 |
 |
Ureyim.az |  |
 |
Bu səhifədə iş davam etməkdədir. |
Natiq Fazilov — Azərbaycanı təmsil edən Kamandan oxatma üzrə məşqçi.
| Natiq Fazilov | |
|---|---|
| Şəxsi məlumatlar | |
| Tam adı | Natiq Fazilov |
| Vətəndaşlığı |
 Azərbaycan |
| Doğum tarixi | |
| İxtisası | Məşqçi |
| İdman növü | Kamandan oxatma |
Natiq Fazilovun rəhbərliyi altında Azərbaycan kamandan oxatma milli komandası[1] müxtəlif illərdə mühüm beynəlxalq yarışlarda iştirak etmişdir.
Komanda onun məşqçiliyi ilə 2015-ci ilin iyununda Birinci Avropa Oyunlarında Azərbaycanı təmsil etmişdir.[2][3]
Hazırda kamandan oxatma üzrə Azərbaycan milli komandasının baş məşqçisidir. O, eyni zamanda əməkdar məşqçi və respublika dərəcəli hakimdir.[4]
Natiq Fazilovun baş məşqçi olduğu dövrdə Azərbaycan oxatanları 2016, 2018, 2021, 2022, 2023 və 2024-cü illərdə Avropa Çempionatlarında, həmçinin 2019-cu ildə Dünya Çempionatında və müxtəlif illərdə Dünya Kuboku mərhələlərində mübarizə aparmışlar.[5]
Onun rəhbərliyi altında komanda üzvləri, o cümlədən Yaylagül Ramazanova, Fatimə Hüseynli və Məhəmmədəli Əliyev kimi idmançılar fərdi və komanda nailiyyətləri əldə etmiş, Azərbaycan rekordlarını yeniləmiş və beynəlxalq turnirlərdə medallar qazanmışlar. Natiq Fazilov həmçinin 2023-cü ildə Azərbaycan komandasının meneceri kimi də fəaliyyət göstərmişdir. Natiq Fazilovun rəhbərliyi altında fəaliyyət göstərən Azərbaycan milli komandasının üzvü Yaylagül Ramazanova 2024-cü ilin iyununda Antalya şəhərində keçirilən Dünya Olimpiya Təsnifat Turnirinin nəticələrinə əsasən olimpiya lisenziyasına sahib oldu.[6][7] Bu, Natiq Fazilovun baş məşqçi kimi fəaliyyət göstərdiyi dövrdə Azərbaycanda oxatma tarixi üçün bir nailiyyət idi, belə ki, Ramazanova bu idman növü üzrə Olimpiya Oyunlarında übarizə ilk 36-lıqda ilkazərbaycanlı idmançı oldu. Bu uğur, Natiq Fazilovun məşqçilik fəaliyyətinin mühüm bir mərhələsi kimi dəyərləndirilə bilər.
Natiq Fazilovun baş məşqçiliyi altında Azərbaycanı Paris Olimpiadasında təmsil edən Yaylagül Ramazanova iyulun 25-də təsnifat mərhələsində mübarizəyə başladı. Həmin mərhələdə Fazilovun yetirməsi olan Ramazanova 647 xal toplayaraq 64 idmançı sırasında 39-cu pillədə qərarlaşdı.[8] Bu nəticə ilə onun 1/32 final mərhələsindəki rəqibi Çin nümayəndəsi An Qixuan oldu.[9][10][11] İyulun 30-da baş tutan gərgin görüşdə Natiq Fazilovun rəhbərlik etdiyi komandanın üzvü Ramazanova rəqibi üzərində 6:5 hesabı ilə qələbə qazanaraq olimpiadanın 1/16 final mərhələsinə yüksəldi.[12] Bu, Azərbaycan oxçuluğu və Natiq Fazilovun məşqçilik karyerası üçün tarixi bir an idi, çünki Yaylagül Ramazanova bu idman növü üzrə olimpiadalarda mərhələ adlamağı bacaran ilk Azərbaycan idmançısı oldu. Növbəti mərhələdə isə onun rəqibi Almaniya nümayəndəsi Mişelle Kroppen oldu.[13][14] Rəqib 2020-ci il olimpiadasının bürünc medalçısı, Dünya və Avropa Çempionatının qalibi olan 28 yaşlı təcrübəli idmançı idi. Bu görüşdə Yaylagül Ramazanova rəqibinə 2:6 hesabı ilə məğlub olaraq Paris Olimpiadasında mübarizəsini 17-ci pillədə başa vurdu.[15] Bu nəticə Natiq Fazilovun yetirməsinin Olimpiya debütündə qazandığı əhəmiyyətli bir təcrübə kimi qiymətləndirilə bilər. Ramazanovanın "Gündə 2 dəfə məşq edirdim. Təəssüf medalsız qayıdacağam. Buna baxmayaq, mənim üçün yaxşı təcrübə oldu" sözləri, həm idmançının, həm də onun məşqçisi Natiq Fazilovun gələcək hədəflər üçün bu təcrübədən yararlanacağını göstərir.
Qeyd edək ki, Natiq Fazilovun yetirməsi, Paris-2024 Yay Olimpiya Oyunlarındakı çıxışı ilə yadda qalan və kamandan oxatma üzrə Azərbaycan çempionu olan Yaylagül Ramazanova, bu mühüm idman hadisəsindən bir müddət sonra, Azərbaycan Respublikası Gənclər və İdman Nazirliyinin məlumatına əsasən, 2024-cü il oktyabrın 1-də ana olmuşdur.[16]
Natiq Fazilovun məşqçilik fəaliyyətinin uğurlarını bir daha təsdiqləyən nəticələrdən biri də onun yetirməsi Yaylagül Ramazanovanın 5-7 fevral 2025-ci il tarixlərində Bakıda keçirilən kamandan oxatma üzrə Azərbaycan çempionatında qızıl medal qazanaraq növbəti dəfə Azərbaycan çempionu titulunun sahibi olmasıdır. Bu, Natiq Fazilovun rəhbərliyi altında yetişən idmançıların milli səviyyədə də yüksək nəticələr göstərməyə davam etdiyini nümayiş etdirir.[17]
 |
 |
UREYIM.AZ |  |
 |
|