Yohannes Pic - Wikipedia - Ureyim.az

Yohannes Piç 29 aprel 2001-ci ildə Vyanada avstriyalı İT mütəxəssisi olan atası və filippinli aşpaz olan anası yanında anadan olub. O, uşaqlığının böyük hissəsini Birləşmiş Ərəb Əmirliklərinin Dubay şəhərində keçirmişdir. Orada ailəsi ilə birlikdə keçirilən karaoke gecələrində pop musiqisi ilə tanış olmuş, atası vasitəsilə isə operaya maraq göstərmişdir. Hər iki janr onun indiki pop-opera tərzinə təsir göstərmişdir.^[2] 2016-cı ildə ailəsi Vyanaya geri köçmüşdür.^[3]

2020-ci ildə Yohannes Piç, vaxtında müraciət edə bilmədiyi üçün The Voice of Germany yarışmasından kənarda qalaraq, The Voice UK proqramının doqquzuncu mövsümündə iştirak etmişdir.^[2][4] O, məşqçisi will.i.amın köməyi ilə "Knockout" mərhələsinə yüksəlmişdir.^[4] Növbəti il isə Starmania proqramının beşinci mövsümündə iştirak etmiş və birinci final şousuna qədər irəliləmişdir.^[5] O, Vyana Musiqi və İncəsənət Universitetində təhsil alır və bundan əvvəl Vyana Dövlət Operasının opera məktəbində təhsil görmüşdür.^[6]

2025-ci il 30 yanvarda, Yohannes Piç tərəfindən səhnə adı JJ olaraq ifa edilən "Wasted Love" mahnısı ORF tərəfindən Eurovision Mahnı Müsabiqəsi 2025 üçün elan edilmişdir. Bu məlumat, "Ö3" radiosunun “Ö3-Wecker” proqramında yayımlanmışdır. "Wasted Love" mahnısının müəllifləri JJ, 2023-cü ilin təmsilçisi Teodora Şpiriç və musiqi prodüseri Tomas Turner olmuşdur. Mahnı 6 mart 2025-ci ildə yayımlanmışdır.^[7] O, 17 may 2025-ci ildə keçirilən böyük finalda ümumilikdə 436 xal toplayaraq qalib gəlmişdir. Jüri səsverməsində 258 xal almış, televiziya səsverməsində isə 178 xal əldə etmişdir.^[8] JJ, cənub-şərqi Asiyalı köklərə malik ilk Eurovision qalibi olmuşdur.^[9] Lakin onun qalibiyyəti Ukrayna tərəfindən tənqid olunmuşdur, çünki o, "Wasted Love" mahnısı üzərində işləyərkən Rusiya Krımı ilhaqını dəstəkləyən rusiyalı opera müğənnisi Anna Netrebkonun onun sənətkar ilhamı olduğunu etiraf etmişdir.^[10][11]

Yohannes Piç musiqi tərzi opera və pop janrlarının elementlərini birləşdirir. O, yüksək sopran səviyyəsinə qədər çatan diapazonu ilə "soprano" tipli countertenordur və hər iki janrı güclü və ifadəli vokal və interpretasiya yanaşması ilə araşdırır.^[12][13]

Yohannes Piç alman, ingilis, fransız və tagalog dillərində danışır.^[6] Yohannes Piç özünü “queer” (Ənənəvi olmayan cinsi kimliyə və ya seksual oriyentasiyaya sahib şəxs) olaraq tanıdır^[14] və Avstriyada "queer" icmasına səs olmaq istəyir. Eurovision 2025 qalibiyyətindən sonra keçirilən mətbuat konfransında o, bir oğlan yoldaşı olduğunu bildirmişdir.^[15]

Müsabiqədən sonra Yohannes Piç El País ilə müsahibəsində [[Eurovision Mahnı Müsabiqəsində İsrail|İsrailin Eurovision müsabiqəsində iştirakı]]na görə "məyusluğunu" ifadə etmiş və demişdir: "Gələn il Eurovisionun Vyanada keçirilməsini və İsrail olmadan keçməsini arzu edərdim. Lakin top EBU meydanındadır. Biz, sənətçilər, bu məsələdə yalnız səslərimizi ucalda bilərik."^[16][17][18]