 |
 |
Ureyim.az |  |
 |
Dəniz Günü (海の日, Umi no hi?) – Yaponiyada hər il iyul ayının üçüncü bazar ertəsi günündə qeyd olunan milli bayram.
1876-cı ildə İmperator Meyci "Meiji Maru" gəmisi ilə Aomoridən Yokohamaya səfər etmiş və bu hadisə bir yapon imperatorunun döyüş gəmisi olmayan bir gəmi ilə ilk səyahəti olmuşdur.[1][2] Onun Yokohama limanına qayıtdığı 20 iyul tarixi 1941-ci ildə Dəniz Xatirə Günü kimi qeyd olunmağa başlamışdır. 1991-ci ildə dənizlə bağlı bir sıra təşkilatlar Dəniz Gününün milli bayram kimi qeyd olunması üçün hərəkat başlatmışdır. 1995-ci ildə Dəniz Günü milli bayram kimi olunmuş və 1996-cı ildə ilk dəfə rəsmi şəkildə qeyd olunmuşdur. Dəniz Günü Yaponiyada yayda qeyd olunan ilk bayram olmuşdur.[3]
2003-cü ilə qədər 20 iyul tarixi Dəniz Günü kimi qəbul olunsa da, həftəsonlarını uzatmaq üçün tətbiq olunmuş "Xoşbəxt bazar ertəsi" sistemindən sonra hər iyul ayının üçüncü bazar ertəsi gününün Dəniz Günü kimi qeyd olunmasına qərar verilmişdir.[3]
2020 Yay Olimpiya Oyunları səbəbilə Dəniz Gününün tarixi dəyişdirilmiş, bazar ertəsində yox, çərşənbə axşamında (22 iyul) qeyd olunmuşdur.[3]
Dəniz Gününün məqsədi dənizin verdiyi nemətlərə görə təşəkkür etmək və ada ölkəsi olan Yaponiyanın inkişafını arzulamaqdır. Dəniz günü şənbə və bazar günləri ilə birləşərək üç günlük tətil yaratdığı üçün insanlar bu fürsətdən istifadə edib səyahət edirlər. Ölkədə dəniz və okean mövzusunda tədbirlər keçirilir.[2]
Dənizə çıxışı olmayan Nara prefekturası iyul ayının üçüncü bazar ertəsi gününü Dağlar və Çaylar Günü kimi qeyd edir.[4]
 |
 |
UREYIM.AZ |  |
 |
|