Istifadeci Muzakiresi Qrup133 - Wikipedia - Ureyim.az

Lütfən yazacağınız məqalələrin mövzusunu seçərkən öncə ensiklopedik əhəmiyyətlilik şərtləri ilə tanış olun. Həmçinin nəzərə alın ki, Vikipediya nə məlumat bazası, nə də indiyə kimi mövcud olan şeylərin kataloqu deyil. Hörmətlə, Qədir (müzakirə) 13:41, 5 iyun 2025 (UTC)Cavabla

Salam @Gadir, mənim "Molla Nəsrəddin" karikaturasına dair yaratdığım məqalələr informasiya baxımından nəinki vikipediya üçün, həmçinin azərbaycandilli internet istifadəçiləri üçün əhəmiyyətli və maraqlı idi. Mən o məlumatları tutarlı, sanballı, həmçinin çətin tapılan mənbələrdən oxuyub tərcümə etmişdim. O məlumatların heç biri bundan əvvəl internetdə yayılmamışdı. Karikaturaların şəkillərini isə bu günlərdə yükləyəcəkdik. Bu baxımdan, sizin yolladığınız məktubda göstərdiyiniz iradlar doğru deyil. Mən bunu özümə və internetdə məlumat almaq istəyən oxuculara qarşı təxribat hesab edirəm. Zənnimcə silməzdən öncə, Molla Nəsrəddin jurnalına birləşdirə bilərdiniz. Təəssüf edirəm ki, bu materialın silinməsi azərbaycan oxucularını olduqca geri salır. Hörmətlə: Qrup133 (müzakirə) 11:29, 12 iyun 2025 (UTC)Cavabla

Xahiş edirəm, xoşniyyətli olun və əsassız ittihamlardan çəkinin. Əvvəla sizə göstərdiyim kriteriyalarla tanış olun. Beş əsas prinsiplə tanış olun. Vikipediya:Vikipediya nə deyil qaydasında açıq şəkildə qeyd edilib: Hər hansı bir informasiyanın doğru və ya faydalı olması heç də bu informasiyanın mütləq ensiklopediyaya daxil edilməsinə haqq vermir. Bu baxımdan, burada müəyyən bir jurnalın hər karikaturası, sayı, süjeti və s. barədə məqalə olmalı deyil. Məzmunu zatən qaralamaya köçürmüşdüm, əgər istəyirsinizsə və həmin məzmunlardan istifadə edərək jurnalın məqaləsində ixtisar şəkildə məlumat verməyi düşünürsünüzsə, bərpa edə bilərəm ki, bunu edə biləsiniz. Ensiklopedik şəkildə əsas məqalədə məlumat vermək niyyətiniz varsa, deyin, bərpa edim və siz də uyğun redaktələri edin. Amma məzmunu öz sözlərinizlə ifadə edin, ensiklopediyanın keyfiyyəti üçün məzmunu olduğu kimi mənbələrdən copy-paste etmək kimi uyğun olmayan hallara yol verməyin. Dediyim kimi, məqalə yaratmazdan əvvəl ensiklopedik əhəmiyyətlilik şərtləri ilə tanış olmaq və ona əsaslanmaq lazımdır. Sizin yaratdığınız mövzulardakı mənbələr isə əhatə dairəsi baxımından məhduddur. Yəni dediyimə gətirib çıxarır, Vikipediya nə məlumat bazası, nə də mövcud olan bütün şeylərin kataloqu deyil. Daha alt mövzular barədə müvafiq olaraq digər Vikimedia layihələrində məzmun üzrə töhfələr verə bilərsiniz. Hörmətlə, Qədir (müzakirə) 13:19, 12 iyun 2025 (UTC)Cavabla

Salam, Qədir. Siz karikaturalarla bağlı sildiyiniz iki məqaləni geri qaytarın, biz onu maksimum dərəcədə ixtisar edib paylaşarıq. Karikaturaları isə tezliklə yerləşdirərik. Qrup133 (müzakirə) 08:58, 13 iyun 2025 (UTC)Cavabla

