 |
 |
Ureyim.az |  |
 |
Əhmədbəyli–Füzuli–Şuşa magistral avtomobil yolu[2] — Əhmədbəyli kəndini, Füzuli şəhərini, Şuşa şəhərini birləşdirən magistral avtomobil yolu.
| Avtomobil yolu | |
| Əhmədbəyli–Füzuli–Şuşa magistral avtomobil yolu | |
|---|---|
 | |
| Ölkə |
 Azərbaycan |
| Şəhərlər | |
| Uzunluğu | 81,7 km |
| Başlayır | Əhmədbəyli |
| Bitir | Şuşa |
| Örtüyü | Asfalt-beton[1] |
| Tikilmə tarixi | 16 noyabr 2020 |
| İstismara verilib | 3 iyul 2025 |
| Sahibi | Azəravtoyol |
| Vəziyyəti | İstismarda |
Bu yol “Azərbaycan Respublikasının işğaldan azad edilmiş ərazilərinə Böyük Qayıdışa dair I Dövlət Proqramı”na əsasən inşa olunub.[3]
Avtomobil yolu 1-ci texniki dərəcəyə uyğun olaraq 4-6 hərəkət zolaqlı olmaqla inşa edilirdi.[1] Yolun ilk 48 km-i 6 hərəkət zolaqdan,[1][3][4] qalan 33,7 km-i isə 4 zolaqdan ibarətdir.[3][4]
Yolboyu 1 qovşaq, 11 körpü, 7 tunel, 6 viaduk, yeraltı keçidlər və digər zəruri infrastruktur mövcuddur. Körpülərin ümumi uzunluğu 1557 metr təşkil edir.[3]
İkinci Qarabağ müharibəsi bitdikdən 6 gün sonra (Zəfər günündən 8 gün sonra) — 16 noyabr 2020-ci il tarixində Azərbaycan Prezidenti İlham Əliyev və Birinci xanım Mehriban Əliyevanın işğaldan azad edilmiş Füzuli və Cəbrayıl rayonlarına səfəri zamanı[5] Şuşa şəhərinə qədər uzanacaq yeni avtomobil yolunun təməlqoyma mərasimindən dərhal sonra layihənin icrasına start verilmişdir.[6]
2020-ci il noyabrın 17-də Əhmədbəyli ‒ Füzuli ‒ Şuşa avtomobil yolunun layihələndirilməsi və tikintisi ilə bağlı tədbirlər haqqında sərəncam imzalanmışdır. Sərəncama əsasən ümumi uzunluğu 101,5 kilometr olan Əhmədbəyli ‒ Füzuli ‒ Şuşa avtomobil yolunun layihələndirilməsi və tikintisi üçün 2020-ci il dövlət büdcəsində nəzərdə tutulmuş Prezidentin ehtiyat fondundan Azərbaycan Avtomobil Yolları Dövlət Agentliyinə ilkin olaraq 50 milyon manat ayrılmışdır.[7]
7 noyabr 2021-ci il tarixində Azərbaycan Prezidenti İlham Əliyev və birinci xanım Mehriban Əliyevanın iştirakı ilə, başlanğıcını Hacıqabul-Mincivan-Zəngəzur dəhlizi magistral avtomobil yolundan götürən Şuşa şəhərinə qədər uzan, 101 kilometrlik Zəfər yolunun açılışı olmuşdu.[8]
3 iyul 2025-ci il tarixində Azərbaycan Prezidenti İlham Əliyevin iştirakı ilə, uzunluğu isə 81,7 kilometr olan yeni yolun açılışı olmuşdu.[3][9]
 |
 |
UREYIM.AZ |  |
 |
|