Imran Esgerov - Wikipedia - Ureyim.az

Ana Səhifə - Imran Esgerov

İmran Hürrü oğlu Əkbərov (19 aprel 1958, Ordubad) — Cənubi Rusiya Universitetinin (İdarəetmə, biznes və hüquq İnstitutunun) rektoru (1991), İqtisad elmləri doktoru, professor, Rusiya Federasiyası Təhsil və Elm Nazirliyi Akkreditasiya kollegiyasının, Cənub Federal Dairəsinin rektorlar şurası idarə heyətinin üzvü, Rusiyanın Cənub Regionu Qeyri-Dövlət Təhsil Müəssisələri Mütəxəssisləri Regionlararası Assosiasiyasının prezidenti.^[1]

İmran Əkbərov
İmran Hürrü oğlu Əkbərov

Doğum tarixi	19 aprel 1958 (67 yaş)
Doğum yeri	Ordubad
Atası	Hürrü
Təhsili	İqtisad elmləri doktoru, qrand fəlsəfə doktoru
Fəaliyyəti	Cənubi Rusiya Universitetinin (İdarəetmə, biznes və hüquq İnstitutunun) rektoru (1991-ci ildən)
Elmi dərəcələri	iqtisad elmləri doktoru, texnika elmləri namizədi
Mükafatları

Həyatı

redaktə

İmran Hürrü oğlu Əkbərov 1958-ci il aprel ayının 19-da Naxçıvan Muxtar Respublikasının Ordubad şəhərində anadan olub.
1980-ci ildə Rostov Dəmir Yolu Nəqliyyatı Mühəndisləri İnstitutunu bitirib.
1987-ci ilədək dəmiryolu sistemində işləyib.
1987-ci ildən həmin institutun İstehsalatın idarə edilməsi kafedrasında idarəetmə sahəsi fənlərini tədris edib.
1991-ci ildən Cənubi Rusiya Universitetinin (İdarəetmə, biznes və hüquq İnstitutunun) rektorudur.
İqtisad elmləri doktoru, professordur. 15 elmlər namizədi, 2 elmlər doktoru yetişdirib.
Rusiya Federasiyası Təhsil və Elm Nazirliyi Akkreditasiya kollegiyasının, Cənub Federal Dairəsinin rektorlar şurası idarə heyətinin üzvü, Rusiyanın Cənub Regionu Qeyri-Dövlət Təhsil Müəssisələri Mütəxəssisləri Regionlararası Assosiasiyasının prezidentidir.
İmran Əkbərov yüksək beynəlxalq elmi dərəcəyə - qrand fəlsəfə doktoru dərəcəsinə malikdir.^[1]

İstinadlar

redaktə

↑ ¹ ² "Rusiya Federasiyası üzrə ilk özəl ali məktəb lisenziyası alan bizim universitetdir"/Azərbaycan müəllimi, 2010, 22 oktyabr, S.4.

Mənbə — "https://az.wikipedia.org/wiki/?q=İmran_Əsgərov&oldid=6219713"