahnıların musiqisini özü yazmışdır. Sənətkar öz sənətinin də təbliğinə heç vaxt maraqlı olmadığını, hətta efirlərdə belə görünmək istəmədiyini bildirmiş, reportajların birində efirlərin müasir vəziyyətinin xoş olmadığını da dilə gətirmişdi. Həmin reportaj zamanı müğənni Könül Kərimova onu verilişə dəvət etsə də qəbul etmədiyini deyir, efirlərlə yox, öz kasetləri ilə tanınan musiqiçi olduğunu bildirib.[1]
Qonşusu və qohumu Əlisahib Musayev onun sənətə gəlişi ilə bağlı belə deyir : [2]
“Vüqar uşaq yaşlarından ədəbiyyatı və şeiri sevirdi. Hafizəsi güclü idi. Estradaya gəlişi musiqi alətlərinin müasirləşdiyi dövrə təsadüf etdi. Niyaməddin Musayevin təsiri təkcə Vüqara deyil, qardaşlarım Cabbar və Musaya da böyük olmuşdu. Vüqar xüsusi musiqi təhsili olmadan peşəkar səviyyəyə çatmışdı.”
Vüqar Yusubov 2024-cü ilin yanvarında vəfat edib.[4]
Müğənninin ifasında ən çox sevdiyi mahnılardan biri "Təbriz" olmuşdur. O, bu mahnının təsirində qalaraq ansamblına da Təbriz adını vermişdir. Təbrizə olan dərin sevgisinə görə oğluna da bu adı qoymuşdur. Müğənninin oğlu qeyd edir ki, atası bu misraları daim sehrində saxlayıb :[2]
 |
 |
UREYIM.AZ |  |
 |
|