. Ureyim.az

Ibadulla Agayev - Wikipedia - Ureyim.az

Ana Səhifə - Ibadulla Agayev

İbadulla Əliağa oğlu Ağayev (17 yanvar 1950, Muğan Gəncəli, Sabirabad rayonu) — Azərbaycan alimi, tibb elmləri doktoru (1991), professor (1992). Səhiyyə Nazirliyinin Baş epidemioloqu (1992–2020), Azərbaycan Respublikasının əməkdar müəllimi (2000), Azərbaycan Respublikasının əməkdar elm xadimi (2007). Rusiya Təbiət Elmləri Akademiyasının (1999), Beynəlxalq Ekoenerji Akademiyasının (2001) və Azərbaycan Epidemioloqları, Mikrobioloqları və Parazitoloqları Cəmiyyətinin sədridir.[2]

İbadulla Ağayev
Doğum tarixi 17 yanvar 1950(1950-01-17) (75 yaş)
Doğum yeri
  • Muğan Gəncəli, Sabirabad rayonu, Azərbaycan SSR, SSRİ
Elm sahələri epidemiologiya, leptospiroz[1], salmonellyozlar, helmintozlar, qeyri-infeksion xəstəliklər[d]
Elmi dərəcəsi
  • tibb elmləri doktoru
Elmi adı
  • professor
Üzvlüyü
  • Rusiya Təbiət Elmləri Akademiyası[d] (1999–),
  • Beynəlxalq Ekoenerji Akademiyası[d] (2001–),
  • Yeni Azərbaycan Partiyası,
  • Dədə Ələsgər Ədəbi Məclisi[d]
Mükafatları Azərbaycan Respublikasının əməkdar elm xadimi — 2007 Azərbaycan Respublikasının əməkdar müəllimi — 2000

Mündəricat

  • 1 Həyatı
  • 2 Təltifləri
  • 3 İstinadlar
  • 4 Xarici keçidlər

Həyatı

redaktə

İbadulla Ağayev 1950-ci il yanvar ayının 17-də Sabirabad rayonunun Muğan Gəncəli kəndində anadan olmuşdur. 1966-cı ildə Muğangəncəli kənd orta məktəbini bitirib. 1967-ci ildə N.Nərimanov adına Azərbaycan Dövlət Tibb İnstitutunun müalicə-profilaktika fakültəsinə daxil olub və 1973-cü ildə oranı bitirib.[3] 1973–1974-cü illərdə E. Əfəndiyev adına 2 saylı Bakı şəhər klinik xəstəxanasında cərrahiyə ixtisası üzrə internatura keçmişdir.

1974-cü ildən 1976-cı ilin mart ayına qədər Bakı şəhər mərkəzi təcili tibbi yardım stansiyasında həkim işləmişdir. 1976-cı ilin mart ayında N. Nərimanov adına Azərbaycan Dövlət Tibb İnstitutunun epidemiologiya kafedrasına müsabiqə yolu ilə assistent vəzifəsinə seçilmişdir.

1979-cu ildə namizədlik dissertasiyası müdafiə etmiş və 1982-ci ildə kafedraya dosent vəzifəsinə seçilmişdir. 1991-ci ildə doktorluq dissertasiyası müdafiə edərək tibb elmləri doktoru alimlik dərəcəsi almışdır. 1992-ci ildə epidemiologiya kafedrasına müdir vəzifəsinə müsabiqə yolu ilə seçilmiş və həmin ildə də professor vəzifəsi təsdiq olunmuşdur.[4]

Hal-hazırda Azərbaycan Tibb Universitenin Epidemiologiya və biostatistika kafedrasının müdiridir. Rəhbərliyi altında 40 nəfər namizədlik, 2 nəfər isə doktorluq dissertasiyası müdafiə etmişdir. 270 elmi əsərin, o cümlədən 5 dərsliyin, 15 tədris vəsaitinin, 10 metodik göstərişin müəllifidir.

1992-ci ildən 2020-ci ilə qədər Səhiyyə Nazirliyinin baş epidemioloqu olmuşdur. Eyni zamanda ATU-nun gigiyenik fənlər üzrə metodik və epidemiologiya, mikrobiologiya və yoluxucu xəstəliklər üzrə problem komissiyalarının sədridir.

1999-cu ildə Rusiya Təbiət Elmləri Akademiyasının, 2001-ci ildə isə Beynəlxalq Eko-enerji Akademiyasının üzvü seçilmişdir.

Yeni Azərbaycan Partiyasının üzvüdür.

Təltifləri

redaktə

1999-cu və 2006-cı illərdə Səhiyyə Nazirliyinin fəxri fərmanı ilə təltif olunmuşdur.

2000-ci ildə Rusiya Təbiət Elmləri Akademiyasının İ. P. Pavlov adına gümüş medalı ilə təltif olunmuşdur.

2000-ci ildə Azərbaycan Respublikasının Prezidentinin fərmanı ilə "Əməkdar müəllim" fəxri adı verilmişdir.[5]

2007-ci ci ildə Azərbaycan Respublikasının Prezidentinin sərəncamı ilə "Əməkdar elm xadimi" adına layiq görülmüşdür.

27 mart 2024-cü ildə "Aşıq Ələsgər – 200" yubiley medalı ilə təltif olunmuşdur.

İstinadlar

redaktə
  1. ↑ 1 2 AĞAYEV İbadulla Əliağa oğlu.
  2. ↑ Azərbaycan Milli Ensiklopediyası (25 cilddə). Bakı: "Azərbaycan Milli Ensiklopediyası" Elmi Mərkəzi. ISBN 978-9952-441-00-0.
  3. ↑ "Kafedra Müdiri, T.E.D., Prof., Əməkdar Elm Xadimi, Əməkdar Müəllim Ağayev İ. Ə." (az.). 2023-11-29.
  4. ↑ Ələddin Allahverdiyev. "Tanınmış epidemioloq, nurlu pedaqoq" (az.). Xalq qəzeti. 07.03.2025. İstifadə tarixi: 2025-03-08.
  5. ↑ "Azərbaycan Tibb Universiteti müəllimlərinə fəxri adların verilməsi haqqında Azərbaycan Respublikası Prezidentinin 17 iyun 2000-ci il tarixli,350 nömrəli Fərmanı" (az.). e-qanun.az. 2000-06-17. 2022-05-15 tarixində arxivləşdirilib. İstifadə tarixi: 2023-11-29.

Xarici keçidlər

redaktə
Mənbə — "https://az.wikipedia.org/wiki/?q=İbadulla_Ağayev&oldid=8066446"
UREYIM.AZ