Vikipediya Viki Abideleri Sevir 2015 - Wikipedia - Ureyim.az

Ana Səhifə - Vikipediya Viki Abideleri Sevir 2015

Viki Abidələri Sevir

Dünyanın ən böyük fotomüsabiqəsi

Viki Abidələri Sevir hər ilin sentyabr ayında keçirilən beynəlxalq fotoşəkil müsabiqəsidir. Müsabiqə insanları öz ölkəsində yerləşən abidələrin şəkillərini çəkib Wikimedia Commons layihəsinə yükləməyə həvəsləndirir. Müsabiqə, Vikipediyanı illüstrativ materiallarla təmin etmək və Azərbaycanda memarlıq irsinin mühafizəsi məsələsinə diqqət çəkmək məqsədi daşıyır.

Bu il keçirilən müsabiqə barədə daha ətraflı məlumat almaq üçün "Wikimedia Commons"da yerləşən Wiki Loves Monuments 2015 səhifəsinə baxmaq olar.

Əgər siz yüklədiyiniz fotoşəkillərin müsabiqədə iştirakını istəyirsinizsə, o zaman wikilovesmonuments.org saytına və ya birbaşa Kommonsdakı yükləmə səhifəsinə keçə bilərsiniz. Həmin keçid vasitəsilə açılan səhifədə ölkəni seçib "Upload Wizard" proqram təminatından istifadə edərək fotoşəklinizi yükləyirsiniz. Bu zaman şəklin səhifəsinə avtomatik olaraq {{Wiki Loves Monuments 2015|az}} şablonu yerləşdirilir və o müsabiqədə iştirak edir.

Azərbaycanda yerləşən və müsabiqədə iştirak edə bilən abidələrin siyahısı:
- Vikipediya:Viki Abidələri Sevir/Abidələrin siyahısı (xəritə)

"Wikimedia Commons"da Azərbaycanın səhifəsi:
- Commons:Wiki Loves Monuments 2015 in Azerbaijan

Qaliblər

redaktə

“Atəşgah” məbəd kompleksi. Fotoqraf: Faik Nagiyev
Qalaça (Şamilqala). Fotoqraf: Murad Ahmadzada
Sumuq qala. Fotoqraf: Hazo hazo
İçəri şəhərdə Qüllə küçəsi 19-da yerləşən yaşayış binasının üzərində pişik balaları heykəlləri. Fotoqraf: Interfase
Ağoğlan monastırı. Fotoqraf: Vahag851
Ulu körpü. Fotoqraf: Murad Ahmadzada
Gülüstan qalası (Şamaxı). Fotoqraf: Faik Nagiyev
Şəkixanovların evində mələklər rəsmi. Fotoqraf: Interfase
Bərdədə Tərtər çayı üzərində qədim körpü. Fotoqraf: Elmeddin82
İçəri şəhərdə Ağa Zeynal hamamı. Fotoqraf: Samral

Müsabiqənin şərtləri

redaktə

Fotoşəkillərə tələblər. Müsabiqədə iştirak etmək üçün fotoşəkil aşağıdakı tələblərə cavab verməlidir:
- Şəxsən sizin özünüz tərəfindən çəkilməlidir;
- Vikimedia Commonsa 1 sentyabr, Bakı vaxtı ilə saat 00:00-dan tez və 30 sentyabr, saat 23:59-dan gec olmamaq şərtilə yüklənməlidir. Fotoşəkil özü müsabiqədən qabaq da çəkilə bilər;
- CC-BY-SA 3.0 lisenziyası və ya digər azad lisenziya altında yüklənməlidir;

- Həqiqəti əks etdirməlidir. Şəklin etibarlılığına təsir göstərməyən qrafik redaktorlarda onun üzərində işlənməyə icazə verilir (məsələn, kəsmə və ya rəng korreksiyası), lakin retuş etmək və ya əhəmiyyətli elementləri əlavə etmək olmaz (nümunə üçün, sağdakı şəkildə ətraf fon götürülmüş, kənar elementlər əlavə olunmuşdur, bu cür şəkil müsabiqədə iştirak edə bilməz).

Fotoşəkildə əks olunan abidə:
- Müsabiqə siyahısında olmalıdır.
- Fotoşəklini çəkmək üçün azad olmalıdır (memarı ən azı 70 il əvvəl vəfat edib və ya memar bilinmir və abidə ən azı 70 il əvvəl ucaldılıb).

Siz bir və ya bir neçə fotoşəkil yükləyə bilərsiniz. Hər bir şəkil müsabiqədə ayrı-ayrılıqda iştirak edəcək.

Necə iştirak etmək olar?

redaktə

1-ci addım Olduğunuz yerdə abidəni tapın. Yoxlayın: abidə bu siyahıda varmı? Abidənin ID nömrəsini (inventar nömrəsini) qeyd edin!	2-ci addım Abidənin fotoşəklini çəkin. Bacardığınız qədər abidənin istənilən sayda fotoşəklini çəkin.
3-cü addım Çəkdiyiniz fotoşəkli təsnifləşdirin: şəklini çəkdiyim abidəyə hansı ID məxsusdur?	4-cü addım Sentyabrın 1-dən 30-dək çəkdiyiniz fotoşəkilləri Vikimedia Commons-a yükləyin.

Mənbə — "https://az.wikipedia.org/wiki/?q=Vikipediya:Viki_Abidələri_Sevir_2015&oldid=5962958"