Istifadeci Muzakiresi Dazai0 - Wikipedia - Ureyim.az

Məqaləyə mənbələr əlavə etməkdən başqa heç bir qayda pozmadığım halda nəyə görə bloklanmışam? @Wertuose @Gadir Dazai0 (müzakirə) 10:53, 23 may 2025 (UTC)Cavabla

Ali Attestasiya Komissiyasının vikipediya səhifəsinə müvafiq mənbələr və rəsmi təsdiqlənmiş məlumatları işlədiyim üçün heç bir izah verilmən bloklanmışam, hətta müzakirə səhifəsinə belə yaza bilmirəm, budur vikipediyanın azad ensiklopediya olması? Dazai0 (müzakirə) 10:55, 23 may 2025 (UTC)Cavabla

Silinən hissələri cəmi 1 dəfə işləyib geri qaytarmağımı redaktə müharibəsi adlandırırsızsa sizə sözüm yoxdur @Wertuose Dazai0 (müzakirə) 10:58, 23 may 2025 (UTC)Cavabla

@Gadir, rəsmi dövlət orqanlarının məlumatlarına əsaslanan, mənbələri dəqiq göstərilən, bir neçə istinada malik olan məlumatların aidiyyatı üzrə əks etdirilməsinə niyə görə icazə verilmir? Famil Mustafayevin səhifəsində yazanda dediz ki, bu quruma aiddir, şəxsə yox. Mən də sizdən icazə alıb, qurumun səhifəsinə işlədim, buna görə də digər admin tərəfindən bloklandım. Mənə cavab verməyinizi xahiş edirəm Dazai0 (müzakirə) 11:18, 23 may 2025 (UTC)Cavabla

@Wertuose, istifadəçi harada redaktə müharibəsi edib? Nemoralis (müzakirə) 11:34, 23 may 2025 (UTC)Cavabla

@Nemoralis, @Gadir bəy, Ali Attitestasiya Komissiyasının səhifəsində mənbələrin düzgün olmadığını bildirdi, mən də ora yeni mənbələr əlavə edib, səhifəni bərpa etdim, cəmi 1 dəfə, bunu “redaktə müharibəsi” adlandırmaq böyük haqsızlıqdır. Dazai0 (müzakirə) 11:39, 23 may 2025 (UTC)Cavabla

Dazai0, Ali Attestasiya Komissiyasının məqaləsinə əlavə etmək istədiyiniz məlumatlardan görünür ki, hansısa səbəblərdən bu quruma və ya onun vəzifəli şəxslərinə qarşı narazılığınız var. Vikipediyanın azadlığı hər kəsin istədiyini yazmaq azadlığını nəzərdə tutmur. Zəhmət olmasa, Vikipediya nə deyil və Burada ensiklopediyanı genişləndirmək üçün olmaq qaydaları ilə tanış olun və blok müddətiniz bitdikdən sonra edəcəyiniz redaktələrdə xoşniyyətli olduğunuzu göstərin.--Wertuose (müzakirə) 11:40, 23 may 2025 (UTC)Cavabla

@Wertuose, bunu kim müəyyənləşdirir? Heç dəxli var? Əgər yazdıqlarım şər-böhtan xarakteri daşımır, etibarlı məlumatlara əsaslanaraq, öz təsdiqini tapırsa, vikipediya qaydalarını pozmursa bunu hansı motivlə etdiyimi siz mühakimə edə bilmərsiz. Dazai0 (müzakirə) 11:47, 23 may 2025 (UTC)Cavabla

Bu blok səbəbi deyil, olsa belə blok səbəbini düzgün yazmamısınız. Bloku açıram, zəhmət olmasa, məqalənin məzmunu müzakirə edərək dəyişdirin. Nemoralis (müzakirə) 11:49, 23 may 2025 (UTC)Cavabla

