 |
 |
Ureyim.az |  |
 |
Bu səhifə inzibatçıların vəzifəsindən sui-istifadə etdiyinə dair şikayətlərin dəyərləndirilməsi üçün istifadə olunur. İnzibatçıların inzibatçı səlahiyyətləri ilə əlaqəsi olmayan, istifadəçi xüsusiyyətləri ilə etdiyi dəyişikliklərdən və fəaliyyətlərindən yaranan problem və şikayətlər üçün şikayət səhifəsini istifadə edin.
Köhnə şikayətləri arxiv səhifəsində tapa bilərsiniz.
Salam,
İ:Wertuose-nin istifadəçi və inzibatçı kimi fəaliyyətlərindən narazıyam. Belə ki, o, həm özbaşınalıq edir, həm də bu səlahiyyətlərdən sui-istifadə etməklə məşğuldur.
| № | Fəaliyyət | Mövzu | Qeydlər |
|---|---|---|---|
| 1. | Anonim9996 adlı istifadəçinin müddətsiz bloklanması | Anonim9996 adlı istifadəçinin etdiyi bu redaktəyə görə "vandalizm" adı altında müddətsiz bloklanması | Bunun blok səbəbi olmaması bir yana, istifadəçiyə xəbərdarlıq etmə zəhmətinə belə girmir.
Sual: İllərin inzibatçısı necə belə bir səhv hərəkətə yol verə bilər? |
| 2. | Dazai0 adlı istifadəçi əvvəl Famil Mustafayev, sonra da Ali Attestasiya Komissiyası (Azərbaycan) məqalələri üzərində uyğunsuz fəaliyyətlərlə məşğul olur. Sonra birdən Wertuose gəlir və istifadəçini heç bir xəbərdarlıq vermədən bloklayır və məqaləni də mühafizəyə alır. | Həm məqaləni mühafizə etməsi, həm də istifadəçini bloklaması. Üstəlik, qaydalara zidd bir şəkildə: istifadəçiyə heç bir xəbərdarlıq etmədən.
Ətraflı buradan oxuya bilərsiniz. | |
| 3. | Dr.Wiki54 ilə məzmun mübahisəsi və redaktə müharibəsi aparır, ardından onu RM apardığını əsas gətirərək zidd şəkildə bloklayır. Bu blok da digər bloklar kimi etirazla qarşılanır və daha sonra digər bir inzibatçı tərəfindən ləğv edilir. Wertuose-nin məqalədən çıxarılmasını istədiyi məzmun bu idi. Qeyd edim ki, bu keys Suleymanzadeh adlı istifadəçinin məqalə üzərindən məzmunun silinməsini tələb etməsindən sonra başlayır. | Bu hadisə iki əvvəl baş verib. Amma bu müraciətin açılma tərəflərindən biri olduğu üçün vacib bildiyimə görə bu məsələni də qeyd edirəm. Aşağıdakı yazımda əsaslandırmışam.¹ | |
| 4. | Kapital Bank məqaləsi | Deməli, bir qrup bank əməkdaşı uyğunsuz məqsədlərlə dalbadal kütləvi hesablar açaraq (bax: Kapitalbank istifadəçisinin kuklaları) məqaləyə qeyri-ensiklopedik, reklam ehtiva edən və copy-paste məzmun əlavə etməyə çalışır. Mən bunları aşkarlayıb silirəm, hesabları bloklayıram və məqaləni də qaydalara uyğun olaraq mühafizə edirəm. | Daha sonra Wertuose gəlir və mən ona inzibatçı əməliyyatlarının yerində olduğunu və onun bu fəaliyyətlərinin² düzgün olmadığını bildirirəm və başlayır o da mənə qarşı yenə əsassız ittihamlara.
