 |
 |
Ureyim.az |  |
 |
Əbülfəz Həsən oğlu Abbasquliyev (may 1918, Mahmudkənd – 27 iyun 1985, Bakı) — Azərbaycanlı nasir, dramaturq, Azərbaycan Yazıçılar Birliyinin üzvü (1954).
| Əbülfəz Abbasquliyev | |
|---|---|
| Doğum tarixi | may 1918 |
| Doğum yeri | |
| Vəfat tarixi | 27 iyun 1985 (67 yaşında) |
| Vəfat yeri | |
| Vətəndaşlığı |
 AXC→ SSRİ |
| Milliyyəti | azərbaycanlı |
| Təhsili | |
| Fəaliyyəti | yazıçı, nasir, dramaturq |
| Əsərlərinin dili | azərbaycanca |
| Üzvlüyü | |
Əbülfəz Abbasquliyev 1918-ci ilin mayında Şərur-Dərələyəz qəzasının Mahmudkənd kəndində doğulmuşdur. Həmin kəndin yaxınlığında olan Baş Noraşen kənd nümunə məktəbini bitirəndən sonra APİ-nin dil-ədəbiyyat fakültəsində təhsil almışdır. İlk hekayələrini tələbəlik illərində "Əbülfəz Abbasquluzadə", "A. Əbülfəz" imzalan ilə dərc etdirmişdir. "Çiçəklənən həyat", "And" hekayələri 1937-ci ildə institutun "Lenin tərbiyəsi uğrunda" adlı qəzetində çap olunmuşdur. Sonra Yerevan Dövlət Pedaqoji İnstitutunda, Azərbaycan fakültəsində Azərbaycan dili və ədəbiyyatını tədris etmişdir (1938–1943). İnstitut bağlandığına görə, Şərur rayonuna köçmüş, burada rayon qəzeti redaksiyasında məsul katib, redaktor işləmişdir (1943–1947). "Günəş doğur" adlı dram əsəri 1946-cı ildə C. Məmmədquluzadə adına Naxçıvan Dövlət Dram Teatrında müvəffəqiyyətlə tamaşaya qoyulmuşdur. Bundan sonra "Sədəf" pyesini yazmışdır. 1947-ci ildə Bakıya köçüb "Ədəbiyyat qəzeti" redaksiyasında nəsr şöbəsinin müdiri, Azərbaycan Xalq Təsərrüfatı İnstitutunda və Bakı Ali Partiya Məktəbində baş müəllim işləmişdir (1947–1960). M. F. Axundov adına Pedaqoji İnstitutda "Müasir Azərbaycan dili" kursunu aparmışdır (1960–1970). D. Bünyadzadə adına AXTİ-də baş müəllim vəzifəsində işləmişdir (1970–1985).
Əbülfəz Abbasquliyev 1985-ci il iyunun 27-də Bakıda vəfat etmişdir.
 |
 |
UREYIM.AZ |  |
 |
|