@Wertuose, bir daha yanlış blok səbəbi ilə bloklamısınız. Üstəlik istifadəçinin etiraz edə bilmə imkanını (müzakirə səhifəsi və email bağlanıb) əlindən almısınız. İstifadəçi sırf bu redaktələr üçün hesab açmayıb ki, tək məqsədli hesab adlandırıla. Məqalənin məzmunu ilə bağlı etirazınız varsa müzakirə etməlisiniz. Əlinizdəki administrativ imkanlardan istifadə edib istifadəçini susdurmaqla yox. Nemoralis (müzakirə) 11:56, 23 may 2025 (UTC)Cavabla

VP:BLOKOLMAZ əsasən inzibatçılar məzmun mübahisəsi etdiyi istifadəçiləri bloklamamalıdırlar. Siz həmçinin VP:BLOKDANƏVVƏL ediləcək şeylərin heç birini etməyərək birbaşa bloklamısınız. Zəhmət olmasa, bloku açın. Nemoralis (müzakirə) 11:58, 23 may 2025 (UTC)Cavabla

İstifadəçinin axırıncı dəfə 2 il əvvəl, ondan əvvəl isə daha bir neçə il əvvəl aktiv olduğunu görmüsünüz yəqin ki. lərindən bu hesabın başqa təcrübəli istifadəçiyə aid olduğunu hiss etmək çətin deyil. Bu istifadəçi sadəcə öz marağı üçün məqaləyə mənasız əlavələr edir. Geri qaytarılan redaktələrinin bəzilərinə Gadir tərəfindən yazılan şərhləri də görmüş olarsınız. Mənbədə olmayan fikirlər əlavə etməyə çalışıb. Bu cür istifadəçini israrla müdafiə etməyinizi tam anlamıram düzü. İstifadəçinin müzakirə səhifəsində yazdıqları onun blokunun açılmasına töhfə verən fikirlər deyil, get-gedə aqressiv tonunu artırır.--Wertuose (müzakirə) 12:06, 23 may 2025 (UTC)Cavabla

İstifadəçini müdafiə etməyə çalışmıram, mən sadəcə mövzunun müzakirə ilə həll olunmağını dəstəkləyirəm. Gadirin yazdıqlarını görmüşəm, amma Gadir məsələn daha sonra AAK məqaləsinin müzakirəsindəki sualları da cavabsız qoyub. Əlavə olunan mətn mənasızdırsa bunu istifadəçiyə başa salmaq daha doğrudur, nəinki bloklamaq və etiraz imkanını ələ almaq. @White Demon, @Gadir, zəhmət olmasa siz də fikir bildirərsiz. Nemoralis (müzakirə) 12:10, 23 may 2025 (UTC)Cavabla

Mən istifadəçini tanımıram, əsl məqsədindən, nəsə marağının olmasından xəbərim yoxdur. Əlavə etdiyi məzmuna nəzər yetirdim və onu deyim ki, sözügedən bölməni düzgün tərtib etməyib. 100 min manatla bağlı məsələni məqalədə saxlamaq olar, çünki o konkret quruma aid məsələdir və məqalənin "Tənqid" bölməsində öz əksini tapa bilər. Qalan məlumatlar isə ya konkret şəxslərlə bağlı məlumatlardır, ya da ensiklopedik olmayan məlumatlardır. Diplomu tanımamaqla bağlı olan məsələyə bu qədər məzmun ayrılması düzgün deyil. Hər halda bunla bağlı məsələni əvvəlcə istifadəçiyə bildirmək və müzakirə aparmaq lazımdır, əgər istifadəçi şərhlərə məhəl qoymayıb eyni fəaliyyətə davam edirsə, onda bloklamaq lazımdır. Sousou no Frieren 12:29, 23 may 2025 (UTC)Cavabla

Görünür, Vikipediyada yenə qurumların keşikçiliyi edilir və bu məqsədlə istifadəçilər bloklanır. --► Hörmətlə: ChanisCaucasi 12:33, 23 may 2025 (UTC)Cavabla

