 |
 |
Ureyim.az |  |
 |
Əs-Səhifətus-Səhihə (ərəb. الصَّحِيفَةُ الصَّحِيحَةُ) — ilk yazılı hədis mənbələrindən biri.
| Əs-Səhifətus-Səhihə | |
|---|---|
| ərəb. الصَّحِيفَةُ الصَّحِيحَةُ | |
| Müəllif | Həmmam ibn Münəbbih |
| Janr | hədis |
| Orijinalın dili | ərəb dili |
| Ölkə | Əməvilər |
Əsər "Səhifətu-Həmmam ibn Münəbbih" (ərəb. صحيفة همام بن منبه) də adlanır.[1] Əsər dövrümüzə qədər gəlib çatmış ilk yazılı hədis mətnlərindən biridir. Həmmamdan Məmər ibn Rəşid, ondan tələbəsi Əbdürrəzzaq əs-Sənani, ondan da Əhməd ibn Hənbəl, Buxari və Müslim kimi mühəddislər bu məcmuəni rəvayət etmişlər. Bu əsərdə Allahın sifətləri, sünnənin əhəmiyyəti, namaz, oruc, cihad, tövbə, əxlaq, keçmiş ümmətlər, peyğəmbərlər, cənnət və cəhənnəm kimi mövzularda 139 (bəzi mənbələrdə 138 və ya 136) hədis yer alır.[2]
Əsərin müəllifi tabiin nəslinə mənsub olan Həmmam ibn Münəbbihdir.[2][1] O, Yəməndə doğulmuş və orada da vəfat etmişdir.
Əsər müxtəlif tarixlərdə Heydərabadda, Parisdə, Qahirədə, Beyrutda, Ankarada və İstanbulda dəfələrlə nəşr edilmiş, ingilis, fransız, urdu və türk dillərinə tərcümə edilmişdir.[2]
 |
 |
UREYIM.AZ |  |
 |
|