Əlaqəli müzakirəni buradan oxuya bilərsiniz. |
| 5. | Kapital Bank məqaləsi | Əsaslı səbəblərlə silinən məqalənin tarixçəsinin əsassız formada bərpa olunması. Səbəb kimi də yazıb: "Tarixçənin silinməsinə ehtiyac yoxdur.". Halbuki burada hər şey əsaslıca mən tərəfindən qeyd olunmuşdu. Həmçinin müzakirə əsnasında da diqqətinə çatdırılmışdı. O isə bütün bunları iqnor edib və zidd məzmunu bərpa edib. Məqalənin mühafizə səviyyəsini də əsassız şəkildə dəyişdirib. Elə ehtimal edirəm ki, əlaqəli şəxslərin məqalədə redaktə etməsinin önü açılsın və ya asanlaşsın deyə bu addım atılıb. | Söz sizdə... |
¹Deməli, iki il əvvəlki məsələni də qeyd etmə səbəbim buradakı 2, 3, 4 və 5-ci bəndlərin əlaqələrinin olmasıdır. Müzakirə əsnasında da şübhəmi və onun bu fəaliyyətlərinə əsasən formalaşdırdığı fikri dilə gətirsəm də, istifadəçi "qarşı atak" edir və məni nələrdəsə maraqlı olmaqda ittiham edir. Dr.Wiki54 məsələsində də istifadəçi qəfil aktivləşmişdi və orada da məni onun kuklası olmaqda ittiham etmişdi.
²Bu müraciətdə baş verənləri nəzərdə tuturam. Yuxarıda da yazmışam, istifadəçinin belə hallarda qəfil aktivləşib uyğunsuz fəaliyyətlər göstərməsi və bunu bildirənlərə qarşı da hücumlar etməsi yolverilməzdir. Qeyd edilən keçiddə də bu hal təkrarlanıb.
İstifadəçinin bu müzakirələri "son dəyişiklikləri izləyirəm və diqqətimi çəkən müzakirələrə qoşuluram" deməsi inandırıcı deyil. Əlbəttə, müzakirələrdə sərhəd yoxdur, amma konstruktiv şəkildə bu baş verməlidir. İstifadəçininki isə elə deyil. Ümid edirəm ki, bütün bunları hamı görür və başa düşür.
Hörmətlə, Qədir (müzakirə) 21:57, 24 iyul 2025 (UTC)
Wertuose, bəlkə yenə həmişəki kimi şəxsi hücumlar etmək yerinə bu dəfə təqdim etdiyim faktlara cavab verəsiniz? Məsələn, 5-cidən başlayaq. Nəyə görə tarixçəni bərpa etmisiniz? Səbəb kimi yazdığınız şeyə baxın: "Tarixçənin silinməsinə ehtiyac yoxdur.". Yəni bütün bunlar nə deməkdir? Sizdən xahiş edirəm ki, etik kodeksə riayət edin və nəzakətli olun. İnzibatçı olmağınız sizin kiminlə necə istəyir danışmağınıza icazə vermir. Əslində, bu özü elə blok səbəbidir. Əslində isə elə siz özünüzü toxunulmaz admin kimi aparırsınız, sanki kimlə necə istəyirsiz danışa bilərsiz, qaydaların əksinə istədiyinizi edə bilərsiniz və s. və bu elə də olmalıdır elə bil və belə də davam etməlidir və edəcək. İnzibatçıya yaraşmayan hərəkət və davranışlarla məşğulsunuz.
Daha əvvəl də demişəm, məndən nə narazılığınız varsa, müzakirə açın. Əsaslı faktları yığın və açın, amma qərəzlə yox. Mən mühakimə olunmaqdan çəkinmirəm. Düşünmürəm ki, edib də cavabını verə bilməyəcəyim nəsə məsələ olsun. İradlara tolerantam.
Əslində sizin bu etdiyiniz bir növ mövzunu yayındırmaq və qarşı tərəfi günahlandıraraq psixoloji manevra cəhdidir. Bu başlıq sizin üçün açılıb. Lazımdırsa, mənim üçün də siz bir başlıq açaraq müzakirəyə çıxara bilərsiniz. Sanki burada başqa şeylərdən danışmaq və bu mövzulardan yayınmaq sizin mövqeyinizi gücləndirəcək deyə düşünürsünüz. Yanlış düşünürsünüz.
Faktlara cavab verin zəhmət olmasa. Bura mövzudan əlaqəsiz və yayınma xarakterli şəxsi hücumların davamı şərhlər yazmayın. Əks halda, inzibatçılara bloklanmağınız üçün müraciət edəcəyəm.
Hörmətlə, Qədir (müzakirə) 13:47, 25 iyul 2025 (UTC)
 |
 |
UREYIM.AZ |  |
 |
|