Okey. Ümid edirəm ki, məzmunda copy-paste elementləri yoxdur; əgər varsa, o halda məzmunu Vikipediyaya əlavə etməyin. Əgər problemsizdirsə, məzmunu istifadəçi alt səhifələrinizə köçürə bilərsiniz; mətn proqramları vasitəsilə də məzmunda korrektə apara bilərsiniz. Buyurun: "Molla Nəsrəddin" karikaturası (Politexnikuma dair) və "Molla Nəsrəddin" karikaturası (Baş üstə!). Hörmətlə, Qədir (müzakirə) 13:20, 13 iyun 2025 (UTC)Cavabla

Salam, Qədir. Politexnikuma dair karikaturanın mətnini maksimum ixtisar etdik, amma karikaturanı yerləşdirə bilmədik, çünki vikipediyada buna dair kateqoriya yox idi, xarici kateqoriya ilə də şəkil yüklənmədi. Ona görə məqalə yarımçıq qalıb. Karikaturanı sizə göndərsək yükləyə bilərsiniz? Qrup133 (müzakirə) 08:40, 17 iyun 2025 (UTC)Cavabla

Həll etdiyinizi dediyiniz məzmun budursa yenə də uyğun deyil. Bu mətni Vikimənbədə verə bilərsiniz. Yuxarıda qeyd etdiyim keçidlərdən qaydalarla tanış olun. Xahiş edirəm yazdığınız digər məqalələri üslub baxımından digər məqalələrə baxaraq ensiklopediyaya uyğunlaşdırın. Həmçinin interviki keçidi (dillərarası bağlantı) verməyi də unutmayın. Hörmətlə, Qədir (müzakirə) 15:10, 17 iyun 2025 (UTC)Cavabla

Aydındır, vikimənbədə yerləşdirərik. "Le Viandier" məqaləsində başlıqda etdiyiniz redaktəyə görə təşəkkür, amma Qiyom Tiril səhifəsində aşpazın familyasını redaktə etmək lazımdır, Tiril yox, Tirel olmalıdır. Hörmətlə Qrup133 (müzakirə) 06:02, 18 iyun 2025 (UTC)Cavabla

  Həll edildi. Hörmətlə, Qədir (müzakirə) 16:46, 18 iyun 2025 (UTC)Cavabla

Hər bir karikaturaya (müstəqil mənbələrdə ayrıca müzakirə və araşdırma mövzusu olmayıbsa) məqalə yaratmağa ehtiyac yoxdur. Nemoralis (müzakirə) 08:17, 18 iyun 2025 (UTC)Cavabla

Salam. İsa Məsihin Qan üzərində Dirilməsi Kilsəsi (Sankt-Peterburq) səhifəsinin məzmununu tamamilə silmisiniz. Belə hallarda səbəb göstərməlisiniz. Həmçinin belə yox, silinmə üçün səhifəyə səbəb göstərərək {{sil}} şablonu yerləşdirə bilərsiniz. İstifadəsi ilə şablon səhifəsindən tanış ola bilərsiniz. Hörmətlə, Qədir (müzakirə) 16:57, 20 iyun 2025 (UTC)Cavabla

Salam, Qədir. Bəli, mətni sildik, çünki o səhifə başqa adla vikipediyada var imiş. Siz yerdə qalan hissəni istəsəniz tam silə bilərsiniz. Şəkilləri və lazım olan məlumatı əvvəl yaradılan səhifədə paylaşdım. Sabah bu məsələni həll edəcəkdik. Diqqətinizə görə sağ olun. Hörmətlə Qrup133 (müzakirə) 18:32, 20 iyun 2025 (UTC)Cavabla

Buyurun. Həll etdim. Bu arada, istifadəçi adımı düz yazsaz sevinərəm, Qadir yox, Gadir :) Hörmətlə, Qədir (müzakirə) 18:53, 20 iyun 2025 (UTC)Cavabla