İstifadəçinin məqalədə yazdıqları birbaşa qurum haqda deyil, onun rəhbərliyinin fəaliyyəti və ya fəaliyyətsizliyi nəticəsində ortaya çıxan hallarla bağlıdır. Hər hansı qurumun fəaliyyətində hər il onlarla bu cür epizodlar ola bilər. Mətbuatı və sosial şəbəkələri araşdırsaq, konkret həmin qurum haqda bəlkə yüzlərlə bu cür şikayət var. Vikipediya məqaləsi hər hansı qurumu bir institut olaraq təsvir etmək üçündür və onun fəaliyyətindəki sistematik nöqsanlar barədə hansısa mötəbər mənbə tərəfindən aparılmış araşdırmanın nəticəsi təbii ki, məqalədə yazılmalıdır. İstifadəçinin səhvi ondadır ki, çox detallara gedir və əhəmiyyət kəsb etməyən məzmun əlavə edərək məqalənin yönünü dəyişir. Halbuki məqalədə yazdıqlarının hamısı 1 cümlə ilə ifadə oluna biləcək fikirlərdir. Epizodik halları qabartmağa çalışması sadəcə öz məqsədi üçün Vikipediyadan sui-istifadə etməkdən başqa bir şey deyil. Vikipediyada məlumat çirkliliyi yaratmamaq üçün bu cür halları təşviq etmək yox, qarşısını almaq lazımdır.--Wertuose (müzakirə) 13:58, 23 may 2025 (UTC)Cavabla

Bunları bloklamadan da demək olardı. Zəhmət olmasa, bloku açın. Artıq 3 nəfər blokun doğru olmadığını qeyd edib. Nemoralis (müzakirə) 15:37, 23 may 2025 (UTC)Cavabla

Ara qarışıb, yadımdan çıxdığı üçün indiyə qaldı, amma yenə də deyim. Sonuncu dəfə nə vaxt, ondan əvvəl də nə vaxt redaktə etdiyimin heç bir əhəmiyyəti yoxdur. Bu vaxta qədər son redaktəm iki il əvvələ aid olsa da, hər ay dəfələrlə vikipediyaya girirdim. Kefim istəyəndə də redaktə edirdim. Mənim burdakı məqsədim aktiv redaktor olmaq deyil; onsuz da bu hesabı açmamdakı səbəb Sinan Səidin məqaləsinə anamın şəkil qoymamı istəməsi olub. Açığı anamın belə istəyi olmasaydı, hesab açmaq ağlımın ucundan belə keçməzdi. Bu öz yerində. Mənim fəaliyyətimdən təcrübəli, başqa bir hesabı olan istifadəçi nəticəsini çıxarmaq hansı sezginin məhsuludur, bilmirəm. Elədiklərimi bu sayta ilk dəfə girən istənilən insan yarım saat içərisində qavraya bilər. Hər hansısa məqalənin mənbə kodunu açıb, başlığın necə, alt başlığın necə, şəklin, mənbənin necə, nə cür əlavə edildiyini görüb, öyrənmək olur. Son olaraq, 7 il əvvəl açılmış və vaxtaşırı redaktələr etmiş hesaba tək məqsədli hesab etiketi vurmaq sadəcə olaraq gülməlidir. 18 ildir vikipediyada olub, hələ də vikipediyanın qayda-qanunundan bixəbər olmaq nailiyyətdir. Bütün bunlar sadəcə olaraq bir vikipediya inzibatçısından gözlənilən emosional intellekt tələbinə cavab vermir. Bu səhifədəki qalan hər kəs (özümü saymıram) yüksək emosional intellekt nümayiş etdirdi. Özümə gəlincə ağlımda bir aydır böyük bir video oyun məqaləsi hazırlamaq var. Ola bilsin bacardığım qədər mükəmməl hazırlayıb, hesabımın silinməsini istəyəcəm. Bir ildir hesab təmizliyi edirəm internetdə; bu da mənə artıq görünür, bunu da silmək fikrim var idi. Dazai0 (müzakirə) 10:39, 25 may 2025 (UTC)Cavabla

