Vikipediya Sesverme Temiz Baslangic Qaydalarindaki Muddetin Legvi Barede - Wikipedia - Ureyim.az

Səsvermə 19 iyun – 4 iyul 2025-ci il tarixləri arasında keçirilir.

• Siyasətin cari statusu

• Təklif:

§ Bildiriş və icazələr bölməsindəki aşağıdakı hissənin siyasətdən çıxarılmasını təklif edirəm:

Onu da nəzərə alın ki, müraciətiniz qəbul edilmədiyi təqdirdə müraciət etdiyiniz tarixdən etibarən ən azı 3 ay (90 gün), qəbul edilib gözlədiyiniz nəticə çıxmadığı təqdirdə isə təkrar müraciət üçün minimum 6 ay (180 gün) gözləmək məcburiyyətindəsiniz. Konsensus ilə qəbul edilmiş daha uzunmüddətli sanksiyalara şamil istisnalar ola bilər. Blokdan sonra edəcəyiniz ilk müraciət üçün bu interval (3 ay) keçərlidir.

• Əsaslandırma:

Siyasətin qəbulu zamanı belə qəbul edilib. Həmin vaxt qaydanı tərtib edərkən bu hissəni özüm əlavə etmişdim. Lakin düşünmürəm ki, buna ehtiyac var. Nəticədə Vikipediya bürokratiya deyil. Uyğun hallarda bir istifadəçinin qadağa və bloklarla bağlı sorğularına baxmaq olar. Daha sonra da müəyyən müddət sonra baxılacağını bildirmək olar. Bu müddət istifadəçidən və vəziyyətdən asılı olaraq az da ola bilər, çox da ola bilər. Ona görə də bu punkta ehtiyac olmadağını düşünürəm. Yekdil qərarla bloklanan istifadəçilərə şamil istisnalar yazılıb, amma heç həmin bloklanma müzakirəsi vaxtı bunun söhbəti belə getmir. Həm də ki, məsələn, konkret müddət qoysaq, 1 və ya 2 il desək, vəziyyət daha tez dəyişə bilər və istifadəçi uyğun hallarda blokdan azad edilə bilər. Ona görə də bunlar uyğun deyil.

• Əlavə olaraq:

"Vikipediya bürokratiya deyil" prinsipinə əsasən müzakirə və səsverməni birbaşa burada başladıram. Oxunuşunun rahat olduğunu düşündüyüm üçün müzakirə müddətini VP:S-ə əsasən ilkin olaraq 1 həftə təyin edirəm. (Düzəliş: Passivlik nəzərə alınaraq müddət 15 günə uzadılmışdır.)

Hörmətlə, Qədir (müzakirə) 03:31, 19 iyun 2025 (UTC)[cavabla]

1.  Əleyhinə: Ola bilər müddət çoxdur. Amma müəyyən müraciət aralığının olması yaxşıdır.--Turkmen ^müzakirə 08:50, 21 iyun 2025 (UTC)[cavabla]

• Turkmen, müddət aralığı onsuz da var, yəni bloklanan istifadəçi səhərisi gün də etiraz edə bilər, təbii ki, qəbul olunmayacaq. Bunu etməsi indi də texniki olaraq mümkündür, müzakirə səhifəsi açıqdırsa. Özünüz də müddətlə bağlı qeyd etmisiniz. Konkret müddət tələb etmək yerinə vəziyyətə görə (istifadəçi məhdudiyyətlərə riayət edibmi, kukla istifadə edibmi, müraciətində növbəti fəaliyyətlərində ciddi dəyişikliklər edəcəyini nümayiş etdirməsi və bizi inandırması və s.) baxıb müraciəti dəyərləndirmək daha düzgün olar.
  Bu, müraciət üçün qayda ilə təyin olunmuş müddətdən əvvəl də ola bilər, sonra da. Məcbur bu müddəti gözləmiş olur. Mən bu əlavəni sui-istifadə hallarına görə etmişdim. en:Wikipedia:Standard offer kimi təlimatları tərcümə etməyi düşünürəm. Bloklama qaydalarında da belə bir şərt yoxdur; VP:BLOKAÇMA bölməsində qeyd olunub. Müraciətə öncəliklə əsasən bloku tətbiq etmiş və ya vəziyyətlə tanış digər inzibatçılar baxa bilər. İnzibatçıların istifadəçinin müraciətini yekunlaşdıranda bir də nə vaxt sonra müraciət edə biləcəyini və ona baxıla biləcəyini qeyd etmək əslində yaxşı praktika olar. Əsasən davamlı müraciət hallarında.
  Ola bilər ki, blok qərəzli şəkildə saxlanılsın və yenə uzadılsın. İstifadəçi gözləmədən təkrar müraciət edə bilib buna etiraz edə bilsin, üçüncü tərəf də müzakirəyə dəvət oluna bilsin. Bu halları da nəzərə almaq lazımdır. Bir də bu deyəsən sadəcə bloklama funksiyası tətbiq edilmişlər üçündür. Əlavə fikirlər maraqlıdır. Hörmətlə, Qədir (müzakirə) 21:54, 21 iyun 2025 (UTC)[cavabla]

Yekun nəticə:

• Səs verənlər —
  • Etibarsız səs sayı —
  • Etibarlı səs sayı —
    • Lehinə —
    • Əleyhinə —
    • Bitərəf —

Yekunlaşdırma: