 |
 |
Ureyim.az |  |
 |
Yəhya Rəhim Səfəvi (fars. يحيى رحيم صفوي azərb. Yəhya Rəhim Səfəvi (2 yanvar 1958) — İran hərbi lideri,[1][2] general-leytenant.
| Yəhya Rəhim Səfəvi | |
|---|---|
| fars. يحيى رحيم صفوى | |
 | |
| Şəxsi məlumatlar | |
| Doğum tarixi | 2 yanvar 1958 (67 yaş) |
| Vətəndaşlığı | |
| Təhsili | |
| Hərbi fəaliyyəti | |
| Mənsubiyyəti | İran |
| Qoşun növü | İslam İnqilabı Keşikçiləri Korpusu |
| Rütbəsi | general-mayor |
| Komandanlıq edib | |
| Döyüşlər | |
| Təltifləri |
 |
 Vikianbarda əlaqəli mediafayllar | |
İsfahan şəhərində[1][2] azərbaycanlı ailəsində anadan olmuşdur.[3]
1981-1988-ci illər ərzində İran–İraq müharibəsinin fəal iştirakçısı olmuşdur.
1997-ci ildən 2007-ci ilin sentyabr ayına qədər İslam İnqilabı Keşikçiləri Korpusunun (SEPAH) baş komandanı olmuşdur. Hal-hazırda isə o, Ali Baş Komandanının baş hərbi müşaviri təyin olunmuşdur.[4]
Keçmiş SEPAH komandiri olan Rəhim Səfəvi Ali Rəhbərin ən yaxın sirdaşlarından biri hesab olunur və birbaşa Əli Xameneiyə tabedir. Təhlükəsizlik Şurasının 2006-cı ildə qəbul edilmiş 1737 saylı qətnaməsinə əsasən, general Yəhya Rəhim Səfəvi “həm nüvə, həm də ballistik raket proqramlarında iştirak edən şəxs” kimi sanksiyalara məruz qalmışdır.[5]
2007-ci il sentyabr ayının 1-də İranın Ali Lideri Ayətullah Əli Xamenei 10 il bu vəzifəni tutmuş olan Yəhya Rəhim Səfəvini İslam İnqilabı Keşikçiləri Korpusunun rəhbəri vəzifəsindən azad etmişdir. Qərar üçün heç bir səbəb göstərilməmiş olsa da, lakin bəziləri bu istefanın səbəbi kimi Səfəvinin İran Silahlı Qüvvələrinin daha güclü düşmənlərə qarşı müharibəyə hazır olmaması haqqında dolayı yolla mollalara xəbərdarlıq etdiyi çıxışına görə olduğunu fərz edirlər. Təyin olunduğu yeni vəzifə, ekspertlərin fikrinə görə, generalı fəal ictimai həyatdan təcrid etməklə yanaşı, onun hərbi karyerasına son qoyur və eyni zamanda da onu yüksək siyasi oyunlarda iştirak etməkdən uzaqlaşdırır.[6]
2010-cu ildə o, ABŞ və İsrailin İrana hərbi hücum ehtimalının mümkün olmaması, hətta belə bir hücum olarsa belə İİKK və İran ordusunun düşmənlərin mümkün hücumlarını dəf etməyə hazır olması barədə bəyanat vermişdir. O, çıxışı zamanı vurğulamışdır ki, "hər iki rejim İrana hücum etmək iqtidarındadır, lakin bu məsələnin siyasi həlli yoxdur. Amerika və İsrail rejimləri İrana hücum etdikləri halda İran İslam Respublikası da öz növbəsində onlar üçün böyük problemlər yaradacaqdır."[7]
2022-ci il noyabr ayının 10-da Rusiyanın Ukraynaya müdaxiləsi ilə əlaqədar olaraq onun adı Kanadanın sanksiyalar siyahısına əlavə edilmişdir.[8]
 |
 |
UREYIM.AZ |  |
 |
|