Okey, xəbərdarlıqsız bloklanmağınız bir xəta idi, amma məzmunun düzgün olunmadığı sizə dəfələrlə bildirildi və buna rəğmən düzəliş etmədən eyni məzmunu əlavə etməyə davam etdiniz. Bunu etməməli idiniz. Bəli, adətən belə israrlı fəaliyyət qərəzli və destruktiv hesab olunur. İstədiyiniz məqaləni redaktə etməkdə sərbəstsiniz, amma qaydalara uyğun. Və sizin kimi, digərləri də istədikləri mövzuları redaktələri etməkdə sərbəstdirlər. Zəhmət olmasa, başlığın açılma səbəbini nəzərə alaraq məsələnin də həll olunduğunu nəzərə alaraq bu mövzunu burada bağlayın, şərhləriniz şəxs üzərinə fikirlər ehtiva edir, buradakı müzakirələr ancaq və ancaq Vikipediya məzmununun təkmilləşdirilməsi üstündə getməlidir, əlaqəsiz və faydasız mövzular üzərində yox. Vikipediyaya töhfə vermək istəyirsinizsə, buyurun, buna imkanınız var. Hörmətlə, Qədir (müzakirə) 11:06, 25 may 2025 (UTC)Cavabla

Düzdür, bağlayaq artıq burada. Ancaq şəxsi hücumlar etmirəm, tənqid yazıram. Bir dövlət məmurunun ünvanına bundan da şiddətlisini demək olar qanuni olaraq və (qanuni olaraq) ləyaqətin alçaldılması və s. sayılmaz. Mənim haqqımda başqa hesabı olan təcrübəli istifadəçi deyərək məkrli olduğuma eyham vurur, ki bu daha böyük təhqirdir. Hərçənd ki, mən də komissiyasının və sədrinin adının mənfi kontekstdə hallanmasından bariz şəkildə incidiyini düşünürəm, qətiyyən buna işarə edən oxşar fikirlər söyləmərəm. Dazai0 (müzakirə) 11:17, 25 may 2025 (UTC)Cavabla

• Salam. İstifadəçinin AAK-nin müzakirə səhifəsində yazdıqlarını cavablamağa vaxtım olmayıb. Bu gün imkan edib cavab yazmağı düşünürdüm, amma artıq gedişata görə istifadəçinin müzakirə səhifəsində yazmalı oluram. Öncəliklə onu deyim ki, istifadəçinin əlavə etdiyi məzmun böyük ehtimalla bötüvlükdə ya copy-pastedir ya da süni intellekt ilə yaradılıb, məncə. Bir qismini aşkarlayıb təmizlədim, hamısına baxmağa vaxtım yoxdur. İndi də məzmunu qurumun məqaləsinə əlavə edərkən etinasızlıqlar edərək başdansovdu davranır, halbuki dəfələrlə qeyd etdim ki, yığcam şəkildə və mənbələri düzgün yerləşdirərək verin. İstifadəçi bu redaktəsi ilə məni ittiham edib, xoşniyyətli davranış deyil bu. Baxmayaraq ki, özü deyəsən qurumun sədri Famil Mustafayevə qərəzlidir. Şəxsin məqaləsindən silinən eyni yazını götürüb qurumun məqaləsinə əhəmiyyətli dəyişiklik etmədən əlavə edir. Bura ensiklopediyadır, yuxarıda da qeyd edildiyi kimi, bunları belə yox, ensiklopedik üslubda yığcam və neytral şəkildə vermək olar. İstifadəçiyə başa salmağa çalışsam da, dəfələrlə redaktələri geri qaytarır, mənim isə redaktə etməyə vaxtım yoxdur. İstifadəçinin davranışları isə "destruktiv fəaliyyət" sayıla bilər. Hər halda, xəbərdarlıq edilmədiyini nəzərə alaraq təklif edirəm ki, istifadəçinin bloku açılsın, çünki bloklanacaq qədər pozuntuya yol vermədiyi qənaətindəyəm. Belə hallarda öncəliklə istifadəçiyə xəbərdarlıq etmək lazımdır, məqaləni mühafizə edib istifadəçini bloklamaq düzgün deyil. Ümid edirəm ki, istifadəçi daha konstruktiv fəaliyyətə fokuslanacaq. Hörmətlə, Qədir (müzakirə) 16:01, 23 may 2025 (UTC)Cavabla

