Ulker Piriyeva - Wikipedia - Ureyim.az

Ülkər Piriyeva 24 avqust, 1988-ci il Masallı rayonunun Şərəfə kəndində anadan olmuşdur. İbtidai təhsilini Şərəfə kənd Qəhrəman İsmayılov adına tam orta məktəbdə almışdır. Orta təhsilini Masallı Şəhər “Dəfinə” məktəb liseyində başa vurmuşdur^[2]. I Ali təhsilini Azərbaycan Universitetində ingilis dilinin filologiyası fakültəsində almışdır. Bakı Slavyan Universitetinin Yaradıcılıq fakültəsini bitirmişdir. Eyni zamanda, Türkiyə Cumhuriyyətində Ankara şəhərində Hacettepe Universitetinin İqtisadi İdarəetmə fakültəsinin Siyasət bölümü və Dövlət İdarəçiliyini bitirmişdir.

Tələbəlik illərindən təhsil aldığı universitetlərin ictimai-siyasi həyatında fəal iştirak etmişdir. Bir sıra xarici ölkələrdə Azərbaycan Gənclər siyasətinin fəal təbliğatçısı olmuşdur. Türkiyə-Ukrayna, Türkiyə-Qazaxıstan, Türkiyə-Azərbaycan, Türkiyə-Özbəkistan, Türkiyə-Türkmənistan və digər ölkələrlə bağlı keçirilən bir sıra beynəlxalq kofransların, konqreslərin, simpoziumların və tədbirlərin iştirakçısı və təşkilatçısı olmuşdur^[3].

İxtisasca, Politoloq, Beynəlxalq dərəcəli Jurnalist, baş ofisi Türkiyə Cümhuriyyətində yerləşən “Beynəlxalq İş Adamları və İş Qadınları Konfedarsiyası”nın Azərbaycan və Türk Cümhuriyyətləri üzrə Sədridir^[4].

Azərbaycanın ilk dəfə Türkiyə Cümhuriyyətində Azərbaycan dilində və eyni zamanda, 4 dildə (azərbaycan, türk, rus və ingilis fəaliyyət göstərən “Avrasya Bulteni” xəbər portalını qurmuşdur, portalın təsisçisi və baş redaktorudur. Azərbaycan Yazıçılar və Jurnalistlər Birliklərinin üzvüdür. İki kitab və iki albom müəllifidir^[5].

Beynəlxalq tədbirlərdə iştirakına və Azərbaycan dövlətini beynəlxalq tədbirlərdə layiqincə təmsil etdiyi üçün bir sıra fəxri fərmanlar və diplomlar ilə təltif edilmişdir^[5].

• İlhamlı Azərbaycan Ali Media Mükafatı Medalına layiq görülmüşdür^[5].