 |
 |
Ureyim.az |  |
 |
Zaur Mübariz oğlu Ələsgərli (5 mart 1995, Sumqayıt – 31 oktyabr 2020, Xocavənd rayonu) — Azərbaycan Müdafiə Nazirliyinin Hərbi Dəniz Qüvvələrinin miçmanı; 2020-ci ildə Qarabağ müharibəsi zamanı Xocavənd rayonu ərazisində, Qızılqaya zirvəsi (432.9 m.) uğrunda gedən döyüşlərdə şəhid olub, ölümündən sonra "Qarabağ" ordeni ilə təltif edilib.[1]
| Zaur Ələsgərli | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | Sumqayıt, Azərbaycan SSR |
| Vəfat tarixi | (25 yaşında) |
| Vəfat yeri | Xocavənd rayonu, Azərbaycan |
| Dəfn yeri | Sumqayıt Şəhidlər Xiyabanı |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Hərbi Dəniz Qüvvələri |
| Xidmət illəri | 2013—2014 / 2016—2020 |
| Rütbəsi |
 Miçman |
| Döyüşlər | |
| Təltifləri |
     |
Zaur Mübariz oğlu Ələsgərli 1995-ci il, martın 5-də Sumqayıt şəhərində anadan olub.[2][1]
2012-ci ildə Sumqayıt şəhər 18 nömrəli tam orta məktəbdən məzun olub.[1]
2013-cü ildə Sumqayıt Şəhər Hərbi Komissarlığı tərəfindən müddətli həqiqi hərbi xidmətə çağırılıb və 2013–2014-cü illərdə N saylı hərbi hissədə xidmət edib.[1]
Ehtiyata buraxıldıqdan sonra, 18 iyun 2016-cı ildən Azərbaycan Ordusunda müddətdən artıq həqiqi hərbi xidmət hərbi qulluqçusu olaraq mühafizə taqımının manqa komandiri vəzifəsində xidmət edib.
2018-ci ildə Silahlı Qüvvələrin Təlim və Tədris Mərkəzinin "Gizir hazırlığı kursu"nu bitirib.[1]
Silahlı Qüvvələrin Baş Qərargah rəisi, general-polkovnik Nəcməddin Sadıqovun müvafiq əmrinə əsasən "gizir" hərbi rütbəsi verilib.[1]
Azərbaycan Silahlı Qüvvələrində xidmət etdiyi 4 il ərzində mühafizə taqımının manqa komandiri, xüsusi təyinatlı dəstənin xüsusi təyinatlı qrupunun dalğıcı-kəşfiyyatçısı vəzifələrində xidmət edib.[1]
Müxtəlif illərdə müdafiə nazirinin əmri ilə "Azərbaycan Ordusunun 100 illiyi (1918–2018)" yubiley medalı ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Cəbrayılın, Hadrutun, Füzulinin və Qubadlının azad edilməsi uğrunda gedən döyüş əməliyyatlarına qatılıb. Oktyabrın 31-də Xocavənd rayonu ərazisində, Qızılqaya zirvəsi (432.9 m.) istiqamətində döyüş tapşırığının icrası zamanı şəhid olub.[1] Sumqayıt Şəhidlər Xiyabanında dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Cəbrayılın azad olunmasına görə", "Xocavəndin azad olunmasına görə", "Füzulinin azad olunmasına görə", "Qubadlının azad olunmasına görə", "Cəsur döyüşçü" və "Vətən uğrunda" medalları ilə təltif edilib.[4][5][6][7][8][9]
Evli idi. Ayxan və Ayaz adında 2 oğlu var.
 |
 |
UREYIM.AZ |  |
 |
|