  Mən də düşünürəm ki, istifadəçinin fəaliyyəti xoşniyyətli deyil. Mən kimsəni nə isə ittiham etməyi sevmirəm, amma iki il fəaliyyət göstərməyib birdən birə bu qurum və sözügedən şəxsin məqaləsinə bu formada töhfə vermək burada ensiklopediyanı genişləndirmək üçün olmağa oxşamır. Sousou no Frieren 16:20, 23 may 2025 (UTC)Cavabla

  İstifadəçinin blokunu açdım. Nemoralis (müzakirə) 10:24, 24 may 2025 (UTC)Cavabla

  @Nemoralis, buna görə Sizə minnətdaram. Məlum səhifədə əlavə etdiyim məlumatların ucdantutma silinmək yerinə, vikipediya qaydalarına uyğun olaraq işlənib əlavə edilməsi üçün köməklik göstərilməsini adminlərdən xahiş edirəm. Dazai0 (müzakirə) 10:28, 24 may 2025 (UTC)Cavabla

  @Gadir Zəhmət olmasa məqalənin mühafizəsini götürə bilərsiniz? Dazai0 (müzakirə) 15:53, 24 may 2025 (UTC)Cavabla

  Sadəcə 100 min manatla bağlı məsələ məqaləyə əlavə etməyə uyğundur. Qalan məsələlər qeyd etdiyim kimi ya konkret qurumla bağlı məlumat deyil, ya da ensiklopedik məlumat deyil. Sousou no Frieren 16:02, 24 may 2025 (UTC)Cavabla

  @White Demon, yaxşı problem deyil. Zəhmət olmasa, həmin hissənin müvafiq məqalədə yer almasını təmin edin. Dazai0 (müzakirə) 17:16, 24 may 2025 (UTC)Cavabla

  Sizin blokunuz açılmalıdı ki, sırf bu qərəzli fəaliyyətə fokuslanasınız. Blokunuz açıldı ki, digər istiqamətlərə yönələ və faydalı töhfələr verəsiniz. Onu da deyim ki, əlavə etdiyiniz məzmunun doğru olmadığını bildirirlərsə, onu heç kimin doğru şəkildə əlavə etmək kimi bir məcburiyyəti yoxdur, ya özünüz düzəldəcəksiniz, ya da xətalı halını bərpa etməyəcəksiniz, yəni silinəcək. Hörmətlə, Qədir (müzakirə) 09:02, 25 may 2025 (UTC)Cavabla

  @Gadir, yaxşı zəhmət olmasa, şərait yaradın, mən irad bildirilən hissəni yenidən işləyə bilim Dazai0 (müzakirə) 09:28, 25 may 2025 (UTC)Cavabla

  İndiki vəziyyətdə belə daha doğrudur düşünürəm. Eyni şeylər təkrarlanmasın deyə zəhmət olmasa başqa səhifələr üzrə konstruktiv töhfələr verməyə istiqamətlənin. Uzun müddətdən sonra redaktələriniz sadəcə bu mövzududadır deyə xoşniyyətli hal görmürəm. Töhfə vermənizə şərait yaradıldı. Onu daha sonra əlavə edərsiniz, ona kimi mətni qaralamada uyğun hala gətirərsiniz. Hörmətlə, Qədir (müzakirə) 09:45, 25 may 2025 (UTC)Cavabla