 |
 |
Ureyim.az |  |
 |
Şokoladlı pizza – şokoladdan istifadə edərək hazırlanan pizza çeşidi.[1] Müxtəlif stilləri və hazırlanma qaydaları mövcuddur. Şokoladlı pizza desert kimi də servis edilə bilər. Bəzi şirkətlər şokoladlı pizza hazırlamaqda ixtisaslaşıblar.
Bəzi şokoladlı pizzalar xəmirə birbaşa şokoladın əlavə edilməsi ilə hazırlanır.[2][3] Şokoladlı pizza şirin, desert yeməyi və ya əsas yemək kimi servis edilə bilər.[4][5] Şokoladlı pizza peçdə bişirilməyə qoyulmamış xəmirin üzərində şokoladın əlavə edilməsi ilə hazırlana bilər. Başqa bir variant isə bişdikdən sonra üzərinə fındığın əlavə edilməsidir.[5] Son illərdə şokoladlı pizzanın hazırlanmasında istifadə olunan inqredientlərə şəkər şirəsi, banan, çiyələk, marşmellou, şəkər dənəcikləri və ağ şokolad parçaları aiddir.[5]
Şokoladlı pizza məktəblilərin sevdiyi iki qida növünü – pizzanı və şokoladı özündə birləşdirir.[6] Şokolad və pizzanın qarışdırılmasına Qərb ölkələrində paralel olaraq başlanılmış və desert kimi restoranlarda təqdim edilmişdir.
Şokoladlı pizza Sevgililər günü yeməyi kimi də tanınır.[7]
Chocolate Pizza® Chocolate Pizza Company şirkətinin qeydiyyat keçmiş əmtəə nişanıdır.
Chocolate Pizza Company ABŞ-da şokoladlı pizza bişirməkdə ixtisaslaşmış şirkətdir.[8] Şirkətin baş qərargahı Nyu-Yorkda yerləşir.[9] Chocolate Pizza® bu şirkətin qeydiyyat keçmiş əmtəə nişanıdır.
İngiltərənin Kotqreyv şəhərində yerləşən The Gourmet Chocolate Pizza Company şirkəti Belçika şokoladından pizzalar hazırlayır.[10] Bu pizzalar soyuq şəkildə desert kimi təqdim edilir.[10]
 |
 |
UREYIM.AZ |  |
 |
|
