 |
 |
Ureyim.az |  |
 |
Ramiz İsmi-Qaya (Məmmədov) (1947-ci ildə, Qazax rayonunda anadan olub[1]) — Azərbaycan rəssamı və heykəltəraşı, onlarla fundamental abidələrin, heykəl və barelyeflərin müəllifi.
Ramiz Məmmədov (İsmi-Qaya) 1947-ci ildə Qazaxda anadan olub. Kiçik yaşlarından rəssamlığa maraq göstərib, 9-cu sinifdə oxuyanda, paralel olaraq pioner evində incəsənət, rəssamlıq üzrə dərnək rəhbəri işləyib.
Heykəltəraşlığın klassiklərindən olan Cəlal Qaryağdıoğlu Qazaxa gələrkən onun istedadına heyran olub və Ramiz Məmmədovu özü ilə Bakıya aparıb. Bakıda Tokay Məmmədov, Fuad Əbdürəhmanov, Pinxos Sabsay və digər böyük sənətkarlarla birgə həm işləyib, həm də öyrənib.
Təhsilini davam etdirmək üçün V.S.Serov adına Leninqrad rəssamlıq məktəbinə (hazırda N.K.Rerix adına Sankt-Peterburq rəssamlıq məktəbi) qəbul olub. Təhsilini bitirdikdən sonra Rusiyada qalıb işləmək təkidlərinə rəğmən, "mən öz qabliyyətimi, bacarığımı öz balalarımıza öyrətmək istəyirəm"- deyərək vətənə dönüb.[2]
67 yaşlı Ramiz İsmi-Qaya illərdir bölgədə maraqlı əl işləri ilə diqqət çəkir. İlk işi dahi şair Səməd Vurğunun barelyefini hazırlamaq olub. Daha sonra Qazaxın "Mütəfəkkirlər parkı"nda məşhur şairlərin, aşıqların büstünün, rayonun girişində yerləşən Dədə Qorqud kompleksinin müəllifi olub.
67 yaşlı rayon sakini mənfur düşmənin xalqımıza qarşı törədiyi vəhşiliyi də öz əsərlərində canlandırıb. Metaldan hazırlanan "Haray" bir çox sərgilərdə xarici ölkə vətəndaşlarının marağına səbəb olub.
Heykəltəraş hazırda 5 kompozisiyadan ibarət olacaq "Xəmsə" üzərində çalışır. Gələcəkdə daha böyük komplekslər, heykəllər hazırlamaq iddiasında olan usta bölgədə bu sahəni inkişaf etdirmək üçün dərnək yaratmaq fikirindədir.
Onun Azərbaycana dönüşü heç də nəticəsiz olmayıb. Gördüyü işlərlə Qazax ən çox heykəllər olan rayona çevirib. Bundan başqa bütün qərb bölgəsində, Sumqayıtda, Bakıda böyük abidələr ucaldıb, kompozisiyalar yaradıb.
Ramiz İsmi-Qaya müxtəlif suvenirlər də hazırlayır. Burada əsas diqqət yetirdiyi məqam isə onların milli ruhu əks etdirə bilməsidir.
Sənətkarın hazırkı durumu işsizlik və imkansızlıq ucbatından heç də ürəkaçan deyil. Uzun illərdir çalışdığı emalatxanada belə, özünü qonaq kimi hiss edir. Böyük əsərlərin alıcı problemi olduğu üçün, hazırda dastanlarımızı, tariximizi özündə canlandıran suvenirlər hazırlamaqla məşğul olur.
Xarici keçidlər Əsərləri ilə tarixi yaşadan 67 yaşlı heykəltəraş - Trend.az Emalatxanasında özünü qonaq kimi hiss edən Qazaxlı heykəltəraş - Yeni Ava
 |
 |
UREYIM.AZ |  |
 |
|