 |
 |
Ureyim.az |  |
 |
Əlisahib Selman oğlu Ələkbərov (15 yanvar 1994, Piratman, Salyan rayonu – 29 sentyabr 2020, Göygöl rayonu) — Azərbaycan Müdafiə Nazirliyinin Quru Qoşunlarının baş leytenantı; 2020-ci ildə Qarabağ müharibəsi zamanı Murovdağ istiqamətində gedən xüsusi əməliyyat zamanı şəhid olub, ölümündən sonra "Qarabağ" ordeni ilə təltif edilib.[1]
| Əlisahib Ələkbərov | |
|---|---|
 | |
| Şəxsi məlumatlar | |
| Doğum tarixi | |
| Doğum yeri | |
| Vəfat tarixi | (26 yaşında) |
| Vəfat yeri | |
| Dəfn yeri | |
| Vətəndaşlığı |
 Azərbaycan |
| Təhsili | |
| Hərbi fəaliyyəti | |
| Mənsubiyyəti | Müdafiə Nazirliyi |
| Qoşun növü |
 Quru Qoşunları |
| Xidmət illəri | 2016—2020 |
| Rütbəsi | |
| Döyüşlər | |
| Təltifləri |
    |
Əlisahib Selman oğlu Ələkbərov 1994-cü il, yanvarın 14-də Salyan rayonunun Piratman kəndində anadan olub.[2][1]
2000-2009-cu illərdə Ə. Əliyev adına Piratman-Gəncəli kənd tam orta məktəbində təhsil alıb. 2012-ci ildə Cəmşid Naxçıvanski adına hərbi liseydən məzun olub.[1] 2012-2016-cı illərdə Heydər Əliyev adına Azərbaycan Ali Hərbi Məktəbinin Quru Qoşunları fakültəsində təhsil alıb. Azərbaycan Silahlı Qüvvələrin Təlim və Tədris Mərkəzinin "Zabit ixtisas kursu"nu bitirib.[1]
Azərbaycan müdafiə naziri, general-polkovnik Zakir Həsənovun müvafiq əmrlərinə əsasən "leytenant" və "baş leytenant" hərbi rütbələri verilib.[1]
Azərbaycan Silahlı Qüvvələrində xidmət etdiyi 4 il ərzində kəşfiyyat bölüyünün kəşfiyyat taqımının komandiri, dağ-atıcı taborun dağ-atıcı bölüyünün dağ-atıcı taqımının komandiri, tank əleyhinə bölüyün tank əleyhinə taqımının komandiri, dağ-atıcı taqımın komandiri vəzifələrində xidmət edib.[1]
Müxtəlif illərdə müdafiə nazirinin əmri ilə "Azərbaycan Ordusunun 100 illiyi (1918–2018)" yubiley medalı yubiley medalı ilə, habelə fəxri fərmanlarla təltif edilib.[1]
2020-ci il, sentyabrın 27-də başlanan Qarabağ müharibəsi zamanı Murovdağ zirvələri uğrunda gedən xüsusi əməliyyata qatılıb. Sentyabrın 29-da Göygöl rayonu istiqamətində döyüş mövqeyində qarşı tərəfdən açılan atəş nəticəsində şəhid olub.[1] Salyan rayonunun Piratman kəndində dəfn olunub. Müharibə zamanı xüsusi xidmətləri nəzərə alınaraq "Qarabağ" ordeni ilə[3], həmçinin "Kəlbəcərin azad olunmasına görə" və "Vətən uğrunda" medalları ilə təltif edilib.[4][5]
Evli idi. Orxan və Əlisahib adında 2 oğlu var.
 |
 |
UREYIM.AZ |  |
 |
|