 |
 |
Ureyim.az |  |
 |
2025 MDB Oyunları — 2025-ci ildə Azərbaycanın Gəncə və digər 6 şəhərində keçirilməsi planlaşdırılan sayca III MDB Oyunları.[1] Oyunların açılış və bağlanış mərasimi və 8 idman növü üzrə yarışlar Gəncədə keçiriləcək. Yarışın 2025-ci ilin sentyabrın 28-dən oktyabrın 8-ə qədər keçirilməsi planlaşdırılıb.[2]
| 2025 MDB Oyunları | |||
|---|---|---|---|
 | |||
| Ölkə |
 Azərbaycan |
||
| Şüar | Hər qəlbdə bir qələbə | ||
| Tarix | 28 sentyabr 2025 - 8 oktyabr 2025 | ||
|
|||
| Sayt | cisgames2025.com | ||
2024-cü ilin aprel ayında Gəncə İdman Sarayının açılışı olub.[3]
Azərbaycan Baş nazirin müavini Samir Şərifov III MDB Oyunlarının Təşkilat Komitəsinin sədri, gənclər və idman naziri Fərid Qayıbov isə sədr müavini təyin olunub.[4]
III MDB Oyunları 2025-ci ildə "Müstəqil Dövlətlər Birliyinin idman paytaxtı" elan edilən Gəncə şəhərində və ölkənin daha 6 şəhərində keçiriləcək. Sentyabrın 28-dən oktyabrın 8-dək davam edəcək yarışlar 23 idman növünü əhatə edəcək. Gəncədə 8, Mingəçevirdə 4, Qəbələdə 4, Şəkidə 3, Göygöldə 2, Yevlaxda 1 və Xankəndidə 1 idman növü üzrə yarışlar təşkil ediləcək. Oyunlarda MDB ölkələrinin idman heyətləri ilə yanaşı, Azərbaycan Hökumətinin dəvəti əsasında bir sıra digər ölkələrin idmançılarının da iştirakı gözlənilir.
III MDB Oyunlarının maskotları və şüarı bəlli olub — maskotlar "Bəbir" və "Leyla"dır, yarış isə "Hər qəlbdə bir qələbə" şüarı altında keçiriləcək.[5]
 |
 |
UREYIM.AZ |  |
 |
|